TopTop
Begin typing your search above and press return to search.

"നിങ്ങള്‍ മദ്യപിച്ചിട്ടുണ്ടോ?": ചോദ്യമുന്നയിച്ച മാധ്യമപ്രവര്‍ത്തകനോട് ടിപി സെന്‍കുമാര്‍

"നിങ്ങള്‍ മദ്യപിച്ചിട്ടുണ്ടോ?": ചോദ്യമുന്നയിച്ച മാധ്യമപ്രവര്‍ത്തകനോട് ടിപി സെന്‍കുമാര്‍

തിരുവനന്തപുരം പ്രസ് ക്ലബ്ബില്‍ മാധ്യമപ്രവര്‍ത്തകനുമായി വാക്കേറ്റത്തിലേര്‍പ്പെട്ട് മുന്‍ ഡിജിപി ടിപി സെന്‍കുമാര്‍. ചോദ്യം ചോദിക്കാനെണീറ്റ മാധ്യമപ്രവര്‍ത്തകനെ 'നിങ്ങള്‍ മദ്യപിച്ചിട്ടുണ്ടോ' എന്ന ചോദ്യത്തോടെയാണ് സെന്‍കുമാര്‍ നേരിട്ടത്. ഇതിനെ ചോദ്യം ചെയ്ത മാധ്യമപ്രവര്‍ത്തകനോട് നിങ്ങളുടെ പെരുമാറ്റം കണ്ടാല്‍ മദ്യപിച്ചിട്ടുണ്ടെന്നാണ് തോന്നുകയെന്നായി സെന്‍കുമാര്‍. കലാപ്രേമി എന്ന മാധ്യമത്തില്‍ നിന്നുള്ള കടവില്‍ റഷീദ് എന്ന മാധ്യമപ്രവര്‍ത്തകനോടാണ് ടിപി സെന്‍കുമാറും സില്‍ബന്തികളും അപമര്യാദയായി പെരുമാറിയത്.

സെന്‍കുമാറിന്റെ കൂടെ വന്നവര്‍ ചോദ്യമുന്നയിച്ച മാധ്യമപ്രവര്‍ത്തകനെ പിടിച്ച്‌ പുറത്തു തള്ളാന്‍ ശ്രമം തുടങ്ങി. ഇതോടെ മറ്റ് മാധ്യമപ്രവര്‍ത്തകര്‍ ഇടപെടുകയായിരുന്നു. ഇതോടെ പ്രതിരോധത്തിലായ സെന്‍കുമാര്‍ ചോദ്യങ്ങള്‍ക്ക് മറുപടി പറയാമെന്ന് പ്രസ്താവിച്ചു.

ടിപി സെന്‍കുമാറിനെ ഡിജിപിയാക്കിയത് തന്റെ രാഷ്ട്രീയ ജീവിതത്തിലെ ഏറ്റവും വലിയ അബദ്ധമാണെന്ന് രമേശ് ചെന്നിത്തല പ്രസ്താവിച്ചത് സംബന്ധിച്ച്‌ ചോദ്യമുന്നയിച്ചതാണ് മാധ്യമപ്രവര്‍ത്തകനെ പ്രസ് ക്ലബ്ബില്‍ നിന്നും പുറത്താക്കാന്‍ ടിപി സെന്‍കുമാറിനെ പ്രകോപിപ്പിച്ചത്.


Next Story

Related Stories