TopTop
Begin typing your search above and press return to search.

ലാവ്‌ലിന്‍ ഫെയിം ദീലീപ് രാഹുലന്റെ പേരില്‍ വ്യാജ രേഖകളുണ്ടാക്കി മാനേജര്‍ വന്‍ തുക കവര്‍ന്നു, കോടികളുടെ നിക്ഷേപം ഇന്ത്യയില്‍ നടത്തി

ലാവ്‌ലിന്‍ ഫെയിം ദീലീപ് രാഹുലന്റെ പേരില്‍ വ്യാജ രേഖകളുണ്ടാക്കി മാനേജര്‍ വന്‍ തുക കവര്‍ന്നു, കോടികളുടെ നിക്ഷേപം ഇന്ത്യയില്‍ നടത്തി

ലാവ്‌ലിന്‍ കേസുമായി ഒരു കാലത്ത് കേരളത്തിലെ വാര്‍ത്തകളില്‍ നിറഞ്ഞുനിന്ന് ദീലിപ് രാഹുലന്റെ കമ്പനിയില്‍നിന്ന് വ്യാജ രേഖകള്‍ ചമച്ച് മോഷണം. മാനേജറും മൂന്ന് അക്കൗണ്ടന്റുമാരും ചേര്‍ന്നാണ് പണം തട്ടിയത്. ഇതില്‍ മാനേജര്‍ ശ്രീനിവാസന്‍ നരസിംഹന്‍ കോടികളുടെ നിക്ഷേപം ഇ്ന്ത്യയില്‍ നടത്തിയതായാണ് റിപ്പോര്‍ട്ടുകള്‍.

ദിലീപ് രാഹുലന്റെ പസഫിക് കണ്‍ട്രോള്‍ സിസ്റ്റംസില്‍നിന്ന് 760 കോടിയോളം രൂപയാണ് തട്ടിയത്. ദിലീപ് രാഹുലന്റെ വ്യാജ ഒപ്പുകളും രേഖകളും ചമച്ച് കമ്പനിയുടെ പേരില്‍ അക്കൌണ്ടുകള്‍ തുടങ്ങിയായിരുന്നു പണം തിരിമറി നടത്തിയിരുന്നത്. കഴിഞ്ഞ ദിവസം ദുബായില്‍ എത്തിയ ശ്രീനിവാസനെ പോലേ കസ്റ്റഡിയില്‍ എടുത്തിട്ടുണ്ട് എന്നാണ് റിപ്പോര്‍ട്ടുകള്‍. യുഎഇയിലുള്ള ചില സ്വത്തുവകകള്‍ വിറ്റഴിക്കുന്നതുമായ് ബന്ധപ്പെട്ട് എത്തിയപ്പോഴാണ് മുന്‍ പരാതിയുടെ പേരില്‍ ഇയാളെ കസ്റ്റഡിയില്‍ എടുത്തത് എന്ന് ഗള്‍ഫ് ന്യൂസ് റിപ്പോര്‍ട്ട് ചെയ്യുന്നു.
കെറ്റി വാലി എസ്റ്റേറ്റ്‌സ് പ്രൈവറ്റ് ലിമിറ്റഡന്റെ പേരിലും കെറ്റി വാലി എന്റര്‍പ്രൈസസ് ഇന്ത്യ പ്രൈവറ്റ് ലിമിറ്റഡിന്റെ പേരിലുമാണ് ശ്രീനിവാസന്‍ നരസിംഹന്‍ ഇന്ത്യയില്‍ നിക്ഷേപം നടത്തിയിട്ടുള്ളതെന്നാണ് റിപ്പോര്‍ട്ടുകള്‍. ഊട്ടി ഉള്‍പ്പെടെ തമിഴ്‌നാട്ടിലെ വിവിധ പ്രദേശങ്ങളും ഹൈദരബാദ് എന്നിവടങ്ങളിലും ഇയാളും കുടുംബവും പണം നിക്ഷേപിച്ചതായാണ് കണ്ടെത്തിയിട്ടുണ്ട്. ഊട്ടിയില്‍ മാത്രം 500 കോടി രൂപയുടെ നിക്ഷേപം ഉണ്ടെന്നാണ് കണക്കാക്കുന്നത്.
2012-നും 2016-നുമിടയിലാണ് കൃത്രിമം കാണിച്ച് നരസിംഹന്‍ പണം കവര്‍ന്നതെന്നാണ് ദുബായ് പോലീസില്‍ നല്‍കിയിരിക്കുന്ന കേസ്. 2016 ല്‍ കമ്പനിയില്‍ സാമ്പത്തിക പ്രതിസന്ധി രൂപപ്പെട്ടിരുന്നു. ഇതേ തുടര്‍ന്ന് മറ്റ് രണ്ട് കമ്പനികള്‍ ഇതിനെ ഏറ്റെടുക്കാന്‍ ശ്രമിച്ചു. ഇതിന്റെ ഭാഗമായി നടത്തിയ അന്വേഷണത്തിലാണ് തട്ടിപ്പ് നടന്ന വിവരം വെളിപ്പെട്ടത്. 760 കോടി രൂപ കാണാതായി എന്നാണ് ആദ്യം മനസ്സിലാക്കിയത്. തുടര്‍ന്ന് നടന്ന അന്വേഷണത്തിലാണ് കമ്പനി മാനേജരും മൂന്ന് അക്കൗണ്ടന്റുമാരുമാണ് തട്ടിപ്പിന് പിന്നിലെന്ന് വ്യക്തമായത്. ദുബായിലെ കമ്പനിയിലെ പണം ചില സ്ഥാപനങ്ങള്‍ വഴി ഇന്ത്യയിലെക്ക് കടത്തുകയായിരുന്നു എന്നാണ് ഇതുവരെയുള്ള അന്വേഷണത്തില്‍ വ്യക്തമായത്.
നാഷണല്‍ ബാങ്ക് ഒമാന്‍ നടത്തിയ അന്വേഷണത്തിലും 2800 കോടിയോളം രൂപയുടെ ബാധ്യത കമ്പനിക്ക് ഉണ്ടെന്ന് കണ്ടെത്തിയിരുന്നു. കൂടുതല്‍ വിവരങ്ങള്‍ അന്വേഷണത്തില്‍ വ്യക്തമാകുമെന്നാണ് കരുതുന്നത്.
ലാവ്‌ലിന്‍ കമ്പനിയില്‍ ഉദ്യോഗസ്ഥനായിരുന്ന ദിലീപ് ആ കേസുമായി ബന്ധപ്പെട്ട വിവാദങ്ങള്‍ക്കിടെയാണ് കേരളത്തിലെ വാര്‍ത്തകളില്‍ നിറഞ്ഞത്.


Next Story

Related Stories