TopTop
Begin typing your search above and press return to search.

EXPLAINER: പാർലമെന്ററി സമിതിക്ക് മുമ്പിൽ ഹാജരാകാൻ ആമസോൺ വിസമ്മതിച്ചതെന്തുകൊണ്ട്? എന്താണ് 2019ലെ പേഴ്സണൽ ഡാറ്റ പ്രൊട്ടക്ഷൻ ബിൽ?

EXPLAINER: പാർലമെന്ററി സമിതിക്ക് മുമ്പിൽ ഹാജരാകാൻ ആമസോൺ വിസമ്മതിച്ചതെന്തുകൊണ്ട്? എന്താണ് 2019ലെ പേഴ്സണൽ ഡാറ്റ പ്രൊട്ടക്ഷൻ ബിൽ?

2019ലെ പേഴ്‌സണല്‍ ഡാറ്റ പ്രൊട്ടക്ഷന്‍ ബില്ലുമായി ബന്ധപ്പെട്ട് പാര്‍ലമെന്ററി കമ്മിറ്റിക്ക് മുമ്പാകെ ഹാജാരാകാനുള്ള ആവശ്യം ആമസോണ്‍ നിരസിച്ചിരിക്കുന്നു. ഇത് പാര്‍ലമെന്ററി അവകാശലംഘനമാണെന്ന് പാര്‍ലമെന്റ് വൃത്തങ്ങള്‍ പറയുന്നു. ഒക്ടോബര്‍ 28നകം ജോയിന്റ് പാര്‍ലമെന്ററി കമ്മിറ്റിക്ക് (ജെപിസി) മുമ്പാകെ ഹാജരായില്ലെങ്കില്‍ കര്‍ശന നടപടിയുണ്ടാകുമെന്ന് കമ്മിറ്റി മുന്നറിയിപ്പ് നല്‍കി. കൊറോണ വൈറസ് മൂലം ഇന്ത്യയിലേയ്ക്ക് യാത്ര ചെയ്യാനാകില്ല എന്നാണ് യുഎസ്സിലുള്ള ആമസോണ്‍ കമ്പനി അധികൃതര്‍ ഹാജരാകാത്തതിന് ന്യായീകരണമായി പറഞ്ഞിരിക്കുന്നത്. വിഷയത്തില്‍ വൈദഗ്ധ്യമുള്ളവര്‍ വിദേശത്താണെന്നും കമ്പനി പറയുന്നു.

ഫേസ്ബുക്കും ട്വിറ്ററും അടക്കമുള്ള സോഷ്യല്‍ മീഡിയ പ്ലാറ്റ് ഫോമുകള്‍ സ്വകാര്യവിവരങ്ങള്‍ ചോര്‍ത്തുന്നതായുള്ള കോണ്‍ഗ്രസ് അടക്കമുള്ള പ്രതിപക്ഷ കക്ഷികളുടെ ആരോപണം പരിഗണിച്ചാണ്. ആമസോണിനെ ജെപിസി വിശദീകരണം നല്‍കാന്‍ വിളിച്ചുവരുത്തിയത്. അവകാശലംഘനമാണ് ആമസോണ്‍ നടത്തിയിരിക്കുന്നതെന്ന് ജെപിസി ചെയര്‍പേഴ്‌സണായ ബിജെപി എംപി മീനാക്ഷി ലേഖി കുറ്റപ്പെടുത്തി. ബ്രീച്ച് ഓഫ് പ്രിവിലേജ് നോട്ടീസ് ആമസോണിന് നല്‍കാനാണ് ജെപിസിയുടെ തീരുമാനം. ഇതിനിടെ ഫേസ്ബുക്ക് പോളിസി ചീഫ് അന്‍ഖി ദാസ് ഇന്നലെ ജെപിസിക്ക് മുമ്പാകെ ഹാജരായിരുന്നു.

