UPDATES

ന്യൂസ് അപ്ഡേറ്റ്സ്

കാനത്തിനെതിരെ പോസ്റ്റര്‍ പതിച്ച പ്രവര്‍ത്തകരെ സിപിഐ പുറത്താക്കി

എറണാകുളത്തെ പ്രവര്‍ത്തകരായ കൃഷ്ണകുമാര്‍, ഷിജു, ജയേഷ് എന്നിവരെയാണ് പുറത്താക്കിയത്. കൃഷ്ണകുമാര്‍ കിസാന്‍സഭ നേതാവാണ്.

സംസ്ഥാന സെക്രട്ടറി കാനം രാജേന്ദ്രനെ വിമര്‍ശിക്കുന്ന പോസ്റ്റര്‍ പതിച്ച പ്രവര്‍ത്തകരെ സിപിഐ പുറത്താക്കി. എറണാകുളത്തെ പ്രവര്‍ത്തകരായ കൃഷ്ണകുമാര്‍, ഷിജു, ജയേഷ് എന്നിവരെയാണ് പുറത്താക്കിയത്. കൃഷ്ണകുമാര്‍ കിസാന്‍സഭ നേതാവാണ്. എറണാകുളത്തെ മാര്‍ച്ചിനിടെ പാര്‍ട്ടി എംഎല്‍എ എല്‍ദോ എബ്രഹാം അടക്കമുള്ള നേതാക്കളെ പൊലീസ് മര്‍ദ്ദിച്ച സംഭവത്തില്‍ സംസ്ഥാന സെക്രട്ടറിയുടെ പ്രതികരണം പാര്‍ട്ടി തീരുമാനത്തിനും താല്‍പര്യങ്ങള്‍ക്കും വിരുദ്ധമാണ് എന്ന വിമര്‍ശനം എറണാകുളം ജില്ല സെക്രട്ടറിയേറ്റില്‍ ഉയര്‍ന്നിരുന്നു.

ജില്ല സെക്രട്ടറി പി രാജു അടക്കമുള്ളവര്‍ കാനത്തിന്റെ നിലപാടിനെതിരെ രംഗത്തെത്തിയിരുന്നു. മന്ത്രിമാരായ ഇ ചന്ദ്രശേഖരനും വിഎസ് സുനില്‍കുമാറും മന്ത്രിസഭാ യോഗത്തില്‍ പൊലീസ് മര്‍ദ്ദനത്തിനെതിരെ രൂക്ഷ വിമര്‍ശനം നടത്തിയപ്പോള്‍, കാനം വിഷയത്തില്‍ പ്രതികരിച്ചിരുന്നില്ല. മുഖ്യമന്ത്രി പിണറായി വിജയനുമായുള്ള കൂടിക്കാഴ്ചയ്ക്ക് ശേഷം കാനം പ്രതികരിച്ചത് എംഎല്‍എയെ പൊലീസ് വീട്ടില്‍ കയറി തല്ലിയതല്ല എന്നും സമരം ചെയ്ത് തല്ല് വാങ്ങിയതാണ് എന്നുമാണ്. ഇത് വലിയ വിവാദമായിരുന്നു.

അഴിമുഖം ഡെസ്ക്

അഴിമുഖം ഡെസ്ക്

More Posts

മോസ്റ്റ് റെഡ്


എഡിറ്റേഴ്സ് പിക്ക്


Related news


Share on

മറ്റുവാര്‍ത്തകള്‍