Top

ശബരിമല വിമാനത്താവളം വിവാദമായ ചെറുവള്ളി എസ്റ്റേറ്റില്‍ തന്നെ, ഭൂമി ഏറ്റെടുക്കാൻ സർക്കാർ

ശബരിമല വിമാനത്താവളം വിവാദമായ ചെറുവള്ളി എസ്റ്റേറ്റില്‍ തന്നെ, ഭൂമി ഏറ്റെടുക്കാൻ സർക്കാർ

ശബരിമലയയയ്ക്ക് സമീപം സംസ്ഥാനത്തെ അഞ്ചാമത്തെ വിമാനത്താവളം എന്ന ലക്ഷ്യവുമായി സർക്കാര്‍ മുന്നോട്ട്. ഇതിനായി നേരത്തെ തന്നെ കണ്ടുവച്ചിരുന്ന എരുമേലിക്കടുത്തുള്ള ചെറുവള്ളി എസ്റ്റേറ്റ് ഭൂമി ഏറ്റെടുക്കാനുള്ള നടപടികളിലേക്ക് കടക്കുകയാണ് സർക്കാർ. വിമാനത്താവളത്തിനായി 2013 ലെ കേന്ദ്ര ഭൂമി ഏറ്റെടുക്കൽ (ലാൻഡ് അക്വിസിഷൻ, റീഹാബിലിറ്റേഷൻ ആൻഡ് റീസെറ്റിൽമെന്റ്) നിയമപ്രകാരം ഭൂമി ഏറ്റെടുക്കാമെന്നു റവന്യു വകുപ്പ് വ്യോമയാന ചുമതലയുള്ള ഗതാഗത വകുപ്പിനു റിപ്പോർട്ട് നൽകിയെന്ന് മാതൃഭൂമി റിപ്പോർട്ട് പറയുന്നു.

ഭൂമിയുടെ ഉടമസ്ഥാവകാശം വിഷയത്തിൽ നിലവിൽ ഹൈക്കോടതിയിൽ കേസ് നിലനിൽക്കുന്നുണ്ട്. അതിനാൽ ഭൂമിയുടെ വില കോടതിയിൽ മുൻകൂർ കെട്ടിവച്ച് ഏറ്റെടുക്കൽ നടപടി ആരംഭിക്കാനാണ് സർക്കാർ നീക്കം. ബുധനാഴ്ച മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന യോഗത്തിൽ ഇക്കാര്യം ചർച്ച ചെയ്തു. റവന്യൂ വകുപ്പ് മന്ത്രി ഇ ചന്ദ്രശേഖരനും റവന്യൂ സെക്രട്ടറിയും അടക്കമുള്ള ഉന്നത ഉദ്യോഗസ്ഥരും യോഗത്തില്‍ പങ്കെടുത്തു. നടപടികള്‍ വേഗത്തിലാക്കണമെന്നും ഉദ്യോഗസ്ഥര്‍ക്ക് മുഖ്യമന്ത്രി നിര്‍ദേശം നല്‍കിയിട്ടുണ്ട്. വിഷയത്തിൽ സർക്കാരിന്റെ അന്തിമതീരുമാനം ഉടൻ ഉണ്ടാകുമെന്നാണ് വിവരം.
പദ്ധതി ഏകോപനത്തിന് സ്പെഷൽ ഓഫിസറെ നിയമിക്കാൻ നേരത്തെ സർക്കാർ തീരുമാനിച്ചിരുന്നു. മുൻ കേന്ദ്ര വ്യോമയാന സെക്രട്ടറി എം.മാധവൻ നമ്പ്യാർ അധ്യക്ഷനായി സേർച് കമ്മിറ്റിയും ഇതിനായി രൂപീകരിച്ചു. ബിലീവേഴ്സ് ഈസ്റ്റേൺ ചർച്ച് കൗൺസിലിന്റെ കീഴിൽ വരുന്നതാണ് 2,262 ഏക്കർ വരുന്ന നിർദ്ദിഷ്ട എസ്റ്റേറ്റ്. എന്നാല്‍ വിമാനത്താവളവുമായി ബന്ധപ്പെട്ടു സർക്കാർ ഇതുവരെ ഔദ്യോഗിക ചർച്ചകളൊന്നും നടത്തിയിട്ടില്ലെന്നാണു ചർച്ചിന്റെ നിലപാട്.
കോട്ടയം ജില്ലയിൽ എരുമേലിക്ക് സമീപം ശബരിമല തീർത്ഥാടകർക്കു പ്രയോജനം ലഭിക്കുന്നരീതിയിൽ വിമാനത്താവളം എന്നതാണ് പദ്ധതിയുടെ ലക്ഷ്യം. ചെറുവള്ളി എസ്റ്റേറ്റിൽ വിമാനത്താവളം നിർമ്മിക്കാനുള്ള അനുമതി സംസ്ഥാന സർക്കാർ 2017 ജൂൺ 19 ന് തന്നെ നൽകിയിട്ടുണ്ട്. ടേബിൾ ടോപ്പ് പീഠഭൂമി വിമാനത്താവളം നിർമ്മിക്കുക എന്നതാണ് . ഈ പ്രദേശത്തെ ഉറച്ച മണ്ണും ഭൂപ്രകൃതിപരമായ അനുകൂല ഘടകങ്ങളും വിമാനത്താവളത്തിന് കുറഞ്ഞ മൂലധനവും പരിപാലനച്ചെലവും മതിയാകുമെന്നു വിലയിരുത്തത്തലാണ് ചെറുവള്ളി എസ്റ്റേറ്റിനെ ഇതിനായി പരിഗണിക്കുന്നതെന്നാണ് റിപ്പോർട്ടുകൾ.
നിർദ്ദിഷ്ട വിമാനത്താവള പരിസരത്തുനിന്ന് ഏകദേശം 48 കി മീ അകലെയാണ് ശബരിമല ക്ഷേത്രം. കമ്മീഷൻ ചെയ്തു കഴിഞ്ഞാൽ തിരുവനന്തപുരം അന്താരാഷ്ട്ര വിമാനത്താവളം, കോഴിക്കോട് അന്താരാഷ്ട്ര വിമാനത്താവളം, കൊച്ചി അന്താരാഷ്ട്ര വിമാനത്താവളം, കണ്ണൂർ അന്താരാഷ്ട്ര വിമാനത്താവളം എന്നിവയ്ക്കു ശേഷം കേരള സംസ്ഥാനതത്തെ അഞ്ചാമത്തെ അന്താരാഷ്ട്ര വിമാനത്താവളമായിരിക്കും ഇത്. ചെറുവള്ളി എസ്റ്റേറ്റിനെ സംബന്ധിച്ച ഉടമസ്ഥാവകാശ തർക്കം തർക്കത്തിൽ കേരള സർക്കാരിന് അനുകൂലമായിട്ടുള്ള ഒരു കോടതി വിധി ഉണ്ടായാൽ വിമാനത്താവള നിർമ്മാണം കൂടുതൽ വേഗം കൈവരിക്കുമെന്നും റിപ്പോർട്ടുകൾ പറയുന്നു.




Next Story

Related Stories