TopTop
Begin typing your search above and press return to search.

പാചകവും വാചകവും കോർത്തിണക്കി 'ഷാജീസ് കോര്‍ണര്‍'; യൂട്യൂബ് ചാനലുമായി പാഷാണം ഷാജി

പാചകവും വാചകവും കോർത്തിണക്കി ഷാജീസ് കോര്‍ണര്‍; യൂട്യൂബ് ചാനലുമായി പാഷാണം ഷാജി

ചലച്ചിത്ര നടനും മിമിക്രി കലാകാരനുമായ സാജു നവോദയ (പാഷാണം ഷാജി ) തുടങ്ങിയ ജനപ്രിയ യൂട്യൂബ് ചാനല്‍ 'ഷാജീസ് കോര്‍ണര്‍' അവതരണത്തിലെ പുതുമയും വേറിട്ട പ്രമേയവും കൊണ്ട് ശ്രദ്ധേയമാകുന്നു. ചിരിയും ചിന്തയും പകരുന്ന ചാനലിലെ പരിപാടികളെല്ലാം സാമൂഹിക വിമര്‍ശനവും, ജീവിത മൂല്യങ്ങളും ചൂണ്ടിക്കാട്ടുന്നവയാണ്. എങ്കിലും , തമാശയാണ് പരിപാടികളുടെ മുഖ്യ പ്രമേയം. ഇതാണ് മറ്റ് യൂട്യൂബ് ചാനലുകളില്‍ നിന്നും ഷാജീസ് കോര്‍ണറിനെ വേറിട്ട് നിറുത്തുന്നതും.കൊച്ചുകൊച്ച് സംഭവങ്ങളെ കോര്‍ത്തിണക്കി രസകരമായി അവതരിപ്പിച്ച് കുടുംബ പ്രേക്ഷകരെ രസിപ്പിക്കുകയാണ് ചാനലിലെ ഓരോ പരിപാടികളും. സാജുവിന്റെ ഭാര്യ രശ്മിയും ചാനലില്‍ പൂര്‍ണ്ണ പങ്കാളിത്തതോടെ കൂടെയുണ്ട്. ഇരുവരും തന്നെയാണ് അഭിനേതാക്കളും.

പാചകം, കോമഡികള്‍, ഷോര്‍ട്ട് ഫിലിം തുടങ്ങിയ നിരവധി പരിപാടികളാണ് ചാനലില്‍ ഉള്ളത്. 'വാചകമേള പാചകമേള' , 'സുരച്ചേട്ടായി' എന്നീ പരിപാടികളുടെ ആദ്യ എപ്പിസോഡുകള്‍ ഇതിനോടകം പുറത്തിറങ്ങി. തന്നെ ഇഷ്ടപ്പെടുന്ന പ്രേക്ഷകര്‍ തന്റെ ഈ യൂട്യൂബ് ചാനലും പരിപാടികളും സ്വീകരിക്കുമെന്ന് സാജു പറയുന്നു. ചാനലില്‍ നിന്ന് ലഭിക്കുന്ന വരുമാനത്തിലൊരു പങ്ക് കാരുണ്യ പ്രവര്‍ത്തനത്തിന് നല്‍കുമെന്ന് സാജു വ്യക്തമാക്കി. സംവിധാനം -ഷിജു അഞ്ചുമന, സ്‌ക്രിപ്റ്റ് -ജോഷി മഹാത്മാ ,ആഷ്ലിന്‍ തബു . കോഡിനേറ്റര്‍ -അനീസ് ഹമീദ്


Next Story

Related Stories