UPDATES

സിനിമാ വാര്‍ത്തകള്‍

മൂത്തോന് ആശംസ പറഞ്ഞ മഞ്ജു വാര്യരെ ട്രോളി ശ്രീകുമാര്‍ മേനോന്‍

ഗീതു മോഹന്‍ദാസ് നിവിന്‍ പോളിയെ നായകനാക്കി സംവിധാനം ചെയ്യുന്ന സിനിമയാണ് മൂത്തോന്‍

ഒടയിന്‍ സിനിമയ്ക്കും തനിക്കുമെതിരേ കരുതിക്കൂട്ടിയുള്ള സൈബര്‍ ആക്രമണങ്ങള്‍ ഉണ്ടായപ്പോള്‍ മഞ്ജു വാര്യരില്‍ നിന്നും യാതൊരു പിന്തുണയും കിട്ടിയില്ലെന്ന പരാതിയുമായി നടിക്കെതിരേ രൂക്ഷമായ ഭാഷയില്‍ പ്രതികരിച്ചിരുന്നു സംവിധായകന്‍ ശ്രീകുമാര്‍ മേനോന്‍. മഞ്ജുവിന്റെ സിനിമയിലേക്കുള്ള രണ്ടാം വരവിന് കാരണമാവുകയും അവരുടെ സ്വകാര്യപ്രശ്‌നങ്ങളില്‍ ഇടപെട്ട് കൂടെ നില്‍ക്കുകയും ചെയ്തിട്ടും തനിക്കൊരു പ്രശ്‌നം വന്നപ്പോള്‍ മഞ്ജു കൈയൊഴിഞ്ഞെന്നായിരുന്നു ശ്രീകുമാര്‍ മേനോന്റെ പരാതി. തന്റെതല്ലാത്തെ സിനിമകള്‍ക്കുപോലും സോഷ്യല്‍ മീഡിയയിലൂടെ പിന്തുണ പ്രഖ്യാപിക്കുന്ന മഞ്ജു ഒടിയന്റെ കാര്യത്തില്‍ അത്തരമൊരു സമീപനവും കാണിച്ചില്ലെന്നും ശ്രീകുമാര്‍ മേനോന്‍ ചൂണ്ടിക്കാട്ടിയിരുന്നു. ഇപ്പോഴിതാ ഒടിയിന്‍ വിവാദം കഴിഞ്ഞിരിക്കുന്ന സമയത്ത് മഞ്ജുവിനെതിരേ വീണ്ടും പരിഹാസവുമായി ശ്രീകുമാര്‍ മേനോന്‍ എത്തിയിരിക്കുകയാണ്.

ഗീതു മോഹന്‍ദാസ് നിവിന്‍ പോളിയെ നായകനാക്കി സംവിധാനം ചെയ്യുന്ന മൂത്തോന്‍ എന്ന ചിത്രത്തിന് ആശംസയറിച്ച് മഞ്ജു ചെയ്ത ട്വീറ്റിനു താഴെയാണ് ശ്രീകുമാര്‍ മേനോന്റെ പരിഹാസച്ചുവയുള്ള കമന്റ് വന്നത്. ജനുവരി 17 ന് മൂത്തോന്റെ ടീസര്‍ റിലീസ് ചെയ്യുമെന്നുള്ള അറിയിപ്പോടെ നിവിന്‍ പോളിയുടെ ട്വീറ്റ് ഷെയര്‍ ചെയ്താണ് ഗീതുവിനും രാജീവ് രവിക്കും നിവിന്‍ പോളിക്കും മൂത്തോന്റെ മുഴുവന്‍ ടീമിനും ആശംസയര്‍പ്പിച്ചും ചിത്രം കാണാന്‍ കാത്തിരിക്കുകയാണെന്നു പറഞ്ഞും മഞ്ജു വാര്യര്‍ ട്വീറ്റ് ചെയ്തത്. ഇതിനു താഴെയാണ് ഈ മണിക്കൂറിലും ട്വീറ്റ് ചെയ്ത് സിനിമയെ പിന്തുണയ്ക്കുന്നു, നല്ലത്, എന്ന മറുപടി ശ്രീകുമാര്‍ നല്‍കിയത്. ശ്രീകുമാര്‍ മേനോന്‍ മഞ്ജു വാര്യരെ ട്രോളിയതാണെന്നു പറഞ്ഞ് കൂടുതല്‍ കമന്റുകള്‍ വന്നതോടെ, സംവിധായകന്‍ തന്റെ ഉദ്ദേശം അതായിരുന്നില്ലെന്നു വ്യക്തമാക്കാന്‍ വേണ്ടി ചെറിയ വിശദീകരണവും നല്‍കി. നിങ്ങളെപോലെയുള്ള സൂപ്പര്‍ സ്റ്റാറുകളില്‍ നിന്നും സിനിമ വ്യവസായത്തിന്റെ വളര്‍ച്ചയ്ക്കും മുന്നേറ്റത്തിനും ഇത്തരത്തിലുള്ള പിന്തുണയാണ് ആവശ്യമെന്നും, നന്നായിട്ടുണ്ടെന്നുമായിരുന്നു ശ്രീകുമാര്‍ മേനോന്‍ കമന്റ്.

മോസ്റ്റ് റെഡ്


എഡിറ്റേഴ്സ് പിക്ക്


Share on

മറ്റുവാര്‍ത്തകള്‍