TopTop

കൊറോണ: തൃശൂരിലെ വിദ്യാര്‍ത്ഥിനിയും ആശുപത്രി വിട്ടു, സംസ്ഥാനത്ത് 914 പേര്‍ ഇപ്പോഴും നിരീക്ഷണത്തില്‍

കൊറോണ: തൃശൂരിലെ വിദ്യാര്‍ത്ഥിനിയും ആശുപത്രി വിട്ടു,  സംസ്ഥാനത്ത് 914 പേര്‍ ഇപ്പോഴും നിരീക്ഷണത്തില്‍

കൊറോണ വൈറസ് രോഗം സ്ഥിരീകരിച്ച് തൃശൂര്‍ മെഡിക്കല്‍ കോളേജില്‍ ചികിത്സയിലായിരുന്ന വിദ്യാര്‍ഥിനിയെ റിസള്‍ട്ട് നെഗറ്റീവായതിനെ തുടര്‍ന്ന് ഡിസ്ചാര്‍ജ് ചെയ്തു. ഇതോടെ കേരളത്തിൽ രോഗം സ്ഥിരീകരിച്ച മൂന്ന് പേരേയും ഡിസ്ചാര്‍ജ് ചെയ്തു. നിലവില്‍ ആശുപത്രിയില്‍ പ്രവേശിപ്പിക്കപ്പെട്ട ആരുടേയും ആരോഗ്യനിലയില്‍ ആശങ്കയ്ക്ക് വകയില്ലെന്നും മന്ത്രി വ്യക്തമാക്കി.

ലോകത്ത് 26 രാജ്യങ്ങളില്‍ലാണ് നോവല്‍ കൊറോണ വൈറസ് രോഗം പടര്‍ന്നുപിടിച്ചിട്ടുള്ളത്. ഈ സാഹര്യം നിലനിൽക്കെ സംസ്ഥാനത്തെ വിവിധ ജില്ലകളിലായി 914 പേർ ഇപ്പോഴും നിരീക്ഷണത്തിലാണെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. ഇവരില്‍ 907 പേര്‍ വീടുകളിലും 7 പേര്‍ ആശുപത്രികളിലും നിരീക്ഷണത്തിലാണ്. സംശയാസ്പദമായവരുടെ 433 സാമ്പിളുകള്‍ എന്‍.ഐ.വി.യില്‍ പരിശോധനയ്ക്ക് അയച്ചിട്ടുണ്ട്. ഇതില്‍ 423 സാമ്പിളുകളുടെ പരിശോധനാ ഫലം നെഗറ്റിവ് ആണ്.

വീട്ടിലെ നിരീക്ഷണത്തില്‍ കഴിയുന്ന 1349 വ്യക്തികളെ പരിഷ്‌കരിച്ച മാര്‍ഗരേഖ പ്രകാരം ഇന്ന് ഒഴിവാക്കിയിട്ടുണ്ട്. എങ്കിലും കൊറോണ വൈറസ് രോഗബാധയ്‌ക്കെതിരെ ജാഗ്രത തുടരുകയാണ്. രോഗബാധിത പ്രദേശങ്ങളില്‍ നിന്നും മടങ്ങിയെത്തിയവര്‍ 19.02.2020 ലെ പരിഷ്‌കരിച്ച മാര്‍ഗ നിര്‍ദേശങ്ങള്‍ പ്രകാരം വീടുകളില്‍ തന്നെ തുടരേണ്ടതും പൊതു ഇടങ്ങള്‍ സന്ദര്‍ശിക്കുന്നത് ഒഴിവാക്കണമെന്നും ആരോഗ്യമന്ത്ര ആവശ്യപ്പെട്ടു.


Next Story

Related Stories