TopTop
Begin typing your search above and press return to search.

വട്ടിയൂര്‍കാവില്‍ കുമ്മനം തന്നെ, നാളെ മുതല്‍ പ്രചാരണത്തിന്?

വട്ടിയൂര്‍കാവില്‍ കുമ്മനം തന്നെ, നാളെ മുതല്‍ പ്രചാരണത്തിന്?

ഉപതിരഞ്ഞെടുപ്പ് നടക്കാനിരിക്കുന്ന വട്ടിയൂര്‍ക്കാവ് നിയമസഭാ മണ്ഡലത്തില്‍ ബിജെപി സ്ഥാനാര്‍ത്ഥിയായി മുന്‍ പാര്‍ട്ടി അധ്യക്ഷന്‍ കുമ്മനം രാജശേഖരനെ ഉറപ്പിച്ചതായി റിപ്പോര്‍ട്ടുകള്‍. നേരത്തെ സമ്മതമല്ലെന്ന അറിയിച്ചിരുന്ന അദ്ദേഹം ഇപ്പോള്‍ സമ്മതം തയ്യാറാണെന്ന് വ്യക്തമാക്കിയതായാണ് പുതിയ വിവരം.

മുതിര്‍ന്ന പാര്‍ട്ടി നേതാവും എംഎല്‍എയുമായി ഒ രാജഗോപാലാണ് ഇത് സംബന്ധിച്ച്‌ പ്രതികരിച്ചത്. നാളെ മുതല്‍ കുമ്മനം മണ്ഡലത്തില്‍ പ്രചാരണത്തിന് ഇറങ്ങുമെന്ന സൂചനയും അദ്ദേഹം നല്‍കുന്നു. നേരത്തെ വലിയ പ്രതിക്ഷകളുമായി ലോക്സഭാ തിരഞ്ഞെടുപ്പില്‍ തിരുവനന്തപുരം മണ്ഡലത്തില്‍ മല്‍സരത്തിന് ഇറങ്ങിയ കുമ്മനം വലിയ തിരിച്ചടി ഏറ്റുവാങ്ങിയിരുന്നു. ഇതോടെയാണ് ഉപതിരഞ്ഞെടുപ്പില്‍ മല്‍സരിക്കാന്‍ അദ്ദേഹം താല്‍പര്യമറിയിക്കാതിരുന്നത്. എന്നാല്‍ കുമ്മനം തന്നെ മത്സരിക്കണമെന്നായിരുന്നു ജില്ലാ കമ്മിറ്റിയുടെ ആഗ്രഹം. കഴിഞ്ഞ നിയമസഭാ തെരഞ്ഞെടുപ്പിലും ലോക്സഭ തെരഞ്ഞെടുപ്പിലും മികച്ച മത്സരം കാഴ്ച വച്ചതും. സ്ഥാനാര്‍ഥിയെന്ന നിലയില്‍ ലഭിക്കുന്ന സ്വീകാര്യതയുമാണ് കുമ്മനത്തിന് മേല്‍ലുള്ള സമ്മര്‍ദ്ദം.

കുമ്മനം മത്സരിക്കുമെന്ന് ഏകദേശം ഉറപ്പായതോടെ വട്ടിയൂര്‍ക്കാവില്‍ ഇത്തവണയും പോരാട്ടം കനക്കുമെന്ന് വ്യക്തമാവുകാണ്. കെ മോഹന്‍ കുമാറാണ് വട്ടിയൂര്‍ക്കാവിലെ കോണ്‍ഗ്രസ് സ്ഥാനാര്‍ത്ഥി. തിരുവനന്തപുരം മേയര്‍ വി കെ പ്രശാന്താണ് ഇടത് സ്ഥാനാര്‍ത്ഥി. ഇക്കുറിയും ശക്തമായ ത്രികോണ മത്സരമായിരിക്കും വട്ടിയൂര്‍ക്കാവില്‍.

അതേസമയം, വട്ടിയൂര്‍കാവിനെ തിരഞ്ഞെടുപ്പ് നടക്കുന്ന മറ്റ് മണ്ഡലങ്ങളിലെയും സ്ഥാനാര്‍ത്ഥികളെ സംബന്ധിച്ച്‌ ധാരണയായെന്നാണ് പുതിയ റിപ്പോര്‍ട്ടുകള്‍. പുറമെ കെ.സുരേന്ദ്രന്‍ കോന്നിയിലും യുവമോര്‍ച്ചാ നേതാവ് പ്രകാശ് ബാബു അരൂരിലെ സ്ഥാനാര്‍ഥികളാവുമെന്നാണ് റിപ്പോര്‍ട്ടുകള്‍. എറണാകുളത്ത് രാജഗോപാലും മഞ്ചേശ്വരത്ത് സതീശ് ചന്ദ്ര ഭണ്ഡാരിയും മത്സരിക്കും. ഉപതിരഞ്ഞെടുപ്പിലെ സ്ഥാനാര്‍ത്ഥികളെ കേന്ദ്ര തെരഞ്ഞെടുപ്പ് സമിതി ഡല്‍ഹിയില്‍ യോഗം ചേര്‍ന്ന് ഔദ്യോഗികമായി പ്രഖ്യാപിക്കുമെന്നാണ് വിവരം.

അതിനിടെ, അഞ്ച് നിയമസഭാ മണ്ഡലങ്ങളിലേക്കുള്ള യുഡിഎഫ് സ്ഥാനാര്‍ത്ഥിപ്പട്ടിക ഔദ്യോഗികമായി പ്രഖ്യാപിച്ചു. അരൂരില്‍ അഡ്വ. ഷാനിമോള്‍ ഉസ്മാനും, അരൂരില്‍ പി മോഹന്‍രാജും, വട്ടിയൂര്‍ക്കാവില്‍ മുന്‍ എംഎല്‍എയും മനുഷ്യാവകാശ കമ്മീഷന്‍ അംഗവുമായ ഡോ. കെ മോഹന്‍കുമാറും എറണാകുളത്ത് മുന്‍ ഡെപ്യൂട്ടി സ്പീക്കര്‍ ടി ജെ വിനോജുമാണ് സ്ഥാനാര്‍ത്ഥികള്‍. മഞ്ചേശ്വരത്ത് എം സി ഖമറുദ്ദീനെ നേരത്തെ തന്നെ ലീഗ് സ്ഥാനാര്‍ത്ഥിയായി പ്രഖ്യാപിച്ചിരുന്നു.


Next Story

Related Stories