TopTop
Begin typing your search above and press return to search.

പ്രവാസി ഡിവിഡന്റ് പദ്ധതിയിലെ നിക്ഷേപം 100 കോടി കടന്നു

പ്രവാസി ഡിവിഡന്റ് പദ്ധതിയിലെ നിക്ഷേപം 100 കോടി കടന്നു

കൊവിഡ് 19 ന്റെ പശ്ചാത്തലത്തിലും പ്രവാസികളുടെ വിശ്വാസം നേടിയെടുത്ത് പ്രവാസി ഡിവിഡന്റ് പദ്ധതി. സംസ്ഥാന സര്‍ക്കാരിനു വേണ്ടി 'കേരള പ്രവാസി ക്ഷേമ ബോര്‍ഡ്' നടപ്പാക്കുന്ന 'പ്രവാസി ഡിവിഡന്റ് പദ്ധതി' വഴി സമാഹരിച്ച തുക 100 കോടി കടന്നു. ഏഷ്യ, യൂറോപ്പ്, വടക്കേ അമേരിക്ക, ആഫ്രിക്ക എന്നീ ഭൂഖണ്ഡങ്ങളിലെ 20 രാജ്യങ്ങളില്‍ നിന്നുള്ള പ്രവാസികള്‍ പദ്ധതിയില്‍ പണം നിക്ഷേപിച്ചു. ഇതുവരെ പദ്ധതിയില്‍ അംഗങ്ങളായ 877 പേരില്‍ 352 പേര്‍ നാട്ടിലേക്ക് മടങ്ങിയെത്തിയ പ്രവാസികളാണ്. 10 ശതമാനമെന്ന മികച്ച ലാഭവിഹിതം ഗാരണ്ടി നല്‍കുന്ന പദ്ധതിയാണിത്.2019 ഡിസംബര്‍ 14 ന് മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിച്ച പദ്ധതിക്ക് മികച്ച സ്വീകരണമാണ് പ്രവാസികള്‍ നല്‍കിയത്.

മൂന്നു ലക്ഷം രൂപ മുതല്‍ 51 ലക്ഷം രൂപ വരെ നിക്ഷേപിക്കാവുന്ന ദീര്‍ഘകാല പദ്ധതിയില്‍ നിക്ഷേപകര്‍ക്ക് സര്‍ക്കാര്‍ വിഹിതം ഉള്‍പ്പെടെ 10 ശതമാനം ഡിവിഡന്റ് ലഭിക്കുന്നതാണ് പദ്ധതി. ആദ്യ വര്‍ഷങ്ങളിലെ 10 ശതമാനം ഡിവിഡന്റ് തുക നിക്ഷേപത്തുകയോട് കൂട്ടിച്ചേര്‍ക്കുകയും നാലാം വര്‍ഷം മുതല്‍ നിക്ഷേപകര്‍ക്ക് പ്രതിമാസ ഡിവിഡന്റ് ലഭ്യമാക്കുന്നതാണ് പദ്ധതി. നിക്ഷേപകരുടെ കാലശേഷം പങ്കാളിക്ക് ഡിവിഡന്റ് ലഭ്യമാകും. അതിനു ശേഷം നോമിനിക്ക് മൂന്നു വര്‍ഷത്തെ ഡിവിഡന്റ് സഹിതം നിക്ഷേപിച്ച തുക ലഭ്യമാക്കുന്ന പദ്ധതിയാണിത്. സംസ്ഥാന സര്‍ക്കാര്‍ കിഫ്ബി യിലൂടെ നടപ്പാക്കുന്ന വിവിധ പദ്ധതികളില്‍ ഈ പണം വിനിയോഗിക്കുന്നു. പ്രവാസി ഡിവിഡന്റ് പദ്ധതിയില്‍ അംഗമാകുന്നതിനായി ഈ ലിങ്കില്‍ http://pravasikerala.org/dividend/ ക്ലിക്ക് ചെയ്യുക.


Next Story

Related Stories