TopTop
Begin typing your search above and press return to search.

"ഒരു കുടുംബത്തിന് രണ്ട് മാസം കഞ്ഞികുടിക്കാനുള്ള കാശ് കൊടുത്ത് കൊല്ലത്തില്‍ രണ്ട് തവണ ഷൂ വാങ്ങിക്കുന്നവരാണ് സ്ത്രീകളെ കുറ്റം പറയുന്നത്"

"ഒരു കുടുംബത്തിന് രണ്ട് മാസം കഞ്ഞികുടിക്കാനുള്ള കാശ് കൊടുത്ത് കൊല്ലത്തില്‍ രണ്ട് തവണ ഷൂ വാങ്ങിക്കുന്നവരാണ് സ്ത്രീകളെ കുറ്റം പറയുന്നത്"

ഒരു കുടുംബത്തിന് രണ്ട് മാസം കഞ്ഞികുടിക്കാന്‍ തികയുന്ന കാശ് കൊടുത്ത് കൊല്ലത്തില്‍ രണ്ട് തവണ കാലിലിടാനുള്ള ഷൂ വാങ്ങിക്കും.

ഹെല്‍മറ്റ്‌ തലേലോട്ട് വെക്കും മുമ്ബ്-ഊരിയാലുടന്‍, കക്കൂസില്‍ കേറുമ്ബോ-ഇറങ്ങുമ്ബോ എന്നകണക്കിന് മുടി ചീകും. ഉറങ്ങുമ്ബോഴും ചീര്‍പ്പ് പോക്കറ്റില്‍ തന്നെ കാണും.

ഏതേലും ബ്രാന്‍ഡിന്റെ പേര് ഇത്തിരിക്കുഞ്ഞന്‍ തുണിയില്‍ പോക്കറ്റിന്റെ മോളില്‍ എഴുതി ഒട്ടിച്ചത് കണ്ടാല്‍ കൊള്ളവിലക്ക് കുപ്പായോം പാന്റും ഷെഢിയും വാങ്ങും.

ഡൈ,ഷാമ്ബു,പെര്‍ഫ്യൂം, ഷൂപോളിഷ്,ജെല്‍, ക്രീം.ദിദൊക്കെമിനിമം രണ്ട് കമ്ബനിയുടെ നിര്‍ബന്ധമായും കയ്യില്‍ കാണും.

പണയം വെക്കാതെ ബാക്കിയുണ്ടെങ്കില്‍, കഴുത്തില്‍ സ്വര്‍ണ്ണകൊണ്ടൊരു പിരിയന്‍ മാലേം കയ്യിലൊരു കല്ലുവെച്ച മോതിരോം ഫിറ്റ്‌ ചെയ്യും.ഇല്ലങ്കില്‍ വിചിത്ര രൂപങ്ങള്‍ കറുത്ത ചരടില്‍ കോര്‍ത്ത് കഴുത്തില്‍ തൂക്കി അഡ്ജസ്റ്റ് ചെയ്യും.

കവറോ,ബാഗോ യാത്രയില്‍ അല്ലാതെ കയ്യിലെങ്ങാന്‍ വെക്കേണ്ടി വന്നാല്‍ അന്തസ് പേടിച്ചു എവിടേലും കൊണ്ട് കളഞ്ഞെങ്കിലും അപ്പിയറന്‍സ് ഗെറ്റ് അപ്പ്‌ കാക്കും.

ഒരു കുടുംബത്തിന് രണ്ട് മാസം കഞ്ഞികുടിക്കാന്‍ തികയുന്ന കാശ് കൊടുത്ത് കൊല്ലത്തില്‍ രണ്ട് തവണ കാലിലിടാനുള്ള ഷൂ വാങ്ങിക്കും.

ഹെയര്‍ സ്റ്റൈല്‍ മാറ്റി മാറ്റി ഫ്രീക്കന്‍ ആവുന്നതെങ്ങിനെ എന്ന് ഒന്നര മണിക്കൂര്‍ ഇടവിട്ട് ഗൂഗിള്‍ സേര്‍ച്ച്‌ ചെയ്യും.

ജിമ്മില്‍ പോയി കാശ് മുടക്കി മസിലു പെരുപ്പിച്ചു ഫോട്ടോ എടുത്ത് വാട്സ് ആപ് സ്റ്റാറ്റസ് ഇട്ട് ആളെ കാട്ടി രോമാഞ്ചം കൊള്ളും.

ഓടാന്‍ പോവാന്‍, ജിമ്മില്‍ പോവാന്‍, കളിക്കാന്‍ പോവാന്‍, എസ്‌സിക്യൂട്ടീവ് ലുക്ക്‌, ടൂറിനു പോവാന്‍- ജാക്കറ്റ്, ബുള്ളറ്റ് ഓടിക്കാന്‍-ബര്‍മുഡ, മരിപ്പിന് പോവാന്‍-മുണ്ട് എന്നിങ്ങനെ ഡ്രസ്സ്‌ വാങ്ങിക്കൂട്ടി, അതൊക്കെ വീട്ടിലുള്ള പെണ്ണുങ്ങളെ കൊണ്ട് അലക്കി തേച്ചു മടക്കിപ്പിച്ചു വാഡ്രോബ്ല്‍ കുത്തിത്തിരുകി വെക്കും.

നാല് മുടി ഒപ്പം കൊഴിഞ്ഞാല്‍ കഷണ്ടി തുടങ്ങിയോന്ന് മുപ്പത് വട്ടം കണ്ണാടി നോക്കും.

ഇതിനൊക്കെ എന്താ കൊഴപ്പം? ഒരു കൊഴപ്പോമില്ല. സ്ത്രീകള്‍ ജാസ്തി ബ്യൂട്ടി കോണ്‍ഷ്യസ്സ് ആണ്, അവരതിന് കുറേ പണം ചിലവാക്കും എന്നൊക്കെ ഇടക്കിടെ ഇങ്ങനെ എഴുന്നുള്ളിക്കുന്നോണ്ട് പറഞ്ഞന്നേ ഉള്ള്.

മലപ്പുറത്ത് ഇംഗ്ലീഷ് സാഹിത്യ അധ്യാപിക


Next Story

Related Stories