TopTop
Begin typing your search above and press return to search.

സിഎസ്‌കെ ആരാധകര്‍ക്ക് സന്തോഷ വാര്‍ത്ത; അടുത്ത സീസണിലും ധോനി ചെന്നൈയെ നയിക്കും

സിഎസ്‌കെ ആരാധകര്‍ക്ക് സന്തോഷ വാര്‍ത്ത; അടുത്ത സീസണിലും ധോനി ചെന്നൈയെ നയിക്കും

അടുത്ത ഐപിഎല്‍ സീസണിലും എം.എസ് ധോനി ചെന്നെ സൂപ്പര്‍ കിങ്‌സിന്റെ മഞ്ഞക്കുപ്പായത്തിലുണ്ടാകും. സീസണിലെ അവസാന മത്സരത്തിന്റെ ടോസിന് എത്തിയപ്പോഴാണ് ധോനി ഇക്കാര്യം അറിയിച്ചത്. ടോസിനു പിന്നാലെ, കിംഗ്‌സ് ഇലവന്‍ പഞ്ചാബുമായുള്ള മത്സരം ചെന്നൈയ്ക്കുവേണ്ടിയുള്ള അവസാന മത്സരമാകുമോയെന്ന കമന്റേറ്റര്‍ ഡാനി മോറിസണ്‍ ധോനിയോടു ചോദിച്ചു. തീര്‍ച്ചയായും അല്ല എന്നായിരുന്നു ധോനിയുടെ മറുപടി. സീസണില്‍ ചെന്നൈയുടെ ഏറ്റവും മോശം പ്രകടനത്തില്‍ നിരാശരായ ചെന്നൈയുടെയും തലയുടെയും ആരാധകര്‍ക്ക് ഏറെ ആശ്വാസവും സന്തോഷവും നല്‍കുന്നതാണ് ധോനിയുടെ മറുപടി.

ഇക്കുറി 13 മത്സരങ്ങളില്‍ അഞ്ച് ജയം മാത്രം സ്വന്തമാക്കിയ ചെന്നൈ എട്ട് മത്സരങ്ങള്‍ തോറ്റു. 10 പോയിന്റുകള്‍ മാത്രമുള്ള ചെന്നൈ പ്ലേ ഓഫ് കാണാതെ പുറത്താകുന്ന ആദ്യ ടീമെന്ന ചീത്തപ്പേരും സ്വന്തമാക്കിയിരുന്നു. ഐപിഎല്‍ ചരിത്രത്തില്‍ ആദ്യമായാണ് ചെന്നൈ പ്ലേ ഓഫ് കാണാതെ പുറത്താകുന്നത്. മോശം പ്രകടനത്തിനു പിന്നാലെ ടീമിലെ സീനിയര്‍ താരങ്ങളുടെ ഭാവി സംബന്ധിച്ചും ചോദ്യങ്ങള്‍ ഉയര്‍ന്നിരുന്നു. ടീം മാനേജ്‌മെന്റും അത്തരമൊരു സൂചന നല്‍കിയിരുന്നു. അതേസമയം, പുതിയ യുവനിരയെ ധോനി നയിക്കുമെന്നാണ് സിഎസ്‌കെ സിഇഒ കാശി വിശ്വനാഥന്‍ അടുത്തിടെ വ്യക്തമാക്കിയത്. 2021ലും ധോനി ചെന്നൈയെ നയിക്കുമെന്ന കാര്യത്തില്‍ എനിക്കുറപ്പുണ്ട്. അദ്ദേഹം ഞങ്ങള്‍ക്ക് മൂന്ന് ഐപിഎല്‍ കിരീടങ്ങള്‍ നേടിത്തന്നു. ഇത്തവണ പ്ലേ ഓഫിലേക്ക് യോഗ്യത നേടാനായില്ല. അതുകൊണ്ട് എല്ലാം മാറ്റണമെന്ന് അര്‍ത്ഥമില്ലെന്നും അദ്ദേഹം പറഞ്ഞിരുന്നു.


ലോകകപ്പിനു പിന്നാലെ ക്രിക്കറ്റില്‍നിന്ന് വിട്ടുനിന്ന ധോനി ആഗസ്റ്റിലാണ് അന്താരാഷ്ട്ര ക്രിക്കറ്റില്‍നിന്ന് വിരമിച്ചത്. പിന്നാലെ ഐപിഎല്‍ മത്സരത്തിനെത്തിയെങ്കിലും 13 മത്സരങ്ങളില്‍ നിന്ന് 116.27 സ്‌ട്രൈക്ക് റേറ്റില്‍ 200 റണ്‍സ് മാത്രമാണ് അദ്ദേഹം നേടിയത്. ദീര്‍ഘകാലം ക്രിക്കറ്റില്‍നിന്ന് വിട്ടുനിന്നത് ധോനിയുടെ പ്രകടനത്തെ ഉള്‍പ്പെടെ ബാധിച്ചിരുന്നു.


Next Story

Related Stories