ഫേസ്ബുക്കും ട്വിറ്ററും അടക്കമുള്ള സോഷ്യല്‍ മീഡിയ പ്ലാറ്റ് ഫോമുകളും ഓൺലൈൻ റീടെയിൽ സൈറ്റുകളും സ്വകാര്യവിവരങ്ങള്‍ ചോര്‍ത്തുന്നതായുള്ള കോണ്‍ഗ്രസ് അടക്കമുള്ള പ്രതിപക്ഷ കക്ഷികളുടെ ആരോപണം പരിഗണിച്ചാണ് സംയുക്ത പാർലമെന്ററി സമിതി രൂപീകരിച്ചത്. ഇതിന്റെ ഭാഗമായാണ് ആമസോണിനെ ജെപിസി വിശദീകരണം നല്‍കാന്‍ വിളിച്ചുവരുത്തിയത്. പാർലമെന്ററി അവകാശലംഘനമാണ് ആമസോണ്‍ നടത്തിയിരിക്കുന്നതെന്ന് ജെപിസി ചെയര്‍പേഴ്‌സണായ ബിജെപി എംപി മീനാക്ഷി ലേഖി കുറ്റപ്പെടുത്തി. ബ്രീച്ച് ഓഫ് പ്രിവിലേജ് നോട്ടീസ് ആമസോണിന് നല്‍കാനാണ് ജെപിസിയുടെ തീരുമാനം. ഇതിനിടെ ഫേസ്ബുക്ക് പോളിസി ചീഫ് അന്‍ഖി ദാസ് ഇന്നലെ ജെപിസിക്ക് മുമ്പാകെ ഹാജരായിരുന്നു. ട്വിറ്റര്‍ പ്രതിനിധി ഒക്ടോബര്‍ 28ന് ജെപിസിക്ക് മുമ്പാകെ ഹാജരാകുമെന്ന് ലോക്‌സഭ സെക്രട്ടറിയേറ്റ് പുറത്തിറക്കിയ നോട്ടീസ് പറയുന്നു. ഒക്ടോബര്‍ 29നകം ഹാജരാകാന്‍ ഗൂഗിളിനോടും പേ ടിഎമ്മിനോടും ആവശ്യപ്പെട്ടിട്ടുണ്ട്.

ഫേസ്ബുക്കിനോടും ഗൂഗിളിനോടും മറ്റ് കമ്പനികളോടും അനോണിമസ് പേഴ്‌സണല്‍, നോണ്‍ പേഴ്‌സണല്‍ ഡാറ്റകള്‍ സംബന്ധിച്ച് വിശദീകരിക്കാന്‍ ആവശ്യപ്പെട്ടതായി കഴിഞ്ഞ വര്‍ഷം പാര്‍മെന്റില്‍ ഐടി മന്ത്രി രവിശങ്കര്‍ പ്രസാദ് പറഞ്ഞിരുന്നു. അതേസമയം ദേശീയസുരക്ഷ അടക്കം സംബന്ധിച്ച കാര്യങ്ങളില്‍ വീഴ്ചയുണ്ടാക്കുംവിധമുള്ള ഡാറ്റ ചോര്‍ച്ചയുണ്ടായതായി കോണ്‍ഗ്രസ് അടക്കമുള്ള പ്രതിപക്ഷ കക്ഷികള്‍ ആരോപിക്കുന്നു. അതേസമയം നിയമവിദഗ്ധര്‍ ഇക്കാര്യത്തില്‍ ആശങ്ക അറിയിച്ചിരുന്നു. വ്യക്തികളുടെ സ്വകാര്യവിവരങ്ങളിലേയ്ക്ക് ഗവണ്‍മെന്റ് ആക്‌സസ് ലഭ്യമാക്കുന്ന തരത്തിലുള്ള പ്രശ്‌നമാണിതെന്ന് നിയമവിദഗ്ധര്‍ ചൂണ്ടിക്കാട്ടിയിരുന്നു. ഇതിന് പിന്നാലെയാണ് ജെപിസി രൂപീകരിച്ചത്. പുട്ടുസ്വാമി വേഴ്സസ് യൂണിയൻ ഓഫ് ഇന്ത്യ കേസിൽ സ്വകാര്യത മൗലികാവകാശമാണെന്ന് 2017 ഓഗസ്റ്റ് 24ന് സുപ്രീം കോടതിയുടെ ഭരണഘടനാ ബെഞ്ച് വിധിച്ചിരുന്നു.

എന്താണ് 2019ലെ പേഴ്സണൽ ഡാറ്റ പ്രൊട്ടക്ഷൻ ബിൽ?

2019 ഡിസംബര്‍ 11നാണ് കേന്ദ്ര ഇലക്ട്രോണിക്‌സ് ആന്‍ഡ് ഐടി മന്ത്രാലയം ദ പേഴ്‌സണല്‍ ഡാറ്റ പ്രൊട്ടക്ഷന്‍ ബില്‍ പാര്‍ലമെന്റിന്റെ മേശപ്പുറത്ത് വച്ചത്. 2019 ഡിസംബറിലാണ് സംയുക്ത പാര്‍ലമെന്ററി കമ്മിറ്റിയെ (ജെപിസി - ജോയിന്റ് പാര്‍ലമെന്ററി കമ്മിറ്റി) നിയോഗിച്ചത്. 2020ലെ ബജറ്റ് സമ്മേളനത്തിന് മുമ്പായി ഡാറ്റ പ്രൊട്ടക്ഷന്‍ ബില്‍ കരടിന് അന്തിമരൂപം നല്‍കാനാണ് ജെപിസിയോട് ആവശ്യപ്പെട്ടിരുന്നത്.

