TopTop
Begin typing your search above and press return to search.

ശബരിമല സ്ത്രീപ്രവേശന വിധിയുടെ ഒരു വര്‍ഷം; വിഘടിച്ചുനിന്ന ഹിന്ദു സമൂഹത്തെ ഒന്നിച്ച്‌ നിര്‍ത്താനായെന്ന് ആര്‍എസ്‌എസ്

ശബരിമല സ്ത്രീപ്രവേശന വിധിയുടെ ഒരു വര്‍ഷം; വിഘടിച്ചുനിന്ന ഹിന്ദു സമൂഹത്തെ ഒന്നിച്ച്‌ നിര്‍ത്താനായെന്ന് ആര്‍എസ്‌എസ്

ശബരിമല വിധിക്ക് ശേഷം ആദ്യമെടുത്ത നിലപാട് തിരുത്തിയാണ് ആര്‍എസ്‌എസ് പ്രക്ഷോഭത്തിലേക്ക് നീങ്ങിയത്. കോടതി വിധിയെ സ്വാഗതം ചെയ്യുന്ന സമീപനമായിരുന്നു ആദ്യം ആര്‍എസ്‌എസ് സ്വീകരിച്ചത്. എന്‍എസ്‌എസ് കോടതി വിധിക്കെതിരെ തെരുവിലറങ്ങിയതിന് ശേഷമാണ് അതുവരെയുള്ള നിലപാടുകള്‍ മാറ്റി ആര്‍എസ്‌എസ് തെരുവിലിറങ്ങിയത്. എന്നാല്‍ ആര്‍എസ്‌എസ് തീരുമാനം മാറ്റിയിട്ടില്ലെന്നും സുപ്രീം കോടതി വിധിയെ മാനിക്കുന്നു എന്നാണ് തങ്ങളുടെ പ്രസ്താവനയില്‍ പറഞ്ഞത് എന്നും അതിനര്‍ത്ഥം വിധിയെ സ്വീകരിക്കുന്നന്നോ സ്വാഗതം ചെയ്യുന്നെന്നോ അല്ല എന്നും ആര്‍എസ്‌എസിന്റെ കേരള തലവന്‍ (പ്രാന്ത കാര്യവാഹക്) ഗോപാലന്‍ കുട്ടി മാസ്റ്റര്‍ അഴിമുഖത്തോട് മുമ്ബ് പ്രതികരിച്ചിരുന്നു .

ശബരിമലയില്‍ സ്ത്രീകളെ പ്രവേശിപ്പിക്കാമെന്ന 2018 സെപ്റ്റംബര്‍ 28-ന്റെ സുപ്രീം കോടതി വിധി നടപ്പാക്കാനുള്ള സംസ്ഥാന സര്‍ക്കാര്‍ തീരുമാനത്തെ കലാപങ്ങളും സംഘര്‍ഷങ്ങളും അക്രമങ്ങളുമായി സംഘപരിവാര്‍ സംഘടനകള്‍ നേരിട്ടു. ഇതിനിടെ 78 ഹിന്ദു സംഘടനകകള്‍ ചേര്‍ന്ന് ശബരിമല കര്‍മ്മ സമിതിയും രൂപം കൊണ്ടു. പിന്നീട് കര്‍മ്മ സമിതിയുടെ നേതൃത്വത്തിലായിരുന്നു പ്രതിഷേധങ്ങളും കലാപങ്ങളും. 'വീണുകിട്ടിയ അവസരമായി' ബിജൈപി നേതാക്കളും, 'സംഘത്തിലെ അംഗബലം വര്‍ധിപ്പിക്കാനുള്ള അവസരമായി' ആര്‍എസ്‌എസ് നേതാക്കളും വിശേഷിപ്പിച്ച ശബരിമല യുവതീ പ്രവേശന വിഷയം ലോക്സഭാ തിരഞ്ഞെടുപ്പിലും പ്രതിഫലിക്കും എന്നായിരുന്നു കണക്കുകