Top

ഓസ്‌ട്രേലിയയില്‍ വ്യാപക കാട്ടുതീ - മൂന്ന് മരണം, 150 വീടുകള്‍ കത്തിനശിച്ചു, ആയിരത്തിലധികം പേര്‍ പലായനം ചെയ്തു

ഓസ്‌ട്രേലിയയില്‍ വ്യാപക കാട്ടുതീ - മൂന്ന് മരണം, 150 വീടുകള്‍ കത്തിനശിച്ചു, ആയിരത്തിലധികം പേര്‍ പലായനം ചെയ്തു

ഓസ്‌ട്രേലിയയിലെ ക്വീന്‍സ് ലാന്‍ഡ് പ്രവിശ്യയില്‍ കാട്ടുതീയില്‍ വ്യാപക നാശം. ക്വീന്‍സ് ലാന്‍ഡിലെ ന്യൂ സൗത്ത് വെയില്‍സിലാണ് കാട്ടുതീ പടര്‍ന്നത്. മൂന്ന് പേര്‍ മരിച്ചു. ഒരു മൃതദേഹം കാറില്‍ കത്തിക്കരിഞ്ഞ നിലയിലാണ് കണ്ടെത്തിയത്. 150 വീടുകള്‍ പൂര്‍ണമായും കത്തിനശിച്ചു. ആയിരത്തിലധികം പേര്‍ക്ക് വീടൊഴിഞ്ഞു പോകേണ്ടി വന്നു. ഇവരെ ഇവാക്വേഷന്‍ സെന്ററിലേയ്ക്കാണ് മാറ്റിയത്. 1300 ഫയര്‍ഫൈറ്റര്‍മാരെ തീ അണയ്ക്കാന്‍ നിയോഗിച്ചിട്ടുണ്ട്. ആവശ്യമെങ്കില്‍ സൈന്യത്തെ അയയ്ക്കുമെന്ന് പ്രധാനമന്ത്രി സ്‌കോട്ട് മോറിസണ്‍ പറഞ്ഞു. ശക്തമായ കാറ്റും 35 ഡിഗ്രി സെല്‍ഷ്യസ് താപനിലയുമായി കാട്ടുതീ പടരാനിടയാക്കിയത് എന്നാണ് റിപ്പോര്‍ട്ട്.

ന്യൂ സൗത്ത് വെയില്‍സ് സ്ഥിരം കാട്ടുതീ പടരുന്ന മേഖലയാണ്. ഒരു മാസത്തിനിടെ, വീട്ടിലെ തീ കെടുത്താനുള്ള ശ്രമത്തിനിടെ രണ്ട് പേര്‍ മരിച്ചിരുന്നു. കഴിഞ്ഞയാഴ്ച കോല വന്യജീവി സങ്കേതത്തില്‍ 2000 ഹെക്ടറിലാണ് കാട്ടുതീ പടര്‍ന്നത്. നൂറ് കണക്കിന് മൃഗങ്ങൾ ഇതിൽ ചത്തതായി കരുതുന്നു. ദീര്‍ഘകമാലമായി വരള്‍ച്ചാദുരിതമനുഭവിക്കുന്ന പ്രദേശത്ത് കഴിഞ്ഞയാഴ്ച മഴ പെയ്തത് കര്‍ഷകര്‍ക്ക് ചെറിയ ആശ്വാസമായിരുന്നെങ്കിലും ഇത് കാര്യമായി ഫലം ചെയ്തില്ല എന്ന് ബിബിസി പറയുന്നു.


Next Story

Related Stories