TopTop

'കേരളം ഭാരതത്തിൽ അല്ലെന്ന് നമ്മൾ തെളിയിച്ചു, ഇനിയും അനുഭവിക്കുക'; ബിജെപിയുടെ തോൽ‌വിയിൽ രോഷം പ്രകടിപ്പിച്ച് സംവിധായകൻ രാജസേനൻ

നരേന്ദ്ര മോദിയുടെ നേതൃത്വത്തില്‍ വീണ്ടും ബിജെപി സർക്കാർ കേന്ദ്രഭരണം നേടിയപ്പോളും, കേരളത്തിൽ ഇത്തവണയും ബിജെപിക്ക് ഒരു സീറ്റുപോലും നേടാനായില്ല. കേരളത്തിലെ ബിജെപിയുടെ തോൽ‌വിയിൽ രോക്ഷം പ്രകടിപ്പിച്ച് സംവിധായകൻ രാജസേനൻ. ഈ തിരഞ്ഞെടുപ്പ് ഫലത്തിലൂടെ കേരളം ഭാരതത്തിൽ അല്ല എന്ന് ഒരിക്കൽ കൂടി തെളിയിച്ചുവെന്നും സ്വന്തം നാടിനെതിരെ ഇങ്ങനെ ചിന്തിക്കുന്നൊരു സമൂഹം കേരളത്തിലല്ലാതെ ലോകത്തിൽ എവിടെയും കാണാൻ സാധിക്കില്ലെന്നും രാജസേനൻ പറയുന്നു.

'ഭാരതം ബിജെപിയും നരേന്ദ്രമോദിയും ചേർന്ന് എടുക്കുകയാണെന്ന് ഞാൻ നേരത്തെ പറഞ്ഞിരുന്നു. അക്ഷരാര്‍ത്ഥത്തിൽ അത് സംഭവിച്ചു. ഭാരതം ബിജെപിയും മോദി ജിയും ചേർന്ന് എടുത്തുകഴിഞ്ഞു. ഇനി ഒരിക്കലും ഒരു രാഷ്ട്രീയപാർട്ടിക്കും തിരിച്ചു നൽകാൻ കഴിയാത്തൊരു അസാമാന്യവിജയമായിരുന്നു അത്. എന്നാൽ കേരളം ഭാരതത്തിൽ അല്ല എന്ന് നമ്മൾ ഒരിക്കൽ കൂടി തെളിയിച്ചു എന്നതാണ് ദുഃഖകരമായ സത്യം. ശ്രീ കുമ്മനവും സുരേന്ദ്രനും സുരേഷ് ഗോപിയും ഒക്കെ ഇവിടെ തോറ്റപ്പോൾ തോറ്റത് നന്മയും വിശ്വാസവും മാത്രാണ്. ജയിച്ചതോ, കുറേ അഴിമതിയും അക്രമവും. കാലാകാലങ്ങളായി നമ്മൾ ഇതുപോലെ മണ്ടത്തരം കാണിച്ച് അത് തെളിയിച്ചതുമാണ്. ഇനിയും അനുഭവിക്കുക. ഒരുകാര്യം, സ്വന്തം നാടിനെതിരായി ഇങ്ങനെ ചിന്തിക്കുന്നൊരു സമൂഹം കേരളത്തിലല്ലാതെ ലോകത്തിൽ എവിടെയും കാണാൻ സാധിക്കില്ല. സങ്കടവും ഒരുപാട് വിഷമവുണ്ട്'- രാജസേനൻ പറഞ്ഞു

കപിലിന്റെ ചെകുത്താന്‍മാരുടെ വിജയകഥ കോഹ്‌ലിയും കൂട്ടരും മറക്കരുത്; ഇത്തവണ ലോകകപ്പ് വ്യത്യസ്തമാകുന്നത് ഇങ്ങനെയാണ്

Next Story

Related Stories