TopTop
Begin typing your search above and press return to search.

പഞ്ചവടിപ്പാലവും കുളമായ റോഡുകളും കൂനകൂടിയ മാലിന്യവും എറണാകുളത്തിന്റെ പരമ്ബരാഗത വിജയ ഫോര്‍മുല പൊളിക്കുമോ?

പഞ്ചവടിപ്പാലവും കുളമായ റോഡുകളും കൂനകൂടിയ മാലിന്യവും എറണാകുളത്തിന്റെ പരമ്ബരാഗത വിജയ ഫോര്‍മുല പൊളിക്കുമോ?

വോട്ടെടുപ്പിന് മണിക്കൂറുകള്‍ മാത്രം ബാക്കിയുള്ളൂവെങ്കിലും ഉപതെരഞ്ഞെടുപ്പ് നടക്കുന്ന അഞ്ച് മണ്ഡലങ്ങളില്‍ എറണാകുളത്ത് മറ്റിടങ്ങളേക്കാള്‍ ആവേശം അല്‍പ്പം കുറവാണെന്നു തോന്നും പുറമെ നോക്കുമ്ബോള്‍. നാടിളക്കിയുള്ള വോട്ട് തേടലോ, പ്രചാരണ വാഹനങ്ങളുടെ ബഹളങ്ങളോ അധികമില്ല. പതിവ് തിരക്കില്‍ കുടുങ്ങിയും കുതിച്ചും പാഞ്ഞുകൊണ്ടിരിക്കുന്ന മെട്രോ നഗരം തെരഞ്ഞെടുപ്പ് ചര്‍ച്ചകള്‍ക്കു വേണ്ടി സമയം കളയുന്നുമില്ല. പക്ഷേ, അടിത്തട്ടുകളിലേക്ക് ഇറങ്ങിയാല്‍ മറ്റിടങ്ങളേക്കാള്‍ ശക്തമായ രീതിയില്‍ ജനാധിപത്യ പോരാട്ടം നടക്കുന്നത് എറണാകുളത്ത് തന്നെയാണെന്നു മനസിലാകും. അഞ്ചിടങ്ങളിലും വച്ച്‌ ജനങ്ങളുടെ പ്രതിഷേധവും ചോദ്യം ചെയ്യലും ഏറ്റവും കൂടുതല്‍ പ്രതിഫലിക്കുന്നതും എറണാകുളത്തായിരിക്കും. സംസ്ഥാനത്ത് സമീപകാലത്ത് ചര്‍ച്ച ചെയ്ത വിഷയങ്ങളായ മരട് ഫ്ളാറ്റ് പൊളിക്കലും പാലാരിവട്ടം പാലവുമെല്ലാം എറണാകുളം മണ്ഡലത്തിലെ വോട്ടര്‍മാരെ എങ്ങനെ സ്വാധീനിക്കുമെന്നതാണ് പ്രധാന വിഷയം. ഇത് വോട്ടര്‍മാരെ പൊളിങ്ങ് ബൂത്തിലേക്ക് വരുന്നതില്‍ നിന്നും അകറ്റി നിര്‍ത്തുമോ എന്ന ആശങ്കയും രാഷ്ട്രീയ പാര്‍ട്ടികള്‍ക്കുണ്ട്.

മണ്ഡലത്തിലെ തെരഞ്ഞെടുപ്പ് രാഷ്ട്രീയത്തിന്റെ ചരിത്രവും കണക്കും പരിശോധിച്ചാല്‍ യുഡിഎഫ് സ്ഥാനാര്‍ത്ഥി ടി ജെ വിനോദിന് അനുകൂലമാണ് കാര്യങ്ങള്‍. എറണാകുളം പിന്തുടരുന്നൊരു വിജയ സമവാക്യമുണ്ട്; 'ലത്തീന്‍ കത്തോലിക്കനായ കോണ്‍ഗ്രസ് സ്ഥാനാര്‍ത്ഥി'. ഒന്നോ രണ്ടോ തവണ മാത്രമാണീ ഫോര്‍മുല പരാജയപ്പെട്ടിട്ടുള്ളത്. കോണ്‍ഗ്രസുകാരനല്ലെങ്കിലും എതിര്‍ഭാഗത്തു നില്‍ക്കുന്നയാള്‍ ലത്തീന്‍ കത്തോലിക്കനാണെങ്കില്‍ വോട്ടു കുത്താനും മണ്ഡലം മടിക്കാറില്ല. ഇതറിയാവുന്നതുകൊണ്ടാണ്, പാര്‍ട്ടി സ്ഥാനാര്‍ത്ഥിയെ നിര്‍ത്താതെ സമുദായ സമവാക്യങ്ങളുടെ പൊരുത്തം ചേരുന്ന സ്വതന്ത്രനെ മണ്ഡലത്തില്‍ ഇറക്കാന്‍ സിപിഎം തയ്യാറാകുന്നത്. കഴിഞ്ഞ ലോക്സഭ തെരഞ്ഞെടുപ്പില്‍ പി. രാജീവിനെ നിര്‍ത്തി തികച്ചും രാഷ്ട്രീയമായി ചിന്തിച്ചെങ്കിലും ഉപതെരഞ്ഞെടുപ്പ് വന്നപ്പോള്‍ പതിവു പോലെ ലത്തീന്‍ വിശ്വാസിയായ സ്വതന്ത്രനെ തന്നെ തിരക്കിപ്പിടിക്കേണ്ടി വന്നതിനും കാരണം, എം കെ സാനുവും സെബാസ്റ്റ്യന്‍ പോളും നല്‍കിയ സര്‍പ്രൈസ് വിജയങ്ങളല്ലാതെ പറയാന്‍ മറ്റൊരു നേട്ടവും ഇവിടെ ഇല്ലായെന്നറിഞ്ഞുകൊണ്ടു തന്നെയാണ്.


Next Story

Related Stories