ഓട്ടോമൊബൈല്‍

വിപണിയില്‍ കുതിച്ച് ഗ്രാസിയ

Print Friendly, PDF & Email

ഇന്ത്യയിലെ ഏറ്റവും വില്‍പ്പനയുള്ള 10 സ്‌കൂട്ടറുകളുടെ പട്ടികയിലും ഗ്രാസിയ ഇടംപിടിച്ചു

A A A

Print Friendly, PDF & Email

ഹോണ്ട മോട്ടോര്‍ സൈക്കിള്‍ ആന്‍ഡ് സ്‌കൂച്ചര്‍ ഇന്ത്യയുടെ ഏറ്റവും പുതിയ 125 സിസി സ്‌കൂട്ടറായ ഗ്രാസിയയുടെ വില്‍പ്പന ഒരു ലക്ഷം തികഞ്ഞു. വിപണിയിലെത്തി അഞ്ച് മാസത്തില്‍ താഴെ കാലം കൊണ്ടാണ് ഈ നേട്ടം ഗ്രാസിയ സ്വന്തമാക്കിയത്.

കഴിഞ്ഞ വര്‍ഷം നവംബര്‍ എട്ടിനാണ് ഗ്രാസിയ വില്‍പ്പനയ്‌ക്കെത്തിയത്. സുസൂക്കി ആക്‌സസ് 125 , ടിവിഎസ് എന്‍ടോര്‍ക്ക് 125 , അപ്രീലിയ എസ്ആര്‍ 125 മോഡലുകളാണ് ഗ്രാസിയയുടെ എതിരാളികള്‍. വിപണിയിലെത്തിയ മാസം മുതല്‍ ഇന്ത്യയിലെ ഏറ്റവും വില്‍പ്പനയുള്ള 10 സ്‌കൂട്ടറുകളുടെ പട്ടികയില്‍ ഗ്രാസിയയുണ്ട് . ഫെബ്രുവരിയില്‍ 23,620 എണ്ണമായിരുന്നു വില്‍പ്പന.

ഗീയര്‍ലെസ് സ്‌കൂട്ടറായ ഗ്രാസിയയുടെ 124.9 സിസി, സിംഗിള്‍ സിലിണ്ടര്‍, ഫോര്‍ സ്‌ട്രോക്ക്, എയര്‍ കൂള്‍ഡ് എന്‍ജിന് 8.5 ബിഎച്ച്പിയാണ് കരുത്ത്. പരമാവധി ടോര്‍ക്ക് 10.54 എന്‍എം. യഥാര്‍ഥ റോഡ് സാഹചര്യങ്ങളി്ല്‍ 45 48 കിമീ / ലീറ്റര്‍ മൈലേജ് ലഭിക്കും. എല്‍ഇഡി ഹെഡ്‌ലാംപ്, പൂര്‍ണ്ണമായും ഡിജിറ്റലായ ഇന്‍സ്ട്രുമെന്റ് ക്ലസ്റ്റര്‍ , കോംബി ബ്രേക്ക്, മുന്നില്‍ ഡിസ്‌ക് ബ്രേക്ക് സംവിധാനം എന്നിവ ഗ്രാസിയയ്ക്കുണ്ട്. മൊബൈല്‍ ചാര്‍ജര്‍ ഓപ്ഷണല്‍ ആക്‌സസറിയായി ലഭിക്കും. കൊച്ചി എക്‌സ്‌ഷോറൂം വില: ഡ്രം ബ്രേക്ക് 61,797 രൂപ, ഡ്രം+അലോയ് 63,728 രൂപ, ഡിസ്‌ക് 66,169 രൂപ.

 

മോസ്റ്റ് റെഡ്


എഡിറ്റേഴ്സ് പിക്ക്


Share on

മറ്റുവാര്‍ത്തകള്‍