TopTop
Begin typing your search above and press return to search.

ഓട്ടോമാറ്റിക് ക്യാമറകള്‍ നിയമ ലംഘകരെ കണ്ടെത്തും; ഗതാഗത നിയമം തെറ്റിച്ചാല്‍ സൗദിയില്‍ പിഴ ഇങ്ങനെ

ഓട്ടോമാറ്റിക് ക്യാമറകള്‍ നിയമ ലംഘകരെ കണ്ടെത്തും;  ഗതാഗത നിയമം തെറ്റിച്ചാല്‍ സൗദിയില്‍  പിഴ ഇങ്ങനെ

സൗദിയില്‍ ട്രാഫിക് ലൈന്‍ ലംഘിക്കുന്നതിനുള്ള പിഴ ബുധനാഴ്ച മുതല്‍ പ്രാബല്യത്തിലാകും. ഓട്ടോമാറ്റിക് ക്യാമറകളാണ് നിയമ ലംഘകരെ കണ്ടെത്തുന്നത്. ആദ്യ ഘട്ടത്തില്‍ പദ്ധതി റിയാദ്, ദമ്മാം, ജിദ്ദ നഗരങ്ങളിലാണ് നടപ്പാക്കുന്നത്. ട്രാഫിക് സുരക്ഷാ നടപടികള്‍ ശക്തിപ്പെടുത്താനുള്ള ശ്രമങ്ങളുടെ ഭാഗമായാണ് പുതിയ ചട്ടം എന്ന് ജനറല്‍ ട്രാഫിക് ഡയറക്ട്രേറ്റ് അറിയിച്ചു.

റോഡുകളിലെ സുരക്ഷ കര്‍ശനമാക്കുന്നതിന്റെ ഭാഗമായാണ് നടപടി. റോഡുകളില്‍ സ്ഥാപിച്ച ട്രാഫിക് ലൈനുകള്‍ ലംഘിക്കുന്നവരെ പിടികൂടുന്നതിനാണ് ഓട്ടോമാറ്റിക് സംവിധാനം ഏര്‍പ്പെടുത്തിയിരിക്കുന്നത്. റോഡുകളില്‍ സിഗ്‌നല്‍ ഉപയോഗിക്കാതെ ട്രാക്കുകള്‍ മാറല്‍, ട്രാക്കുകള്‍ക്ക് അനുപാതികമായി വേഗത ക്രമീകരിക്കാതിരിക്കല്‍, നിയമ വിരുദ്ധമായ മാര്‍ഗത്തില്‍ വാഹനം മറികടക്കല്‍, എക്‌സിറ്റുകളും എന്‍ട്രികളും നിരോധിച്ച ഇടങ്ങളില്‍ വാഹനം അതിക്രമിച്ച് കയറ്റല്‍ എന്നിവ നിരീക്ഷിക്കുന്നതിനാണ് സംവിധാനം. ഹക്കം സംവിധാനത്തിന് കീഴില്‍ സ്ഥാപിക്കുന്ന ഡിവൈസുകളാണ് നിയമ ലംഘനങ്ങള്‍ പിടികൂടുക. ഇവ ലംഘനം നടത്തുന്ന വാഹനത്തിന്റെ ഫോട്ടോ ഉള്‍പ്പടെ രേഖപ്പെടുത്തും. ശേഷം ഉടമയുടെ മൊബൈല്‍ ഫോണിലേക്ക് പിഴയുള്‍പ്പെടെയുള്ള സന്ദേശവും ലഭ്യമാക്കും.

സിഗ്‌നലുകള്‍ ഉപയോഗിക്കാതെ ട്രാക്ക് മാറല്‍, തെറ്റായ വഴിയിലൂടെ വാഹനം ഓടിക്കുക തുടങ്ങിയ ലംഘനങ്ങള്‍ക്ക് പരമാവധി 6,000 സൗദി റിയാല്‍ ടിക്കറ്റിംഗ് ഏര്‍പ്പെടുത്തി. ഈ വര്‍ഷം ജനുവരിയില്‍ പ്രാബല്യത്തില്‍ വന്ന പുതിയ ട്രാഫിക് നിയമത്തിന്റെ എക്‌സിക്യൂട്ടീവ് ചട്ടങ്ങള്‍ അനുസരിച്ച്, തെറ്റായ നമ്പര്‍ പ്ലേറ്റുകള്‍ ഉപയോഗിക്കുന്ന വാഹനമോടിക്കുന്നവര്‍ക്ക് 10,000 റിയാല്‍ വരെ പിഴ ഈടാക്കം. മാത്രമല്ല, വാഹനം നിയമ വിധേയമാക്കുന്നത് വരെ വാഹനം തടവിലാക്കപ്പെടും. സാധുവായ ഇന്‍ഷുറന്‍സ് ഇല്ലാത്ത വാഹനങ്ങള്‍ക്ക് 100 റിയാലിനും 150 റിയാലിനും നും ഇടയില്‍ പിഴയും കുട്ടികള്‍ക്ക് സുരക്ഷാ സീറ്റുകള്‍ ഇല്ലാത്തതിന് 300 റിയാലിനും 500 റിയാലിനും ഇടയില്‍ പിഴയും ഈടാക്കും.

പൊതു റോഡുകളില്‍ 20 മീറ്ററിലധികം ദൂരം റിവേഴ്സ് എടുക്കുത്താല്‍ 150 നും 300 റിയാലിനും ഇടയിലുള്ള തുക ടിക്കറ്റുചെയ്യും, അതേസമയം വാഹനത്തില്‍ നിന്ന് ചവറ്റുകുട്ടകള്‍ എറിയുന്നതിനുള്ള പിഴ കുറഞ്ഞത് 300 മുതല്‍ 500 റിയാല്‍ വരെ പിഴയാണ്. സൗണ്ട് ഹോണ്‍ ദുരുപയോഗം ചെയ്യുന്നത് ലംഘനമാണ്, ഇതിനായി 150 നും 300 റിയാലിനും ഇടയില്‍ വാഹനമോടിക്കുന്നവര്‍ക്ക് ടിക്കറ്റ് ലഭിക്കും. എഞ്ചിന്‍ ഓഫ് ചെയ്യാതെ വാഹനതതില്‍ നിന്ന് ഇറങ്ങുന്നവര്‍ക്ക് 100 നും 150 റിയാലിനും ഇടയിലുള്ള പിഴ ഈടാക്കും.


Next Story

Related Stories