റഷ്യ ഭരണഘടന മാറ്റുന്നു, പ്രധാനമന്ത്രിയും സർക്കാറും രാജിവച്ചു
റഷ്യയുടെ ഭരണഘടനയില്‍ മാറ്റങ്ങള്‍ വരുത്തുമെന്ന് പ്രസിഡന്റ് വ്‌ളാഡ്മിര്‍ പുടിന്റെ പ്രഖ്യാപനത്തിന് പിന്നാലെ പ്രധാനമന്ത്രി പ്രധാനമന്ത്രി ദിമിത്രി മെദ്‌വദേവ് രാജിവച്ചു. പ്രസിഡന്റ് സ്ഥാനത്ത് നിന്ന് കൂടുതൽ അധികാരങ്ങള്‍ പാർലമെന്റിലേക്ക് കൈമാരുന്നതുൾപ്പെടെ സമൂലമായി മാറ്റങ്ങളെക്കുറിച്ച് പുടിൻ വോട്ടെടുപ്പ് നിർദ്ദേശിച്ചതിന് പിന്നാലെയാണ് നടപടി.
അതേസമയം, പ്രധാനമന്ത്രി സ്ഥാനത്ത് നിന്നും രാജിവെച്ച മെദ്‌വദേവിനെ റഷ്യന്‍ സുരക്ഷാ കൗണ്‍സില്‍ ഡെപ്യൂട്ടി സെക്രട്ടറി എന്ന തസ്തികയിൽ ചുമതലയേൽക്കും. പ്രധാനമമന്ത്രിയുടെ രാജി സ്വീകരിച്ച പ്രസിഡന്റ് പുതിയ സര്‍ക്കാര്‍ രൂപവത്കരിക്കുന്നതുവരെ കാവല്‍ സര്‍ക്കാരായി പ്രവര്‍ത്തിക്കാന്‍ മന്ത്രിമാരോട് നിര്‍ദേശിച്ചു.
പ്രസിഡന്റ് നാമനിര്‍ദേശം ചെയ്യുന്ന ആളാണ് റഷ്യയിലെ നിലവില്‍ നിയമ പ്രകാരം പ്രധാനമന്ത്രി. എന്നാല്‍ ഇതിൽ ഭേദഗതി വരുത്തി പാര്‍ലമെന്റിന്റെ അധോ സഭയുടെ അംഗീകാരം കൂടി വേണമെന്ന തരത്തിലേക്ക് മാറ്റാണ് നീക്കം. പ്രസിഡന്റിന്റെ നിർദേശങ്ങൾ റഷ്യയുടെ അധികാര സന്തുലിതാവസ്ഥയിൽ വലിയ മാറ്റം കൊണ്ടുവരുമെന്ന് രാജിക്ക് ശേഷം മെദ്‌വദേവ് പറഞ്ഞു.
പുതിയ മാറ്റങ്ങൾ സ്വീകരിക്കുമ്പോൾ ഭരണഘടനയ്ക്ക് പുറമെ മുഴുവൻ അധികാര സ്ഥാനങ്ങളിലുൾപ്പെടെ സന്തുലിതാവസ്ഥ കൈവരും, എക്സിക്യൂട്ടീവിന്റെ അധികാരം, നിയമസഭയുടെ അധികാരം, ജുഡീഷ്യറി എന്നിവ ഉൾപ്പെടെ ഇതിന്റെ ഭാഗമാവും. ഈ സാഹചര്യത്തിലാണ് സർക്കാർ ഒഴിയുന്നതെന്നും മെദ്‌വദേവ് കൂട്ടിച്ചേർത്തു. എന്നാൽ പ്രസിഡന്റ് പുടിൻ പ്രധാനമന്ത്രിയെ നീക്കം ചെയ്തതിന്റെ കാരണം ഇപ്പോഴും വ്യക്തമല്ലെന്ന് ബിബിസി റിപ്പോർട്ടിൽ ചൂണ്ടിക്കാട്ടുന്നു.
പ്രസിഡന്റ് സ്ഥാനത്ത് നാലാം തവണ തുടരുന്ന പുടിന്റെ കാലാവധി 2024 ൽ അവസാനിക്കും. എന്നാൽ നിലവിലുള്ള ഭരണഘടന പ്രകാരം അദ്ദേഹത്തിന് മറ്റൊരു കാലാവധി ലഭിക്കില്ല. ഈ സാഹചര്യത്തിൽ കൂടിയാണ് ഭേദഗതി നീക്കമെന്നും വിലയിരുത്തലുണ്ട്. എന്നാൽ രണ്ട് തവണ മാത്രമേ ഒരാള്‍ പ്രസിഡന്റ് ആവാന്‍ സാധിക്കൂ, പ്രസിഡന്റ് സ്ഥാനാര്‍ഥിയാകുന്ന ആള്‍ കര്‍ശനമായ പശ്ചാത്തല നിബന്ധനകള്‍ പാലിക്കണം. പ്രധാനമന്ത്രിയേയും മന്ത്രിസഭയേയും പാര്‍ലമെന്റാകും തിരഞ്ഞെടുക്കുക. തുടങ്ങിയ മാറ്റങ്ങളാണ് ഭരണഘടനയില്‍ വരുത്താന്‍ പോകുന്നതെന്നാണ് പുടിന്‍ അറിയിച്ചിരുന്നത്.
