TopTop
Begin typing your search above and press return to search.

കൊറോണ; നോയ്ഡയില്‍ രണ്ട് സ്കൂളുകള്‍ അടച്ചു, രാജ്യത്ത് രണ്ട് പേര്‍കൂടി നിരീക്ഷണത്തില്‍

കൊറോണ; നോയ്ഡയില്‍ രണ്ട് സ്കൂളുകള്‍ അടച്ചു, രാജ്യത്ത് രണ്ട് പേര്‍കൂടി നിരീക്ഷണത്തില്‍

കേരളത്തിലെ കൊറോണ വൈറസ് ബാധിതര്‍‌ സുഖം പ്രാപിച്ചതിന് പിന്നാലെ രാജ്യത്ത് രണ്ടുപേര്‍ക്ക് കൂടി കൊറോണ (കൊവിഡ് - 19) സ്ഥിരീകരിച്ചു. ഇറ്റലിയില്‍ നിന്ന് എത്തിയ ന്യൂഡല്‍ഹി സ്വദേശിക്കും ദുബായില്‍ നിന്ന് എത്തിയ തെലങ്കാന സ്വദേശിക്കുമാണ് വൈറസ് ബാധ സ്ഥിരീകരിച്ചത്.

ഡല്‍ഹി സ്വദേശി കോണാര്‍ട്ട് പ്ലേസിലുള്ള ആര്‍.എം.എല്‍ ആശുപത്രിയിലാണ് ഇറ്റലിയില്‍ നിന്ന് എത്തിയയാള്‍ ചികില്‍സയിലുള്ളത്. തെലങ്കാന സ്വദേശി സ്വകാര്യ ആശുപത്രിയിലും തുടര്‍ന്ന് സര്‍ക്കാര്‍ ആശുപത്രിയിലും മുന്‍പ് ചികിത്സ തേടിയിരുന്നു. ഇരുവരുടെയും ആരോഗ്യനില തൃപ്തികരമാണെന്ന് കേന്ദ്ര ആഭ്യന്തര മന്ത്രാലയം അറിയിച്ചു. അതേസമയം, പുതിയ രണ്ട് കോവിഡ് 19 കേസുകള്‍ കൂടി സ്ഥിരീകരിച്ചതോടെ രാജ്യത്ത് മുന്‍കരുതല്‍ നടപടികളും ശ്കതമാക്കി.

മുന്‍ കരുതലിന്റെ ഭാഗമായി ഡല്‍ഹി സ്വദേശിയുടെ മക്കള്‍ പഠിക്കുന്ന ഉത്തര്‍പ്രദേശ് നോയിഡയിലെ രണ്ട് സ്കൂളുകള്‍ അടച്ചുപൂട്ടി. നിരീക്ഷണത്തിലുള്ള വ്യക്തിയുടെ മക്കള്‍ പഠിക്കുന്ന സ്കൂളാണ് അടച്ചു പുട്ടിയത്. ഇതിന് പുറമെ കഴിഞ്ഞയാഴ്ച കൊവിഡ് 19 സ്ഥിരീകരിച്ച വ്യക്തി പങ്കെടുത്ത പിറന്നാള്‍ ആഘോഷത്തില്‍ ഇദ്ദേഹത്തിന്റെ മക്കളും അവരുടെ സ്കൂള്‍ സുഹൃത്തുക്കളും ഉള്‍പ്പെടെ നോയിഡയിലെ 25 പേരും ഉണ്ടായിരുന്നതായി കണ്ടെത്തിയതോടെയാണു നടപടി. ഇതിന് പുറമെ അടച്ചുപൂട്ടിയ സ്കൂള്‍ ഉത്തര്‍ പ്രദേശിലെ ഉന്നത ആരോഗ്യവകുപ്പ് ഉദ്യോഗസ്ഥര്‍ സന്ദര്‍ശിച്ച്‌ സ്ഥിതിഗതികള്‍ വിലയിരുത്തും. സ്കൂള്‍ അടച്ചതോടെ ഇന്നു മുതല്‍ ആരംഭിക്കാനിരുന്ന പരീക്ഷകളും സ്കൂള്‍ അധികൃതര്‍ റദ്ദാക്കി. പുതുക്കിയ തീയതി പിന്നീട് അറിയിക്കുമെന്നു സ്കൂള്‍ വ്യക്തമാക്കി. പിറന്നാള്‍ ആഘോഷം നടന്ന ആഡംബര ഹോട്ടലിലെ ജീവനക്കാരോടും സ്വയം നിരീക്ഷണത്തിന് വിധേയനാവാന്‍ നിര്‍ദേശിച്ചിട്ടുണ്ട്.

രോഗം സ്ഥിരീകരിച്ച വ്യക്തിയുമായി ആരോഗ്യവകുപ്പ് ഉദ്യോഗസ്ഥര്‍ ബന്ധപ്പെടുന്നു. പരിശോധനകള്‍ക്കും വിധേയരാക്കിയ ഇവരോട് 14 ദിവസം വീട്ടില്‍ തന്നെ തുടരാന്‍ നിര്‍ദ്ദേശിച്ചിട്ടുണ്ട്. കൂടാതെ ഡല്‍ഹി സ്വദേശി യാത്ര ചെയ്ത എയര്‍ ഇന്ത്യ വിമാനത്തിലെ ജീവനക്കാരോട് ഐസലേഷനില്‍ കഴിയാന്‍ നേരത്തെ എയര്‍ ഇന്ത്യ നിര്‍ദേശിച്ചിരുന്നു. ഇന്ത്യയിലെ രണ്ടാമത്തെ രോഗിയായ 24കാരനായ ടെക്കിക്കൊപ്പം താമസിച്ചവരെ മെഡിക്കല്‍ സംഘം നിരീക്ഷിച്ചു വരികയാണെന്നു കര്‍ണാടക ആരോഗ്യമന്ത്രി ബി.ശ്രീരാമുലു പറഞ്ഞു. ഹൈദരാബാദിലെ ആശുപത്രിയിലാണ് നിലവില്‍ 24 കാരന്‍ ചികില്‍സയിലുള്ളത്. ബംഗളൂരുവില്‍ നിന്നും ഹൈദരാബാദിലേക്ക് ഇയാള്‍ എത്തിയ ബസിലുണ്ടായിരുന്ന 27 പേരും നിരീക്ഷണത്തിലാണ്.


Next Story

Related Stories