TopTop
Begin typing your search above and press return to search.

മരടിലെ പ്രതിസന്ധികള്‍: പുനരധിവാസത്തിന് ജില്ലാ അധികൃതര്‍ കാണിച്ച ഫാളാറ്റുകളില്‍ ഒഴിവില്ല, വാടക കൂട്ടി ചോദിക്കുന്നു

മരടിലെ പ്രതിസന്ധികള്‍: പുനരധിവാസത്തിന് ജില്ലാ അധികൃതര്‍ കാണിച്ച ഫാളാറ്റുകളില്‍ ഒഴിവില്ല, വാടക കൂട്ടി ചോദിക്കുന്നു

മരടിലെ ഫ്ലാറ്റുടമകളെ പുനരധിവസിപ്പിക്കാനായി ജില്ലാ ഭരണകൂടം നല്‍കിയ വിലാസങ്ങളില്‍ പലതും ഉപയോഗ ശൂന്യം. ഫ്ലാറ്റുകള്‍ പൊളിച്ചു നീക്കുന്നതിന് ദിവസങ്ങള്‍ മാത്രം ശേഷിക്കെ ജില്ലാ ഭരണകൂടം പുനരധിവാസത്തിനായി തയ്യാറാക്കിയ ലിസ്റ്റിലെ വിലാസങ്ങളില്‍ താമസ സൗകര്യം ലഭ്യമല്ല. മറ്റ് ചില വിലാസങ്ങളിലും നമ്ബറുകളിലും ലഭ്യമാവുന്നത് ബ്രോക്കര്‍മാരും ഏജന്റുമാരുമെന്ന് താമസക്കാര്‍ പറയുന്നു. . തീരദേശ പരിപാലന നിയമം ലംഘിച്ച്‌ നിര്‍മ്മിച്ചതിന്റെ പേരില്‍ സുപ്രീം കോടതി പൊളിച്ച്‌ നീക്കാന്‍ ഉത്തരവിട്ട ഫ്ലാറ്റുകളിലെ ഉടമകള്‍ താമസ സൗകര്യം ലഭിക്കുന്നതിനായി നെട്ടോട്ടത്തിലാണ്.വ്യാഴാഴ്ചയ്ക്കകം ഫ്ലാറ്റുകള്‍ ഒഴിയണമെന്ന് റവന്യൂ അധികൃതര്‍ രേഖാമൂലം അറിയിച്ചിരിക്കുകയാണ്. താല്‍ക്കാലികമായി വാടകയ്ക്ക് താമസിക്കാനുള്ള സൗകര്യമുള്ള ഫ്ലാറ്റുകളുടെ ലിസ്റ്റ് ആണ് ജില്ലാ ഭരണകൂടം ഫ്ലാറ്റുടമകള്‍ക്ക് കൈമാറിയത്. എന്നാല്‍ ഈ ഫ്ലാറ്റുകള്‍ അന്വേഷിച്ച്‌ ചെന്നവര്‍ക്ക് നിരാശരായി മടങ്ങേണ്ടി വന്നു. താമസ സൗകര്യം പോലും ഒരുക്കാത്ത ഫ്ലാറ്റുകളും ഇക്കൂട്ടത്തില്‍ ഉള്‍പ്പെട്ടിട്ടുണ്ട് എന്ന് ഫ്ലാറ്റുടമകള്‍ ആരോപിക്കുന്നു.

Next Story

Related Stories