TopTop

ലുലു മാള്‍ ഫ്ളവര്‍ ഫെസ്റ്റിന് തുടക്കം

ലുലു മാള്‍ ഫ്ളവര്‍ ഫെസ്റ്റിന് തുടക്കം

ലുലു മാളില്‍ നാലു ദിവസം നീളുന്ന ഫ്ളവര്‍ ഫെസ്റ്റിവലിന് തുടക്കമായി. സിനിമ താരങ്ങളായ ടോവിനോ തോമസ്, മംമത് മോഹന്‍ദാസ്, റിബ മോണിക്ക എന്നിവര്‍ ചേര്‍ന്നു ഫെസ്റ്റ് ഉദ്ഘാടനം ചെയ്തു. ലുലു റിട്ടെയില്‍ ജനറല്‍ മാനേജര്‍ സുധീഷ് , ലുലു ഗ്രൂപ്പ് മിഡീയ കോ - ഒര്‍ഡിനേറ്റര്‍ എന്‍.ബി.സ്വരാജ്, ലുലു മാള്‍ സെക്യൂരിറ്റി മാനേജര്‍ ഒ. സുകുമാരന്‍ എന്നിവര്‍ സംബന്ധിച്ചു.

ലുലു മാളിന്റെ ഗ്രൗണ്ട് ഫ്ളോറിലാണ് പുഷ്പമേള ഒരുക്കിയിരിക്കുന്നത്. ഒമ്പത് നഴ്സറികളില്‍ നിന്നുള്ള പതിനായിരക്കണക്കിന് പുഷ്പ-ഫല- സസ്യങ്ങളാണ് പ്രദര്‍ശനത്തിനുള്ളത്. പുഷ്പ സസ്യങ്ങള്‍ക്ക് പുറമെ മണിക്കൂറുകള്‍ കഴിഞ്ഞാലും നാവില്‍ നിന്ന് മധുരം മാറാത്ത മിറക്കിള്‍ ഫ്രൂട്ട്, മില്‍ക്ക് ഫ്രൂട്ട്, പോഷക സമ്പന്നമായ ദൂരിയാന്‍, എല്ലാ കാലത്തും പൂക്കുന്ന തായ്ലന്‍ഡ് മാവ്, വിളഞ്ഞില്‍ ഇല്ലാത്ത ചക്ക തുടങ്ങി അത്യപൂര്‍വ ഇനം ഫലവൃക്ഷങ്ങളും പ്രദര്‍ശനത്തിനും വില്‍പനയ്ക്കുമുണ്ട്. ഏറ്റവും മികച്ച പൂന്തോട്ട ഉപകരണങ്ങളും സസ്യങ്ങള്‍ക്കുപയോഗിക്കുന്ന പ്രത്യേക വളങ്ങളും ഫ്ളവര്‍ ഫെസ്റ്റില്‍ ലഭ്യമാണ്.

15ന് പുഷ്പ രാജകുമാരിയെയും പുഷ്പരാജകുമാരനെയും തിരഞ്ഞെടുക്കും.ലുലു ലിറ്റില്‍ പ്രിന്‍സ്, ലിറ്റില്‍ പ്രിന്‍സസ് മത്സരത്തിലെ വിജയികള്‍ക്ക് 5000 രൂപ വീതമാണ് സമ്മാനം. മൂന്നു വയസിനും ആറു വയസിനുമിടയിലുള്ള കുട്ടികള്‍ക്ക് മത്സരത്തില്‍ പങ്കെടുക്കാം.ശനിയാഴ്ച വൈകീട്ട് പുഷ്പാലങ്കാര മത്സരം നടക്കും. ലുലു ഹൈപ്പര്‍മാര്‍ക്കറ്റ്,ഫാഷന്‍ സ്റ്റോറും ലുലു ഇവന്റ്സും ചേര്‍ന്നാണ് ഫ്ളവര്‍ഷോ സംഘടിപ്പിക്കുന്നത്.എല്ലാ ദിവസനും വൈകീട്ട് ആറു മുതല്‍ കലാപരിപാടികള്‍ നടക്കും. ഞായറാഴ്ച ലുലു ഫ്‌ളവര്‍ ഫെസ്റ്റ് സമാപിക്കും.


Next Story

Related Stories