TopTop
Begin typing your search above and press return to search.

ജാവയുടെ ആദ്യ ഡീലര്‍ഷിപ്പ്: കേരളത്തില്‍ 7 എണ്ണം

ജാവയുടെ ആദ്യ ഡീലര്‍ഷിപ്പ്: കേരളത്തില്‍ 7 എണ്ണം

ജാവ ഇന്ത്യയില്‍ രണ്ടാം അങ്കത്തിനെത്തുമ്പോള്‍ ആദ്യ ഡീലര്‍ഷിപ്പ് പുണെയില്‍. രണ്ടു പുതിയ ഡീലര്‍ഷിപ്പുകളാണ് പുണെ നഗരത്തില്‍ ആരംഭിച്ചത്. ഈ മാസം അവസാനത്തോടെ 60 ഡീലര്‍ഷിപ്പുകളും അടുത്ത മാര്‍ച്ചില്‍ 105 പുതിയ ഡീലര്‍ഷിപ്പുകളും തുറക്കുമെന്നാണ് ക്ലാസിക് ലെജന്റ് പ്രൈവറ്റ് ലിമിറ്റഡ് അറിയിക്കുന്നത്. കേരളത്തില്‍ ആലപ്പുഴ, കോഴിക്കോട്, കൊച്ചി, കണ്ണൂര്‍, കൊല്ലം, തൃശൂര്‍, തിരുവനന്തപുരം എന്നിവിടങ്ങളിലായിരിക്കും ആദ്യ ഡീലര്‍ഷിപ്പുകള്‍

പഴയ കാലത്തെ പ്രതാപമായിരുന്ന ജാവ മോട്ടോര്‍ൈസക്കിള്‍ വീണ്ടും എത്തുമ്പോള്‍ ക്ലാസിക് രൂപഭംഗി നിലനിര്‍ത്തിയിട്ടുണ്ട്. ആധുനിക ലിക്വിഡ് കൂള്‍ഡ് ഫോര്‍സ്‌ട്രോക്ക് എന്‍ജിനും എബിഎസും ഡിസ്‌ക് ബ്രേക്കുമൊക്കെയായാണ് ആധുനിക ജാവ എത്തുന്നത്. രണ്ടു മോഡലുകളാണ് വിപണിയിലെത്തിയത് ജാവ ക്ലാസിക്കിന് 1.64 ലക്ഷം രൂപയും ജാവ 42ന് 1.55 ലക്ഷം രൂപയുമാണ് വില.

ഇരു ബൈക്കുകള്‍ക്കും കരുത്തേകുക 293 സി സി, സിംഗിള്‍ സിലിണ്ടര്‍, ലിക്വിഡ് കൂള്‍ഡ്, നാലു വാല്‍വ് എന്‍ജിനാവും; മലിനീകരണ നിയന്ത്രണത്തില്‍ ഭാരത് സ്റ്റേജ് ആറ്(ബി എസ് ആറ്) നിലവാരമാണ് ഫ്യുവല്‍ ഇഞ്ചക്ഷന്‍ സാങ്കേതികവിദ്യയുടെ പിന്‍ബലമുള്ള ഈ എന്‍ജിന്. എന്‍ജിന്‍ ശേഷിയടക്കം എല്ലാം മാറിയിട്ടും ട്വിന്‍ ൈസലന്‍സറുകള്‍ നിലനില്‍ക്കുന്നു. എന്‍ജിന്‍ രൂപവും വാഹനത്തിന്റെ രൂപം പോലെ തന്നെ പഴമ നിലനിര്‍ത്തുന്നു.


Next Story

Related Stories