TopTop
Begin typing your search above and press return to search.

ശരീരഭാരം: ഓണ്‍ലൈന്‍ പ്രോഗ്രാമുകളുമായി സീ ദ റിയല്‍ യു

ശരീരഭാരം: ഓണ്‍ലൈന്‍ പ്രോഗ്രാമുകളുമായി സീ ദ റിയല്‍ യു

ശരീരഭാരം കുറയ്ക്കുന്നതിന് സഹായകരമെന്ന വാഗ്ദാനവുമായി വിവിധ ഓണ്‍ലൈന്‍ വെയിറ്റ് ലോസ് പ്രോഗ്രാമുകള്‍ അവതരിപ്പിച്ച് സീ ദ റിയല്‍ യു എന്ന ഓണ്‍ലൈന്‍ ഫിറ്റ്നസ് പോര്‍ട്ടല്‍ ആരംഭിച്ചു. പത്ത് ദിവസത്തെ ക്വിക് ഫിക്സ് പ്ലാന്‍, രണ്ട് മാസം നീണ്ടുനില്‍ക്കുന്ന പ്ലാന്‍, മെയിന്റനന്‍സ് പാക്ക്, ടീന്‍ പാക്ക് തുടങ്ങി പ്രസവാനന്തരം ഭാരം കുറയ്ക്കാനും ഡയറ്റ് അടിസ്ഥാനമാക്കിയുള്ള പ്രോഗ്രാമുകളാണ് സീ ദ റിയല്‍ യു ഓണ്‍ലൈനായി നല്‍കുന്നത്. ഈ പ്രോഗ്രാമുകളിലേക്ക് https://seetherealyou.com എന്ന വെബ്സൈറ്റിലൂടെ രജിസ്റ്റര്‍ ചെയ്യാവുന്നതാണ്.

ശരീരഭാരം കുറയ്ക്കുന്നതും ഫിറ്റ്നസ് കാത്തുസൂക്ഷിക്കുന്നതും കുറച്ച് വ്യായാമവും അസന്തുലിതമായ ആഹാരക്രമവും കൊണ്ട് മാത്രം സാധിക്കുന്നതല്ലെന്ന് സീ ദ റിയല്‍ യു സ്ഥാപക സുനിത സറഫ് പറഞ്ഞു. പത്ത് ദിവസം കൊണ്ട് തങ്ങളുടെ ശരീരഭാരം ഒരു ഡ്രസ്സ് സൈസ് കുറയ്ക്കാന്‍ സഹായിക്കുന്നതാണ് സീ ദ റിയല്‍ യു അവതരിപ്പിക്കുന്ന വെയ്റ്റ് ലോസ് പ്രോഗ്രാമുകളെന്നും അവര്‍ പറയുന്നു.

വര്‍ഷം മുമ്പ് തനിക്കുണ്ടായിരുന്ന അമിതഭാരം കുറയ്ക്കാനുള്ള ശ്രമങ്ങളാണ് സുനിതയെ സീ ദ റിയല്‍ യു എന്ന സംരംഭത്തിലേക്ക് നയിച്ചത്. ഭാരം കുറയ്ക്കാനായി വളരെ ലളിതമായ യുക്തി പ്രയോഗിച്ച് നൂതനമായ പാചകക്കൂട്ടുകള്‍ പരീക്ഷിക്കുകയാണ് അവര്‍ ചെയ്തത്. ഇത് വിജയകരമാകുകയും ചെയ്തു. തന്റെ അനുഭവം സുഹൃത്തുക്കളുമായി പങ്കുവെച്ചെങ്കിലും തിരക്കുകള്‍ കാരണം അവര്‍ക്ക് ഈ പാചകവിധികള്‍ തുടര്‍ച്ചയായി പാലിക്കാന്‍ കഴിഞ്ഞില്ല. ഇതിന് പരിഹാരമെന്നോണം സുനിത ഭക്ഷണം പാകം ചെയ്ത് നല്‍കാന്‍ തുടങ്ങിയതോടെ അവരും ശരീരഭാരം കുറയ്ക്കുന്നതില്‍ വിജയിച്ചു. മറ്റ് തിരക്കുകള്‍ മൂലം വീട്ടില്‍ ഡയറ്റ് പ്ലാന്‍ പാലിക്കാനാകാത്ത കൊച്ചിയിലും ബംഗലൂരുവിലുമുള്ള തങ്ങളുടെ ഉപഭോക്താക്കള്‍ക്കായി താമസിയാതെ ഓണ്‍ലൈനായി ഭക്ഷണം എത്തിച്ചു നല്‍കാനും സുനിതയ്ക്ക് പദ്ധതിയുണ്ട്.


Next Story

Related Stories