TopTop
Begin typing your search above and press return to search.

എന്തുകൊണ്ടാണ് കോവിഡ് കാലത്ത് പോലും ചിലവിടാൻ പണമില്ലാത്ത രീതിയിൽ മോദി സർക്കാർ പ്രതിസന്ധിയിലായിപ്പോയത്?

എന്തുകൊണ്ടാണ് കോവിഡ് കാലത്ത് പോലും ചിലവിടാൻ പണമില്ലാത്ത രീതിയിൽ മോദി സർക്കാർ പ്രതിസന്ധിയിലായിപ്പോയത്?

കേന്ദ്ര സര്‍ക്കാര്‍ അഭിമുഖീകരിക്കുന്ന ധനകാര്യ പ്രശ്‌നങ്ങള്‍ക്ക് വ്യാപകമായി ചര്‍ച്ച ചെയ്യുന്ന പല കാരണങ്ങളുണ്ട് എന്നാല്‍ അധികം ചര്‍ച്ചയാവാത്ത ഒരു കാര്യത്തെക്കുറിച്ച് നമുക്ക് സംസാരിക്കാം. അത് വരുമാനത്തിലെ ഏറിയ പങ്കും സംസ്ഥാനങ്ങള്‍ക്ക് പോകുന്നുവെന്നതാണ്. 2013-14 കേന്ദ്രത്തിന്റെ ആകെ നികുതി വരുമാനത്തിന്റെ 28 ശതമാനമാണ് സംസ്ഥാനങ്ങള്‍ക്ക് നല്‍കിയത്. 2017-18 ആകുമ്പോഴെക്കും അത് 35 ശതമാനമായി. പിന്നീട് പല മാര്‍ഗങ്ങളും കണ്ടെത്തിയാണ് നഷ്ടപ്പെട്ട ഭാഗം കേന്ദ്രം തിരികെ പിടിച്ചത്. കഴിഞ്ഞ വര്‍ഷം 31 ശതമാനമായിരുന്നു സംസ്ഥാനങ്ങള്‍ക്ക് പോയ നികുതി വിഹിതം.

സംസ്ഥാനത്തിന്റെ വരുമാനം എന്ന നിലയില്‍ കേന്ദ്രം കൈമാറുന്ന തുക 2013-14 ല്‍ 45 ശതമാനമായിരുന്നത് 2019-20 ല്‍ 62 ശതമാനമായി. കേന്ദ്രത്തിന്റെ നികുതി വരുമാനം 102 ശതമാനം വര്‍ധിച്ചപ്പോള്‍, സംസ്ഥാനങ്ങളുടെ നികുതി വരുമാനത്തിലെ വര്‍ധന 168 ശതമാനമായിരുന്നു. നികുതി, നികുതിയിതര വരുമാനത്തിന്റെ വര്‍ധന സംസ്ഥാനങ്ങള്‍ക്ക് ആറ് വര്‍ഷത്തിനിടെ 132 ശതമാനമായിരുന്നപ്പോള്‍ കേന്ദ്രത്തില്‍ അത് 93 ശതമാനം മാത്രമായിരുന്നു. മൊത്തം വരുമാനത്തിന്റെ സംസ്ഥാന - കേന്ദ്ര അനുപാതം എന്നത് 56:44 ല്‍നിന്ന് 63:35 ആയി വര്‍ധിക്കുകയും ചെയ്തു. കേന്ദ്രം ഒരു രൂപ ചിലവഴിക്കുമ്പോള്‍ സംസ്ഥാനങ്ങള്‍ രണ്ട് രൂപയോളമാണ് ചിലവഴിക്കുന്നത്. ധനശേഷിയുടെയും അധികാരത്തിന്റെയും കാര്യത്തില്‍ ഇതുണ്ടാക്കുന്നത് വലിയ മാറ്റങ്ങളാണ്. അതുകൊണ്ട് കേന്ദ്രം ധനപരിമിതികളില്‍ പെടുന്നതിലും സംസ്ഥാനങ്ങള്‍ 2019-20 വരുമാന മിച്ചം കാണിക്കുന്നതിലും അത്ഭുതമില്ല.

2018-19 ല്‍ തന്നെ വരുമാനകുറവിന്റെ ലക്ഷണങ്ങള്‍ ഉണ്ടായിട്ടും വരുമാനത്തെ സംബന്ധിച്ച് വളരെ ഉദാരമായ കണക്കുകൂട്ടലുകളാണ് കേന്ദ്ര സര്‍ക്കാര്‍ ബജറ്റില്‍ നടത്തിയത്. 17.05 ട്രില്ല്യണ്‍ രൂപയായിരുന്നത് തെരഞ്ഞെടുപ്പിന് ശേഷം 16.50 ട്രില്യണ്‍ കോടിയാക്കിയാണ് ഇത് കണക്കാക്കിയത്. ആദ്യം ലക്ഷ്യമിട്ടതിനെക്കാള്‍ 20 ശതമാനത്തിന്റെ കുറവാണുണ്ടായത്. ഇത്തരത്തിലൊരു സമീപനത്തിന് പൂര്‍വ മാതൃകകള്‍ കുറവാണ്. 2013-14 ല്‍ ആകെ വരുമാനത്തിന്റെ 48 ശതമാനമായിരുന്ന ധനക്കമ്മി 2016-17 ല്‍ 37 ശതമാനമായി.(ജിഎസ്ടി നടപ്പിലാക്കുന്നതിന് മുമ്പ്). എന്നാല്‍ 2019-20 ല്‍ അത് വര്‍ധിച്ച് 53 ശതമാനമായി മാറി. അനുപാതമല്ലാതെ യഥാര്‍ത്ഥ കണക്കുകള്‍ നോക്കുകയാണെങ്കില്‍ കമ്മി ഒരു വര്‍ഷം കൊണ്ട് 45 ശതമാനമാണ് കൂടിയത്.

