TopTop
Begin typing your search above and press return to search.

നയരൂപീകരണത്തില്‍ ഇടപെടാനാവില്ല, ജാതി നിര്‍ണയം നടത്തുന്നതിലും വൈദഗ്ധ്യമില്ല, കീര്‍ത്താഡ്സ് കൊണ്ട് ആര്‍ക്കാണ് പ്രയോജനം?

നയരൂപീകരണത്തില്‍ ഇടപെടാനാവില്ല, ജാതി നിര്‍ണയം നടത്തുന്നതിലും വൈദഗ്ധ്യമില്ല, കീര്‍ത്താഡ്സ് കൊണ്ട് ആര്‍ക്കാണ് പ്രയോജനം?

പട്ടികജാതി പട്ടികവര്‍ഗ വിഭാഗങ്ങളുടെ ഉന്നമനം ലക്ഷ്യമിട്ട് ഏകദേശം അരനൂറ്റാണ്ട് മുമ്ബ് സ്ഥാപിക്കപ്പെട്ട കിര്‍ത്താഡ്സ് എന്ന സ്ഥാപനം കെടുകാര്യസ്ഥതയുടെ കേന്ദ്രമായി മാറിയെന്നാണ് ഓഡിറ്റ് റിപ്പോര്‍ട്ട്. ഉദ്ദേശ ലക്ഷ്യങ്ങള്‍ നടപ്പിലാക്കപ്പെടുന്നില്ലെന്ന് മാത്രമല്ല, ജാതി നിര്‍ണയം അടക്കമുള്ള കാര്യങ്ങളില്‍ കിര്‍ത്താഡസ് നടത്തുന്ന ഉദ്യോഗസ്ഥമേധാവിത്വപരവും, വൈദഗ്ധ്യവും ഇല്ലാത്ത ഇടപെടലുകള്‍ നിരവധി അര്‍ഹരമായ വിദ്യാര്‍ത്ഥികളുടെ ഉന്നത വിദ്യാഭ്യാസത്തിന് പോലും തടസ്സമാകുന്നുവെന്നാണ് ഓഡിറ്റ് റിപ്പോര്‍ട്ട് സാക്ഷ്യപ്പെടുത്തുന്നത്. ഇതിന് പുറമെയാണ് ആദിവാസി, ദളിത് ക്ഷേമത്തിന്‍റെ പേരില്‍ നടത്തുന്ന, എന്നാല്‍ ആ വിഭാഗങ്ങളുടെ ഉന്നമനത്തെ ഒരു രീതിയിലും സഹായിക്കാത്ത പരിപാടികള്‍ പണം ചെലവഴിക്കാന്‍ വേണ്ടി മാത്രമായി നടത്തുന്നത്. എന്നാല്‍ ഓഡിറ്റ് റിപ്പോര്‍ട്ടിലടക്കം കടുത്ത വിമര്‍ശനങ്ങള്‍ ഉയര്‍ന്നിട്ടും കിര്‍ത്താഡ്സിന്‍്റെ പ്രവര്‍ത്തനങ്ങള്‍ക്ക് ഒരു കുഴപ്പവുമില്ലെന്ന നിലപാടിലാണ് മന്ത്രി എ.കെ ബാലനും കിര്‍ത്താഡ്സ് ഡയറക്ടര്‍ ഡോ. പി പുഗഴേന്തിയും.

പട്ടികജാതി പട്ടികവര്‍ഗ വികസന വകുപ്പിന്റെ ഭാഗമായി പ്രവര്‍ത്തിച്ചിരുന്ന കിര്‍താഡ്‌സ് എന്ന സ്ഥാപനത്തെ പ്രത്യേക വകുപ്പായി പ്രഖ്യാപിക്കുന്നത് ചില പ്രത്യേക ഉദ്ദേശലക്ഷ്യങ്ങളോടെയായിരുന്നു. പട്ടിക വിഭാഗങ്ങളുടെ സര്‍വോന്മുഖമായ ഉന്നമനം എന്ന ലക്ഷ്യമായിരുന്നു അത് മുന്നോട്ട് വച്ചത്. ആദ്യം കേന്ദ്ര സര്‍ക്കാരും പിന്നീട് കേന്ദ്ര- സംസ്ഥാന സര്‍ക്കാരുകള്‍ ഒന്നിച്ചും പണം നല്‍കി നിലനിര്‍ത്തുന്ന കിര്‍താഡ്‌സ് സ്ഥാപിക്കപ്പെട്ടിട്ട് 50 വര്‍ഷത്തോടടുക്കുന്നു. എന്നാല്‍ സ്ഥാപിത ലക്ഷ്യം പോലും സാക്ഷാത്കരിക്കുന്നതില്‍ ഈ സ്ഥാപനം അഥവാ വകുപ്പ് പൂര്‍ണ പരാജയമാണ് എന്ന ആക്ഷേപം കാലങ്ങളായി പട്ടിക വിഭാഗ അംഗങ്ങളില്‍ നിന്ന് ഉയരുന്നു. ഈ ആക്ഷേപം ഉറപ്പിക്കുന്നതാണ് 2018-19 വര്‍ഷത്തെ അക്കൗണ്ടന്റ് ജനറല്‍ ഓഡിറ്റ് റിപ്പോര്‍ട്ടും. ഇത് സംബന്ധിച്ച റിപ്പോര്‍ട്ട് അഴിമുഖം പ്രസിദ്ധീകരിച്ചിരുന്നു . കോടികള്‍ അനുവദിക്കപ്പെടുകയും ചെലവഴിക്കുകയും ചെയ്യുന്ന കിര്‍താഡ്‌സ് വകുപ്പ് അമ്ബത് വര്‍ഷത്തിനിടയില്‍ ദളിത് ആദിവാസി സമൂഹങ്ങള്‍ക്ക് എന്താണ് നല്‍കിയത്? 'വട്ടപ്പൂജ്യം' എന്നാണ് ദളിത് ആദിവാസി പ്രവര്‍ത്തകരില്‍ നിന്ന് ലഭിച്ച ഉത്തരം. 17 വര്‍ഷങ്ങള്‍ക്ക് ശേഷം നടന്ന അക്കൗണ്ടന്റ് ജനറല്‍ ഓഡിറ്റ് റിപ്പോര്‍ട്ടില്‍ ചൂണ്ടിക്കാണിക്കുന്നതും പ്രവര്‍ത്തനത്തിലെ പാളിച്ചകളാണ്. എങ്ങനെയാണ് കിര്‍താഡ്‌സിലെ പ്രവര്‍ത്തനങ്ങള്‍, വകുപ്പ് രൂപീകരണത്തിന്റെ ഉദ്ദേശ ലക്ഷ്യങ്ങള്‍ അട്ടിമറിക്കപ്പെട്ടത്?


Next Story

Related Stories