പേഴ്‌സണല്‍ ഡാറ്റ പ്രൊട്ടക്ഷന്‍ മെക്കാനിസങ്ങളെക്കുറിച്ച് പറയുന്ന ബില്‍, ഡാറ്റ പ്രൊട്ടക്ഷന്‍ അതോറിറ്റി ഓഫ് ഇന്ത്യ സ്ഥാപിക്കുന്നതിനെക്കുറിച്ച് പറയുന്നു. 2018ലെ ഡ്രാഫ്റ്റ് ബില്ലിലില്ലാത്ത വ്യവസ്ഥകള്‍ 2019ലെ ബില്ലിലുണ്ട്. ബില്‍ പരിധിയില്‍ നിന്ന് സര്‍ക്കാര്‍ ഏജന്‍സികളെ ഒഴിവാക്കാന്‍ കേന്ദ്ര സര്‍ക്കാരിന് അധികാരമുണ്ടെന്ന് 2019ലെ ബില്‍ വ്യവസ്ഥ ചെയ്യുന്നു. പൗരന്മാരുടെ സ്വകാര്യവിവരങ്ങളിലേയ്ക്ക് കടന്നുകയറാന്‍ സര്‍ക്കാരിന് അധികാരം നല്‍കുന്നതാണ് ബില്‍ വ്യവസ്ഥകളെന്ന് ആരോപണമുയര്‍ന്നിട്ടുണ്ട്.

വ്യക്തികളുടെ സ്വകാര്യവിവരങ്ങള്‍ക്ക് സംരക്ഷണം നല്‍കുക, പേഴ്‌സണല്‍ ഡാറ്റയുടെ ഉപയോഗം, അതിന്റെ കൈമാറ്റം തുടങ്ങിയവ സംബന്ധിച്ച് വ്യക്തത വരുത്തുക, പേഴ്‌സണല്‍ ഡാറ്റ കൈകാര്യം ചെയ്യുന്ന വ്യ സ്ഥാപനങ്ങളും വ്യക്തികളും തമ്മില്‍ വിശ്വാസം വളര്‍ത്തുക, ആരുടെ വ്യക്തിഗത വിവരങ്ങളാണോ കൈകാര്യം ചെയ്യുന്നത് അവരുടെ മൗലികാവകാശങ്ങള്‍ സംരക്ഷിക്കുക, ഡാറ്റ പ്രൊസസിംഗിനുള്ള സംഘടനാപരവും സാങ്കേതികവുമായ കാര്യങ്ങള്‍ക്ക് രൂപഘടനയുണ്ടാക്കുക, സോഷ്യല്‍മീഡിയ ഇന്റര്‍മീഡിയറികള്‍ക്ക് ചട്ടങ്ങളുണ്ടാക്കുക, അതിര്‍ത്തി കടന്നുള്ള ഡാറ്റ കൈമാറ്റങ്ങള്‍, പേഴ്‌സണല്‍ ഡാറ്റ പ്രൊസസ് ചെയ്യുന്ന സ്ഥാപനങ്ങളുടെ വിശ്വാസ്യത, അനധികൃത ഡാറ്റ പ്രൊസസിംഗ് തടയുക, ഡാറ്റ പ്രൊസസിംഗ് അതോറിറ്റി ഓഫ് ഇന്ത്യ സ്ഥാപിക്കുക തുടങ്ങിയ നിര്‍ദ്ദേശങ്ങളാണ് നല്‍കിയിരിക്കുന്നത്.

അടിയന്തര സാഹചര്യങ്ങളില്‍ വ്യക്തിഗത ഡാറ്റ കൈമാറ്റം ചെയ്യാന്‍ വ്യക്തികളുടെ അനുമതി വേണ്ടെന്ന് കരട് ബില്‍ പറയുന്നു. പകർച്ചവ്യാധികളടക്കമുള്ള അടിയന്തര മെഡിക്കൽ സാഹചര്യങ്ങളാണ് ഇതിൽ ഉൾപ്പെടുന്നത്. ഗൗരവ സ്വഭാവമുള്ള വ്യക്തിഗത വിവരങ്ങള്‍ (ക്രിട്ടിക്കല്‍ പേഴ്‌സണല്‍ ഡാറ്റ) ഇന്ത്യയില്‍ മാത്രമേ പ്രൊസസ് ചെയ്യാവൂ. ഇത് ഇന്ത്യക്ക് പുറത്തുപോകാന്‍ പാടില്ല. സെന്‍സിറ്റീവ് പേഴ്‌സണല്‍ ഡാറ്റ വ്യക്തികളുടെ അനുമതിയോടെ മാത്രമേ ഇന്ത്യക്ക് പുറത്തേയ്ക്ക് കൈമാറാവൂ.

2017ലെ ഡാറ്റ പ്രൊട്ടക്ഷൻ കമ്മിറ്റിയും 2019ലെ കരട് ബില്ലിനോടുള്ള ജസ്റ്റിസ് ശ്രീകൃഷ്ണയുടെ എതിർപ്പും

2017 ജൂലായ് 31ന് ഡാറ്റ പ്രൊട്ടക്ഷന്‍ സംബന്ധിച്ച പ്രശ്‌നങ്ങള്‍ പഠിക്കാന്‍ സുപ്രീം കോടതിയില്‍ നിന്ന് വിരമിച്ച ജസ്റ്റിസ് ബി എന്‍ ശ്രീകൃഷ്ണ അധ്യക്ഷനായി കമ്മിറ്റിയെ നിയോഗിച്ചു. 2018 ജൂലായില്‍ പേഴ്‌സണല്‍ ഡാറ്റ പ്രൊട്ടക്ഷന്‍ ബില്‍ കരട് ശ്രീകൃഷ്ണ കമ്മിറ്റി സമര്‍പ്പിച്ചു. 2019 ഡിസംബര്‍ നാലിന് കാബിനറ്റ് ബില്ലിന് അംഗീകാരം നല്‍കി.

2019ലെ ഡാറ്റ പ്രൊട്ടക്ഷന്‍ ബില്‍ കരടിനെ ജസ്റ്റിസ് ശ്രീകൃഷ്ണ രൂക്ഷമായി വിമര്‍ശിച്ചു. ഇതൊരു ഓര്‍വെല്ലിയന്‍ സ്‌റ്റേറ്റ് (ജോര്‍ജ്ജ് ഓര്‍വെല്ലിന്റെ നോവലിലുള്ള നിരീക്ഷക ഭരണകൂടം) ആയി ഇന്ത്യയെ മാറ്റാനുള്ള നീക്കങ്ങളുടെ ഭാഗമാണ് ഈ പുതിയ കരട് ബില്ലെന്ന് ജസ്റ്റിസ് ശ്രീകൃഷ്ണ വിമര്‍ശിച്ചിരുന്നു. ദ എക്കണോമിക്ക് ടൈംസിന് നല്‍കിയ അഭിമുഖത്തിലാണ് ശ്രീകൃഷ്ണ രൂക്ഷവിമര്‍ശനം നടത്തിയത്. വ്യക്തികളുടെ സ്വകാര്യ വിവരം ഗവണ്‍മെന്റിന് എപ്പോള്‍ വേണമെങ്കിലും ശേഖരിക്കാന്‍ 2019ലെ കരടുബില്‍ അനുമതി നല്‍കുന്നു. പൊതുക്രമത്തിന്റെ പരമാധികാരം അടക്കമുള്ള കാര്യങ്ങള്‍ പരിഗണിച്ചാണ് കരട് തയ്യാറാക്കിയത്.

2019ലെ ബില്ലില്‍ സ്വകാര്യത (പ്രൈവസി) എന്ന വാക്ക് ഒരു തവണ മാത്രമേ പരാമര്‍ശിക്കുന്നുള്ളൂ എന്ന് അപാര്‍ ഗുപ്ത ഇന്റര്‍നെറ്റ് ഫ്രീഡം ഫൗണ്ടേഷന്‍ ചൂണ്ടിക്കാട്ടിയിട്ടുണ്ട്. അതേസമയം സുരക്ഷ (സെക്യൂരിറ്റി) എന്ന വാക്ക് 49 തവണയും ടെക്‌നോളജി എന്ന വാക്ക് 56 തവണയും പരാമര്‍ശിച്ചിട്ടുണ്ട്. വ്യക്തികളുടെ സ്വകാര്യത സംരക്ഷിക്കാന്‍ ആവശ്യമായ നിര്‍ദ്ദേശങ്ങള്‍ ബില്ലില്‍ ഉള്‍ക്കൊള്ളിച്ചിട്ടില്ല എന്ന് ഫൗണ്ടേഷന്‍ ചൂണ്ടിക്കാട്ടിയിട്ടുണ്ട്.

ശ്രീകൃഷ്ണ കമ്മിറ്റി റിപ്പോർട്ട്:



Next Story

Related Stories