സിനിമാ വാര്‍ത്തകള്‍

ആയിരം കോടിയോളം സമ്പാദ്യമുണ്ട്, എനിക്ക് ഇഷ്ടമുള്ളപോലെ ജീവിക്കാം, പക്ഷേ; ചിമ്പു പറയുന്നു

ഞാന്‍ ഇങ്ങനെയൊക്കെയാണ് ജീവിച്ചുവന്നത്…

സമീപ കാലത്ത് തമിഴ് ചലച്ചിത്ര ലോകത്ത് ഏറ്റവും അധികം വിമര്‍ശനങ്ങള്‍ കേള്‍ക്കേണ്ടി വരുന്ന നായകനാണ് ചിമ്പു. സെറ്റില്‍ താമസിച്ചു വരുന്നതുള്‍പ്പെട്ടെ ചിമ്പു കാരണം സിനിമകള്‍ പരാജയപ്പെടുന്നതും അതിലൂടെ തങ്ങള്‍ക്കുണ്ടായ നഷ്ടങ്ങളുടെ കണക്കുമായി രംഗത്ത് വന്നിട്ടുള്ളത് നിര്‍മാതാക്കളും സംവിധായകരുമടക്കം നിരവധി പേരാണ്. തമിഴ് സിനിമയില്‍ നിന്നും ചിമ്പുവിനെ വിലക്കണമെന്നുവരെ ആവശ്യങ്ങള്‍ ഉയര്‍ന്നിട്ടുണ്ട്.

തനിക്കെതിരേ ഉണ്ടാകുന്ന വിമര്‍ശനങ്ങളോട് പ്രതികരിച്ച് ചിമ്പു പലതവണ രംഗത്ത് വന്നിട്ടുണ്ട്. എന്നാല്‍ ഇപ്പോള്‍ തന്റെ സ്വഭാവ രീതികളെ കുറിച്ചുള്ള ഔദ്യോഗിക വിശദീകരണമായി ചിമ്പു പറഞ്ഞിരിക്കുന്ന കാര്യങ്ങളാണ് തമിഴ് സിനിമാലോകത്തെ പുതിയ ചര്‍ച്ച. താന്‍ ആരെയും മനഃപൂര്‍വം ബുദ്ധിമുട്ടിക്കുന്നതല്ലെന്നും തന്റെ ജീവിതരീതി അങ്ങനെയായിപ്പോയതാണെന്നുമാണ് ചിമ്പു പറയുന്നത്. മാതാപിതാക്കളുടെ സഹായം ഇല്ലാതെ തന്നെ ആഘോഷമായി ജീവിക്കാനുള്ള സമ്പാദ്യം തനിക്കുണ്ടെന്നും സ്വയം താന്‍ അടയാളപ്പെടുത്തിയിട്ടുണ്ടെന്നും ചിമ്പു പറയുന്നു. എന്നാല്‍ താന്‍ സിനിമയെ വളരെയധികം സ്‌നേഹിക്കുകയാണെന്നും മറ്റുള്ളവരെ വേദനിപ്പിക്കുന്ന തരത്തിലാണ് തന്റെ പ്രവര്‍ത്തികള്‍ എങ്കിലും സ്വയം മാറാന്‍ ശ്രമിക്കുമെന്നുമാണ് ചിമ്പു പറയുന്നതെന്നാണ് ബിഹൈന്‍ഡ് വുഡ്‌സ് റിപ്പോര്‍ട്ട് ചെയ്യുന്നത്.

നായികമാര്‍ കൂടെ അഭിനയിക്കാന്‍ തയ്യാറല്ല, സംവിധായകനെ കരയിപ്പിച്ചു,ഡബ്ബിംഗ് കുളിമുറിയില്‍; ചിമ്പുവിനെതിരേ ഞെട്ടിക്കുന്ന വെളിപ്പെടുത്തല്‍

ചിമ്പുവിന്റെ വാക്കുകള്‍; എന്റെ പിതാവിനൊപ്പം ഞാനെന്റെ ആദ്യ സിനിമ ചെയ്യുമ്പോഴും രാവിലെ പത്തു മണിക്കായിരുന്നു ഷൂട്ടിംഗിനായി എത്തിയിരുന്നത്. അതിനെനിക്ക് അനുവാദം കിട്ടിയിട്ടോ ഞാനതൊന്നും ശ്രദ്ധിക്കാത്തതു കൊണ്ടോ ആയിരുന്നില്ല. ഞാനെപ്പോഴും എന്റെ ജീവിതം ജീവിച്ചിരുന്നത് ഇങ്ങനെയായിരുന്നു. വളരെയധികം വാത്സല്യം അനുഭവിച്ച് വളര്‍ന്നവനാണ് ഞാന്‍. വളരെ സുഖപ്രദമായൊരു ജീവിതമായിരുന്നു എനിക്ക് ലഭിച്ചത്. ഒരു റോബോര്‍ട്ടിനെ പോലെ ആകാന്‍ എനിക്ക് കഴിയില്ല, എന്നെ സംബന്ധിച്ച് അതു വളരെ ബുദ്ധിമുട്ടുള്ള കാര്യമാണ്.

എന്റെ മാതാപിതാക്കളുടെ പണം കൊണ്ടല്ലാതെ തന്നെ എനിക്ക് എന്നെ അടയാളപ്പെടുത്താന്‍ സാധിച്ചിട്ടുണ്ട്, അതില്‍ ഞാന്‍ സന്തോഷിക്കുന്നു. തുറന്ന് പറയാം, എനിക്ക് എന്റേതായി ആയിരം കോടിയോളം രൂപയുടെ സമ്പാദ്യമുണ്ട്. അതുകൊണ്ടെനിക്ക് വളരെ ആഘോഷമായി ജീവിക്കാം. പക്ഷേ, ഞാന്‍ സിനിമയെ വളരെയധികം സ്‌നേഹിക്കുന്നു. സ്വാര്‍ത്ഥനാകണമെന്ന് എനിക്കൊരു ഉദ്ദേശവുമില്ല. എന്റെ പ്രവര്‍ത്തികള്‍ മറ്റുള്ളവരെ വേദനിപ്പിക്കുന്നുണ്ടെങ്കില്‍ ഞാന്‍ തീര്‍ച്ചയായും എന്റെ രീതികള്‍ മാറ്റും, അതിനുവേണ്ടി പരിശ്രമിക്കും.

മോസ്റ്റ് റെഡ്


എഡിറ്റേഴ്സ് പിക്ക്


Share on

മറ്റുവാര്‍ത്തകള്‍