TopTop
Begin typing your search above and press return to search.

കാഴ്ച ഫിലിം ഫെസ്റ്റിവലില്‍ ആദ്യ പ്രദര്‍ശനത്തിനൊരുങ്ങി 'ഒരു രാത്രി ഒരു പകല്‍'

കാഴ്ച ഫിലിം ഫെസ്റ്റിവലില്‍ ആദ്യ പ്രദര്‍ശനത്തിനൊരുങ്ങി ഒരു രാത്രി ഒരു പകല്‍

കാഴച ഫിലിം ഫെസ്റ്റിവലില്‍ ആദ്യ പ്രദര്‍ശനത്തിനൊരുങ്ങി ഒരു രാത്രി ഒരു പകല്‍. കുറ്റിപ്പുറം പാലം, അവള്‍ക്കൊപ്പം, രണ്ടുപേര്‍ ചുംബിക്കുമ്പോള്‍ എന്നീ ഫീച്ചര്‍ സിനിമകള്‍ക്കും ഫ്രെയിം, കാണുന്നുണ്ടോ, 52 സെക്കന്‍ഡ്‌സ് എന്നീ ഷോര്‍ട്ട് ഫിലിമുകള്‍ക്കും ശേഷം പ്രതാപ് ജോസഫ് സംവിധാനം ചെയ്ത സിനിമയാണ് ഒരു രാത്രി ഒരു പകല്‍. കേരളത്തില്‍ സമീപകാലത്ത് നടന്ന ദുരഭിമാന കൊലകളുടെ പശ്ചാത്തലത്തിലാണ് സിനിമ ഒരുക്കിയിരിക്കുന്നത്. ഷൊറണൂര്‍ മാന്നന്നൂരിനടുത്തുള്ള തൈതല്‍ ഗ്രാമവും പരിസര പ്രദേശങ്ങളിലുമാണ് ചിത്രീകരണം നടന്നത്. പുതുമുഖം യമുന ചുങ്കപ്പള്ളിയും മാരിയുമാണ് ചിത്രത്തിലെ കേന്ദ്ര കഥാപാത്രങ്ങള്‍.

ടാഗോര്‍ തിയേറ്ററിന് സമീപത്തുള്ള ലെനിന്‍ ബാലവാടിയിലാണ് കാഴ്ച നിവ് ഇന്‍ഡി ഫിലിം ഫെസ്റ്റിവല്‍ നടക്കുന്നത്. നാല് മണിക്കാണ് ചിത്രം പ്രദര്‍ശിപ്പിക്കുന്നത്. മിനിമല്‍ സിനിമയുടെ ബാനറില്‍ പൂര്‍ണമായും ക്രൗഡ് ഫണ്ടിങ്ങിലൂടെയാണ് സിനിമ പൂര്‍ത്തിയാക്കിയത്. ഡാല്‍ട്ടന്‍ ജെ.എല്‍. ആണ് നിര്‍മാണ പങ്കാളി. ഷൈജു എം. ആണ് ശബ്ദവിഭാഗം പൂര്‍ണമായും കൈകാര്യം ചെയ്തിരിക്കുന്നത്.

സലീം നായര്‍ പശ്ചാത്തല സംഗീതവും ആനന്ദ് പൊറ്റക്കാട് എഡിറ്റിംഗും ജോണ്‍ ആന്റണി കളറിങ്ങും റഹൂഫ് കെ. റസാഖ് പ്രൊഡക്ഷന്‍ ഡിസൈനും നിര്‍വഹിക്കുന്നു. പാട്ട് എഴുതി ആലപിച്ചിരിക്കുന്നത് ശരത് ബുഹോയും കുറ്റിച്ചൂളന്‍ ബാന്‍ഡും ചേര്‍ന്നാണ്. ലെനന്‍ ഗോപന്‍, അര്‍ച്ചന പത്മിനി, ശുഐബ് ചാലിയം എന്നിവരാണ് അസോസിയേറ്റ് ഡയറക്ടര്‍മാര്‍. സ്റ്റില്‍ ഫോട്ടോഗ്രഫി വൈശാഖ് ഉണ്ണികൃഷ്ണന്‍. ടൈറ്റില്‍ ഡിസൈന്‍ ദിലീപ് ദാസ്.


Next Story

Related Stories