ഇതിലൊക്കെ ഒരു ക്രമം കാണാം. നികുതിയും ജിഡിപിയും തമ്മിലുളള അനുപാതത്തെ പോലെ 2013-14 നുശേഷം എല്ലാ അനുപാതങ്ങളും വര്‍ധിക്കുകയായിരുന്നു. 2016-17 വരെ ഇത് തുടര്‍ന്നു. 2014-17 കാലത്ത് ശരാശരി ജിഡിപി വളര്‍ച്ച എട്ട് ശതമാനത്തിനടുത്തായി. അതിന് ശേഷം കാര്യങ്ങള്‍ മോശമായി. വളര്‍ച്ചാനിരക്ക് കുറയുന്നതിന്റെ തീവ്രത കൂടി. പരോക്ഷ നികുതിയും ജിഡിപിയും തമ്മിലുള്ള അനുപാതം 5.6 ശതമാനത്തില്‍നിന്ന് 4.9 ശതമാനമായി. നികുതിയും ജിഡിപിയും തമ്മിലുള്ള അനുപാതം വളരെ കുറയാന്‍ ഇത് കാരണമായി. ജിഎസ്ടി നടപ്പിലാക്കുമ്പോള്‍ പറഞ്ഞിരുന്നത് ജിഡിപിയും നികുതിയും തമ്മിലുള്ള അനുപാതം അത് വര്‍ധിപ്പിക്കുമെന്നാണ്. എന്നാല്‍ നേരെ തിരിച്ചാണ് സംഭവിച്ചത്. തീര്‍ച്ചയായും വളര്‍ച്ച കുറഞ്ഞതും ഇതിന് കാരണമായിട്ടുണ്ടാകാം

മൂന്നുവര്‍ഷത്തെ ഈ ഇരുണ്ട സാഹചര്യം കൊണ്ടാണ് കോവിഡ് മഹാമാരിയെ നേരിടാനുള്ള സാമ്പത്തിക സാഹചര്യം സര്‍ക്കാരിന് ഇല്ലാതെ പോയത്. നികുതി വരുമാനത്തില്‍ കൂടുതല്‍ വര്‍ധനയുണ്ടാകുമെന്നാണ് ബജറ്റ് കണക്കാക്കുന്നത്. എന്നാല്‍ സാമ്പത്തിക വളര്‍ച്ച കുറയുന്ന ഈ ഘട്ടത്തില്‍ അത് നേടാന്‍ സാധ്യത കുറവാണ്. സാമ്പത്തികമേഖലയെ പുനരുജ്ജീവിക്കാന്‍ ചിലവ് വര്‍ധിപ്പിക്കേണ്ടിവരുമെന്നത് ഉറപ്പാണ്. മൊത്തം വരുമാനത്തിന്റെ 53 ശതമാനമെന്ന നിലയില്‍ നിന്ന് ധനക്കമ്മി 65 ശതമാനമായി വര്‍ധിക്കും. അതായത് സര്‍ക്കാര്‍ ചെലവഴിക്കുന്ന ഒരോ അഞ്ചു രൂപയിലും രണ്ട് രൂപ കടം വാങ്ങിയ പണം ആയിരിക്കും.

തീര്‍ച്ചയായും ഇത് പ്രതിസന്ധിയുടെ വര്‍ഷമാണ്. സാധാരണ രീതികളിലും ധനകാര്യ യുക്തികളില്‍നിന്നും കാര്യങ്ങള്‍ ഭിന്നമായേക്കാം. അങ്ങനെയാവുമ്പോള്‍ തന്നെ പ്രതിസന്ധിയില്‍നിന്ന് പുറത്തുവരുമ്പോള്‍ ഇന്നത്തെ സ്ഥിതി എങ്ങനെയുണ്ടായി എന്ന കാര്യത്തിലാവണം ശ്രദ്ധിക്കേണ്ടത്. അതായത് വളര്‍ച്ച തിരികെ കൊണ്ടുവരാനും കേന്ദ്ര, സംസ്ഥാന സര്‍ക്കാറുകള്‍ തമ്മിലുള്ള സാമ്പത്തിക സമത്വം പാലിക്കാനും ജിഎസ്ടിയുടെ പുതിയ രൂപം ആലോചിക്കാനും തയ്യാറാവണം.അതുപോലെ നികുതി - ജിഡിപി അനുപാതം ഇപ്പോഴത്തെ അവസ്ഥയില്‍ നില്‍ക്കെ സാമുഹ്യ സുരക്ഷാ പരിപാടികളുടെ പരിമിതികളും മനസ്സിലാക്കണം. ഇപ്പോള്‍ ചിലവിടുന്ന പണത്തിന് കൂടുതല്‍ നേട്ടം ഉണ്ടാക്കാന്‍ ശ്രമിക്കണം.

(ദി പ്രിന്റുമായുള്ള കണ്ടന്റ് ഷെയറിംഗ് പാര്‍ട്ടണര്‍ഷിപ്പ് പ്രകാരം ഐപിഎസ്എം ഫൌണ്ടേഷന്റെ അനുമതിയോടെ പ്രസിദ്ധീകരിക്കുന്നത്)


ടി.എന്‍ നൈനാന്‍

ടി.എന്‍ നൈനാന്‍

പ്രമുഖ മാധ്യമപ്രവര്‍ത്തകന്‍, ബിസിനസ് സ്റ്റാന്‍ഡേര്‍ഡ് പ്രൈ. ലിമിറ്റഡിന്റെ ചെയര്‍മാന്‍

Next Story

Related Stories