TopTop

ദുബായില്‍ ടാക്‌സി ബുക്കിങ് കാറീം ആപ് വഴി മാത്രം

ദുബായില്‍ ടാക്‌സി ബുക്കിങ് കാറീം ആപ് വഴി മാത്രം

ദുബായ് നഗരത്തിലെ ടാക്‌സി ബുക്കിങ് സംവിധാനം ഈമാസം 15 മുതല്‍ പൂര്‍ണമായും പൂര്‍ണമായും 'കാറീം' മൊബൈല്‍ ആപ്ലിക്കേഷന്‍ വഴിയാകുന്നു. ആപ്പിലൂടെ ആര്‍.ടി.എയുടെ ഹല ടാക്‌സികള്‍ ബുക്ക് ചെയ്യാന്‍ സൗകര്യമൊരുക്കും. ആപ്ലിക്കേഷന്‍ ഉപയോഗിക്കാന്‍ ബുദ്ധിമുട്ടുള്ള പ്രായാധിക്യമുള്ളവര്‍ക്കും, ഭിന്നശേഷിക്കാര്‍ക്കും മാത്രമായി ലാന്‍ഡ് ഫോണ്‍ വഴിയുള്ള ടാക്‌സി ബുക്കിങ് പരിമിതപ്പെടുത്തും. ഈ മാസം 15 ടെ ദുബായ് ആര്‍.ടി.എയുടെ മുഴുവന്‍ ടാക്‌സി ബുക്കിങ് സംവിധാനങ്ങളും കാറീം ആപ്ലിക്കേഷനിലേക്ക് മാറും.

ആര്‍.ടി.എയുടെ ടാക്‌സി വിളിക്കാന്‍ ആഗ്രഹിക്കുന്നവര്‍ ആദ്യം കാറീമിന്റെ മൈബല്‍ ആപ്ലിക്കേഷന്‍ ഡൗണ്‍ലോഡ് ചെയ്ത് മൊബൈല്‍ നമ്പറും പേരും രജിസ്റ്റര്‍ ചെയ്യണം. ആപ്പിലെ കാര്‍ ടൈപ്പിലൂടെ ഹല ടാക്‌സി തെരഞ്ഞെടുക്കാം. യാത്രപുറപ്പെടേണ്ട സ്ഥലവും ലക്ഷ്യസ്ഥാനവും നല്‍കിയാല്‍ പത്ത് സെക്കന്‍ഡിനുള്ളില്‍ മറുപടി ലഭിക്കും. മൂന്നരമിനിറ്റിനുള്ളില്‍ ടാക്‌സി അരികിലെത്തുമെന്നും ആര്‍.ടി.എ അറിയിച്ചു. ഡ്രൈവറുടെ വിശദാംശങ്ങള്‍ എസ്.എം.സിലൂടെ യാത്രക്കാരന് ലഭിക്കും. പണം നല്‍കേണ്ട രീതിയും ആപ്പിലൂടെ തെരഞ്ഞെടുക്കാന്‍ സൗകര്യമുണ്ടാകും. കാറീം ഉപഭോക്താക്കള്‍ക്ക് നല്‍കുന്ന ആനുകൂല്യങ്ങള്‍ ഇതിലൂടെ ആര്‍.ടി.എ ടാക്‌സികള്‍ ബുക്ക് ചെയ്യുന്നവര്‍ക്കും ലഭ്യമായിരിക്കും.


Next Story

Related Stories