TopTop
Begin typing your search above and press return to search.

'റഫീഖ് തന്നെയും വഞ്ചിച്ചു, ഷംനയുമായി നിരന്തരം ഫോണിൽ സംസാരിച്ചിരുന്നു, വിവാഹമോചനം ആവശ്യപ്പെട്ടു', ഭാര്യയുടെ വെളിപ്പെടുത്തല്‍

റഫീഖ് തന്നെയും വഞ്ചിച്ചു, ഷംനയുമായി നിരന്തരം ഫോണിൽ സംസാരിച്ചിരുന്നു, വിവാഹമോചനം ആവശ്യപ്പെട്ടു, ഭാര്യയുടെ വെളിപ്പെടുത്തല്‍

ചലച്ചിത്ര താരം ഷംന കാസിമിനെ ബ്ലാക്ക് മെയിൽ ചെയ്ത് പണം തട്ടാൻ ശ്രമിച്ച കേസിലെ മുഖ്യപ്രതിയായ റഫീഖിനെതിരെ വെളിപ്പെടുത്തലുമായി ഭാര്യ രംഗത്ത്. ഇതിന് മുൻപും പണമിടപാടുമായി ബന്ധപ്പെട്ട തട്ടിപ്പുകളുടെ പേരിൽ റഫീക്കിന് കേസുകൾ ഉണ്ടായിരുന്നു, ഇതിന്റെ പേരിൽ ജയിലിൽ കിടന്നിട്ടുണ്ടെന്നും ഭാര്യ മാധ്യമങ്ങളോട് പ്രതികരിച്ചു.

ബ്ലാക്ക്മെയിൽ കേസിൽ റഫീക്കിന്റെ പങ്ക് കൂടുതൽ വ്യക്തമാക്കുന്നതാണ് ഇപ്പോഴത്തെ വെളിപ്പെടുത്തൽ. ഫോണില്‍ ഒരു സ്ത്രീയുടെ ഫോട്ടോ കാണിച്ച് താനുമായുള്ള വിവാഹ ബന്ധം അവസാനിപ്പിക്കുകയാണെന്ന് പറഞ്ഞിരുന്നു. ഒരു സമയത്ത് ഒരു സ്ത്രീയുമായി നിരന്തരം ഫോണ്‍ വിളിയായിരുന്നു. ഇത് ഷംന തന്നെയാണെന്നാണ് വിശ്വാസം.

റഫീഖിന് സ്ത്രീകളുമായി ഫോണില്‍ ബന്ധങ്ങളുണ്ട്. ഇതിന്റെ പേരില്‍ സ്ഥിരമായി വഴക്കുണ്ടാവാറുണ്ടായിരുന്നു. ഒരു ഭാര്യയും ഭര്‍ത്താവ് മറ്റ് സ്ത്രീകളുമായി ബന്ധം സ്ഥാപിക്കുന്നത് ഇഷ്ടപ്പെടില്ല. ഇതിനിടെയാണ് ഷംനയെ വിവാഹം കഴിക്കാന്‍ എന്നോട് വിവാഹ മോചനം ആവശ്യപ്പെട്ടത്. ഷംന വലിയ സിനിമാ താരമായത് കൊണ്ട് ഇതൊന്നും തുടക്കത്തില്‍ വിശ്വസിച്ചിരുന്നില്ല. ഇവര്‍ എങ്ങനെ ഇത്രയും വലിയ താരവുമായി അടുത്തു എന്ന സംശയമായിരുന്നു. എന്നാല്‍ കേസ് പുറത്തുവന്നപ്പോഴാണ് വിശ്വാസമായത്‌.

ഇതിന് മുൻപ് താൻ കന്നെ വിവാഹ മോചനത്തിന് ശ്രമിച്ചതാണ്. ഇതിനായി പള്ളിയുമായുൾപ്പെടെ ബന്ധപ്പെട്ടിരുന്നു. പക്ഷേ നടന്നില്ല. നിരവധി തവണ ഭര്‍ത്താവിനെതിരെ പരാതി നല്‍കിയിട്ടുണ്ട്. ഷംനയെ വിളിച്ച സ്ത്രീ താനല്ല, പക്ഷേ തന്നെ കേസില്‍ കുടുക്കുമെന്ന് ഭയപ്പെട്ടിരുന്നു. ഇപ്പോൾ അറസ്റ്റിലുള്ള മേക്കപ്പ് ആര്‍ട്ടിസ്റ്റ് ഹാരിസാണ് ഷംനയുടെ ഫോണ്‍ നമ്പര്‍ റഫീഖിന് നല്‍കിയത്. ആല്‍ബങ്ങളില്‍ അഭിനയിക്കുന്നവരുടെ ഫോണ്‍ നമ്പറുകളും ഹാരിസ് റഫീഖിന് കൈമാറിയതായും ഭാര്യ മാധ്യമങ്ങളോട് വെളിപ്പെടുത്തി.

റഫീഖിന്റെ ഭാര്യ ഭാര്യ മാതൃഭൂമി ന്യൂസിന് നൽകിയ പ്രതികരണം-


Next Story

Related Stories