TopTop
Begin typing your search above and press return to search.

പട്ടികജാതി - പട്ടിക വര്‍ഗ സംവരണം: ക്രീമി ലെയറിനെ ഒഴിവാക്കിയ സുപ്രീം കോടതി വിധിയിലെ പുന:പരിശോധന ഹര്‍ജി ഏഴംഗ ബഞ്ചിന്

പട്ടികജാതി - പട്ടിക വര്‍ഗ സംവരണം: ക്രീമി ലെയറിനെ ഒഴിവാക്കിയ സുപ്രീം കോടതി വിധിയിലെ പുന:പരിശോധന ഹര്‍ജി ഏഴംഗ ബഞ്ചിന്

ക്രീമി ലെയറിനെ (സാമ്ബത്തികമായ മുന്നോക്കം നില്‍ക്കുന്ന പിന്നോക്കസമുദായക്കാര്‍) പട്ടികജാതി - പട്ടികവര്‍ഗ സംവരണ ആനുകൂല്യങ്ങളില്‍ നിന്ന് ഒഴിവാക്കിയ 2018ലെ സുപ്രീം കോടതി വിധി പുന:പരിശോധിക്കണമെന്ന് ആവശ്യപ്പെട്ട് കേന്ദ്ര സര്‍ക്കാര്‍ നല്‍കിയ ഹര്‍ജി പരിഗിക്കാന്‍ സുപ്രീം കോടതി സമ്മതിച്ചു. ഏഴംഗ ഭരണഘടനാ ബഞ്ച് ഇക്കാര്യം പരിഗണിക്കണമെന്ന് കേന്ദ്ര സര്‍ക്കാരിന് വേണ്ടി ഹാജരായ അറ്റോണി ജനറല്‍ കെ കെ വേണുഗോപാല്‍ ആവശ്യപ്പെട്ടിരുന്നു. രണ്ടാഴ്ചയ്ക്ക് ശേഷമായിരിക്കും കേസ് പരിഗണിക്കുക.

പട്ടികജാതി, പട്ടികവര്‍ഗ സമുദായങ്ങളിലെ സാമ്ബത്തികമായി മുന്നോക്കം നില്‍ക്കുന്നവര്‍ക്ക് വിദ്യാഭ്യാസ, തൊഴില്‍ സംവരണാനുകൂല്യങ്ങള്‍ക്ക് അര്‍ഹതയില്ല എന്നാണ് 2018ല്‍ അഞ്ചംഗ ഭരണഘടനാ ബഞ്ച് വിധിച്ചത്. സര്‍ക്കാര്‍ ജോലികളിലെ സ്ഥാനക്കയറ്റങ്ങളുടെ കാര്യത്തിലും ക്രീമിലെയറിനെ ഒഴിവാക്കണമെന്നാണ് സുപ്രീം കോടതി ഉത്തരവിട്ടത്. 2006ലെ വിധി വിശാല ബഞ്ചിന് വിടാന്‍ സുപ്രീം കോടതി തയ്യാറായിരുന്നില്ല. പട്ടികജാതി. പട്ടിക വര്‍ഗങ്ങളുടെ മതിയായ പ്രാതിനിധ്യത്തില്‍ കുറവുണ്ടെങ്കില്‍ മാത്രം അത് പരിഹരിച്ചാല്‍ മതി, സ്ഥാനക്കയറ്റങ്ങള്‍ക്കായി ഈ വിഭാഗങ്ങളുടെ പിന്നോക്കാവസ്ഥ സംബന്ധിച്ച വിവരശേഖരണം നടത്തേണ്ടതില്ലെന്നും കേന്ദ്ര, സംസ്ഥാന സര്‍ക്കാരുകളോട് സുപ്രീം കോടതി പറഞ്ഞിരുന്നു.


Next Story

Related Stories