'നിയമസഭയ്ക്ക് മേൽ റെസിഡന്റുമാർ ഇല്ലെന്ന് ഓർക്കുക', ഗവർണർക്ക് മുഖ്യമന്ത്രിയുടെ മറുപടി, പ്രതിപക്ഷത്തിനും വിമർ‌ശനം
പൗരത്വ ഭേദഗതി നിയമത്തിനെതിരെ സംസ്ഥാന നിയമസഭ പ്രമേയം പാസാക്കിയ നടപടിക്കെതിരെ രംഗത്തെത്തിയ ഗവർണർക്ക് മറുപടിയുമായി മുഖ്യമന്ത്രി പിണറായി വിജയൻ. മലപ്പുറത്ത് സംഘടിപ്പിച്ച ഭരണഘടന സംരക്ഷണ റാലിയിൽ സംസാരിക്കവെയാണ് ഗവർണർ ആരിഫ് മുഹമ്മദ് ഖാന്റെ നടപടിയെ പേരെടുത്ത് പറയാതെ മുഖ്യമന്ത്രി വിമർശിച്ചത്. സംസ്ഥാന നിയമസഭയ്ക്ക് മേൽ റെസിഡന്റുമാർ ഇല്ലെന്ന് ഓർക്കുന്നത് നല്ലതാണെന്നായിരുന്നു മുഖ്യമന്ത്രിയുടെ പരാമർശം. സർക്കാർ തീരുമാനങ്ങൾക്കെതിരെ തുടർച്ചയായി ഗവർണര്‍ രംഗത്തെത്താൻ ആരംഭിച്ചതിന് പിന്നാലെയാണ് പിണറായിയുടെ പ്രതികരണം.
എന്നാൽ, ഗവർണർക്കെതിരെ പരോക്ഷ വിമർശൻനം ഉന്നയിച്ച മുഖ്യമന്ത്രി യോജിച്ചുള്ള പ്രക്ഷോഭങ്ങളില്‍ നിന്ന് പിന്‍മാറിയ പ്രതിപക്ഷത്തിനെതിരെ രൂക്ഷമായി വിമർശനമാണ് ഉന്നയിച്ചത്. സംസ്ഥാനം സഘടിപ്പിച്ച സത്യഗ്രഹത്തോട് സഹകരിക്കാനുള്ള പ്രതിപക്ഷ നേതാവിന്റെ തീരുമാനം, ഏറെ സന്തോഷം പകരുന്നതായിരുന്നു. എന്നാൽ ചില ഇടുങ്ങിയ ചിന്താഗതിക്കാർ അതിനെതിരെ രംഗത്തെത്തി. പൗരത്വ ഭേദഗതി നിയമത്തിനെതിരെ ഒറ്റയ്ക്ക് ഒറ്റയ്ക്ക് പ്രതിഷേധം നടത്താം. എന്നാൽ കൂട്ടായി പ്രതിഷേധിക്കുന്നതാണ് ഉത്തമം എന്ന് തിരിച്ചറിഞ്ഞായിരുന്നു നീക്കമെന്നും സംയുക്ത സമരത്തിനെതിരെ നിലപാട് എടുത്ത കെപിസിസി അധ്യക്ഷൻ മുല്ലപ്പള്ളി രാമചന്ദ്രനെ ലക്ഷ്യം വച്ച് മുഖ്യന്ത്രി പറഞ്ഞു.
സംയുക്ത സമരത്തിന് ശേഷമുള്ള പ്രവർത്തവനങ്ങൾക്ക് പിന്നീട് തിരിച്ചടിയായത് പ്രതിപക്ഷത്തെ അനൈക്യമായിരുന്നു. പിന്നീട് പലതവണ യോജിച്ച സമരത്തെ കുറിച്ച് ആലോചിക്കാൻ പ്രതിപക്ഷ നേതാവിനെ ബന്ധപ്പെട്ടു. എന്നാൽ പിന്നീട് സഹകരണം ഉണ്ടായില്ല. രാജ്യത്തിന് വേണ്ടി ഒന്നിച്ച് നിൽക്കേണ്ട സമയത്തായിരുന്നു ഈ നിസ്സഹകരണം.
എന്നാൽ, ഇന്നത്തെ സാഹചര്യത്തിൽ ഒന്നിച്ച് നിൽക്കണമെന്ന് തന്നെ താൻ ഇപ്പോഴും അഭ്യർത്ഥിക്കുന്നതെന്നും മുഖ്യമന്ത്രി വ്യക്തമാക്കി. ഒന്നായി നീങ്ങുമ്പോൾ ഒരു വിഭാഗത്തെ മാത്രമേ മാത്രമേ മാറ്റി നിർത്തേണ്ടതുള്ളൂ, അത് തീവ്രവാദികളെയാണ്," എന്നും അദ്ദേഹം വ്യക്തമാക്കി. ഒരു തടങ്കൽ പാളയങ്ങളും കേരളത്തിലുയരില്ലെന്നും അദ്ദേഹം ആവർത്തിച്ചു.
" രാജ്യത്ത് പശുവിന്റെയും ഭക്ഷണത്തിന്റെയും പേരിൽ നടന്ന കൊലക നടപ്പോൾ പോലും ഇവിടെയുള്ള ഭരണ കർത്താക്കൾ അപലപിച്ചില്ല. പൗരത്വ ഭേദഗതി നിയമം കൊണ്ടുവന്നത് മതനിരപേക്ഷത ഇല്ലാതാക്കി മതാധിഷ്ഠിത രാഷ്ട്രം സൃഷ്ടിക്കാനുള്ള ആർഎസ്എസിന്റെ നയം നടപ്പാക്കുന്നതിന്റെ ഭാഗമാണ്. ഹിറ്റ്ലർ ജർമ്മനിയിൽ ചെയ്യുന്നതാണ് ആർഎസ്എസ് ഇവിടെ ചെയ്യുന്നത്. മുസ്ലീമിന്റെ വിവാഹ മോചനകാര്യം മാത്രം ക്രിമിനൽ നിയമത്തിൽ പെടുത്തി മുത്തലാഖ് നിയമം കൊണ്ടുവന്നു. എന്നാൽ മറ്റ് വിവാഹ മോചനങ്ങൾ സിവിൽ നിയമത്തിൽ ഉൾപ്പെടുത്തുകയാണ് ചെയ്തത്. ദേശീയ ജനസംഖ്യ രജിസ്റ്റർ സംസ്ഥാനത്ത് നടപ്പാക്കാൻ ഉദ്ദേശിച്ചിട്ടില്ല പൗരത്വ രജിസ്റ്റർ തയ്യാറാക്കുന്നതിന്റെ മുന്നോടിയുള്ള നടപടിയാണിത്. ആർഎസ്എസിന്റെ നിയമമാണ്. ആർഎസ്എസിന്റെ നിയമം കേരളത്തിൽ നടപ്പിലാക്കാൻ അനുവദിക്കില്ല. ഈ കേരളം മതനിരപേക്ഷതയുടെ കോട്ടയാണ്. ഒരു വർഗീയ ശക്തിക്കും അത് തകർക്കാനാവില്ലെന്നും മുഖ്യമന്ത്രി വ്യക്തമാക്കി.
