TopTop
Begin typing your search above and press return to search.

ഒടുവില്‍ ആപ്പിളിന്റെ സഹായമില്ലാതെ എഫ് ബി ഐ ഐഫോണ്‍ അണ്‍ലോക്ക് ചെയ്തു

ഒടുവില്‍ ആപ്പിളിന്റെ സഹായമില്ലാതെ എഫ് ബി ഐ ഐഫോണ്‍ അണ്‍ലോക്ക് ചെയ്തു

അഴിമുഖം പ്രതിനിധി

ആപ്പിളിന്റെ സഹായമില്ലാതെ സാന്‍ ബര്‍ണാര്‍ഡിനോ അക്രമിയുടെ ഐഫോണ്‍ എഫ് ബി ഐ ഒടുവില്‍ അണ്‍ലോക്ക് ചെയ്തു. ഇതേതുടര്‍ന്ന് കോടതിയിലെ കേസ് അവസാനിപ്പിച്ചുവെന്ന് യുഎസ് നീതി വകുപ്പ് അറിയിച്ചു. സാന്‍ ബര്‍ണാര്‍ഡിനോയില്‍ ആക്രമണം നടത്തിയ സെയദ് റിസ്വാന്‍ ഫാറൂഖിന്റെ ഐ ഫോണ്‍ അണ്‍ലോക്ക് ചെയ്ത് എഫ് ബി ഐയെ സഹായിക്കാന്‍ കോടതി ആപ്പിളിനോട് കഴിഞ്ഞ മാസം ആവശ്യപ്പെട്ടിരുന്നുവെങ്കിലും കമ്പനി വഴങ്ങിയിരുന്നില്ല.

എന്നാല്‍ ഐഫോണ്‍ അണ്‍ലോക്ക് ചെയ്യുന്നതില്‍ എഫ് ബി ഐ ഉദ്യോഗസ്ഥര്‍ വിജയിച്ചു. തുടര്‍ന്ന് ഉത്തരവ് പിന്‍വലിക്കാന്‍ കോടതിയോട് എഫ് ബി ഐ അഭ്യര്‍ത്ഥിക്കുകയായിരുന്നു.

കഴിഞ്ഞ ഡിസംബറിലാണ് സാന്‍ ബര്‍ണാര്‍ഡിനോയില്‍ ഫാറൂഖും ഭാര്യയും ആക്രമണം നടത്തി 14 പേരെ കൊലപ്പെടുത്തയിത്. ഇരുവരും പൊലീസ് ഏറ്റുമുട്ടലില്‍ കൊല്ലപ്പെടുകയും ചെയ്തിരുന്നു.

അക്രമികളുമായി ബന്ധമുള്ളവരെ കണ്ടെത്തുന്നതിന് ഫോണിലെ വിവരങ്ങള്‍ എഫ് ബി ഐയ്ക്ക് പരിശോധിക്കേണ്ടിയിരുന്നു.


Next Story

Related Stories