രാജ്യത്തുടനീളമുള്ള ഡീലര്‍ഷിപ്പ് നെറ്റ്വര്‍ക്കുകളിലൂടെ ക്ലാസിക് ലെജന്‍ഡ്സ് ജാവയുടെയും ജാവ ഫോര്‍ട്ടിടുവിന്റെയും ബിഎസ്-6 മോഡലുകളുടെ വിതരണം ആരംഭിച്ചു. രണ്ടു മോഡലുകളും ഡിസ്പ്ലേയ്ക്കും ടെസ്റ്റ് റൈഡിനും ബുക്കിങിനും ഇപ്പോള്‍ ഡീലര്‍ഷിപ്പുകളില്‍ റെഡിയാണെന്നും കമ്പനി അധികൃതര്‍ പത്രക്കുറിപ്പില്‍ അറിയിച്ചു.
ജാവയിലും ജാവ ഫോര്‍ട്ടിടുവിലും കരുത്ത് പകരുന്നത് 293 സിസി, ലിക്വിഡ് കൂള്‍ഡ്, സിംഗിള്‍ സിലിണ്ടര്‍, ഡിഒഎച്ച്സി എഞ്ചിനാണ്. രണ്ടു ബൈക്കുകളും ഇന്ത്യയില്‍ ആദ്യമായി ക്രോസ് പോര്‍ട്ട് സാങ്കേതികവിദ്യയാണ് ഉപയോഗിക്കുന്നത്. ഇത് ചാര്‍ജ് എക്സോസ്റ്റ് വാതകങ്ങളുടെ ഒഴുക്ക് സുഖമമാക്കി എഞ്ചിന്‍ കാര്യക്ഷമതയുടെ മൊത്തത്തിലുള്ള അളവ് വര്‍ധിപ്പിക്കുന്നു. ക്രോസ് പോര്‍ട്ട് കോണ്‍ഫിഗറേഷന്‍ ഉപയോഗിക്കുന്ന ലോകത്തെ ആദ്യ സിംഗിള്‍ സിലിണ്ടര്‍ എഞ്ചിനാണിത്.
രണ്ടു ജാവ മോഡലുകളും മികവുറ്റ ബ്രേക്കിങ് സംവിധാനത്തിലുള്ളതാണ്. അനായാസ ഫൈനാന്‍സിലും മോട്ടോര്‍സൈക്കിള്‍ ലഭ്യമാണ്. ആദ്യ മുടക്ക് കുറച്ച് ഉപഭോക്താവിന് രണ്ടോ മൂന്നോ വര്‍ഷത്തെ ഇഎംഐകളിലൂടെ ബാക്കി തുക നല്‍കാം.ജാവ ഡീലര്‍ഷിപ്പുകളില്‍ ലഭ്യമായ ഫൈനാന്‍സുകള്‍: സ്‌കീം 1 - ആദ്യ മൂന്ന് ഇഎംഐകളില്‍ 50 ശതമാനം ഓഫ്, സ്‌കീം 2 - പ്രതിമാസം 5555 രൂപയുടെ പ്രത്യേക ഇഎംഐ പ്ലാന്‍, സ്‌കീം 3 - രണ്ടു വര്‍ഷത്തേക്ക് പ്രതിമാസം 8000 രൂപ വീതം അല്ലെങ്കില്‍ മൂന്ന് വര്‍ഷത്തേക്ക് 6000 രൂപ വീതം.100 ശതമാനവും ഫണ്ടിങ്, പൂജ്യം ഡൗണ്‍പേയ്മെന്റ്, കേന്ദ്ര സര്‍ക്കാരിന്റെ സുരക്ഷാ മാര്‍ഗനിര്‍ദേശങ്ങള്‍ക്ക് അനുസൃതമായി എല്ലാ ഡീലര്‍ഷിപ്പുകളിലും ഉപഭോക്താക്കള്‍, ജീവനക്കാര്‍, സന്ദര്‍ശകര്‍ എന്നിവരുടെ സുരക്ഷയ്ക്കായി ക്ലാസിക് ലെജന്‍ഡ്സ് നടപടികള്‍ സ്വീകരിച്ചിട്ടുണ്ട്.
