TopTop
Begin typing your search above and press return to search.

ഹരിയാനയില്‍ ബിജെപി സ്ഥാനാര്‍ത്ഥിയായി ടിക്‌ടോക് ഗ്ലാമര്‍ താരവും

ഹരിയാനയില്‍ ബിജെപി സ്ഥാനാര്‍ത്ഥിയായി ടിക്‌ടോക് ഗ്ലാമര്‍ താരവും

ഹരിയാന അസംബ്ലി തെരഞ്ഞെടുപ്പില്‍ 70 സീറ്റുകളിലെങ്കിലും വിജയിക്കണമെന്നാണ് ബിജെപിയുടെ ലക്ഷ്യം. ഇതിനായി തങ്ങളുടെ പക്ഷത്തിന് ഗ്ലാമര്‍ കൂട്ടുവാനും യുവാക്കളെ ആകര്‍ഷിക്കുവാനുമായി ഒരു ടിക്‌ടോക് താരത്തെയാണ് ബിജെപി രംഗത്തിറക്കുന്നത്. ആകെ 90 സീറ്റുകളാണ് സംസ്ഥാനത്തുള്ളത്. ഇതില്‍ ആദംപൂര്‍ മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥിയായ കുല്‍ദീപ് ബിഷ്ണോയിക്കെതിരെ ടിൿടോക് തരംഗവും ടിവി താരവുമായ സോണാലി സിങ് ബിഷ്ണോയി താമര ചിഹ്നത്തില്‍ മത്സരിക്കും.

കഴിഞ്ഞ തെരഞ്ഞെടുപ്പില്‍ ബിജെപിയുടെ സ്ഥാനാര്‍ത്ഥിക്ക് ഇതേ മണ്‍ലത്തില്‍ വെറും 6.9 ശതമാനം വോട്ട് മാത്രമാണ് നേടാന്‍ കഴിഞ്ഞിരുന്നത്. കോണ്‍ഗ്രസ് സ്ഥാനാര്‍ത്ഥിയായിരുന്നത് കുല്‍ദീപ് ബിഷ്ണോയ് തന്നെയായിരുന്നു. ഇദ്ദേഹം 47.1 ശതമാനം വോട്ട് നേടുകയുണ്ടായി. ഇതിന് തന്ത്രപൂര്‍വ്വം തുളയിടുകയാണ് ബിജെപി ലക്ഷ്യം വെക്കുന്നത്.

ബിഷ്ണോയ് ഹരിയാന ജന്‍ഹിത് കോണ്‍ഗ്രസ് എന്ന പാര്‍ട്ടിയിലാണ് അന്ന് മത്സരിച്ചത്. ഈ പാര്‍ട്ടി 2016ല്‍ കോണ്‍ഗ്രസ്സുമായി ലയിക്കുകയുണ്ടായി. ബിഷ്ണോയി കഴിഞ്ഞതവണ മത്സരിച്ചപ്പോള്‍ എതിരാളികളില്‍ കോണ്‍ഗ്രസ് സ്ഥാനാര്‍ത്ഥിയുമുണ്ടായിരുന്നു. അന്ന് 8.47 ശതമാനം വോട്ടാണ് കോണ്‍ഗ്രസ് സ്ഥാനാര്‍ത്ഥി നേടിയത്. ഈ കണക്കുകള്‍ പ്രകാരം കോണ്‍ഗ്രസ്സിന് എളുപ്പത്തില്‍ ജയിക്കാവുന്ന മണ്ഡലമാണ് ആദംപൂര്‍.

ഒരു നടിയാകാന്‍ കൊതിച്ചാണ് സോണാലി തന്റെ ടെലിവിഷന്‍ കരിയര്‍ തുടങ്ങുന്നത്. ദൂരദര്‍ശനില്‍ അവതാരകയായി കുറെക്കാലം ജോലി ചെയ്തു. പിന്നീട് സീ ടിവിയിലെ അമ്മ സീരിയലിലൂടെ പ്രശസ്തി നേടി. ഇന്ത്യ പാക് വിഭജനമായിരുന്നു സീരിയലിന്റെ വിഷയം.

സോഷ്യല്‍ മീഡിയയിലും ഇവര്‍ താരമാണ്. ടിക്ടോക്കിലൂടെയാണ് സോണാലി കൂടുതല്‍ ജനപ്രീതി നേടിയത്. ബിജെപിയുടെ മഹിളാ മോര്‍ച്ച ദേശീയ വൈസ് പ്രസിഡണ്ട് കൂടിയാണിവര്‍. ബിജെപി ദേശീയ എക്സിക്യുട്ടീവ് കമ്മറ്റിയിലും അംഗമാണ്.

Next Story

Related Stories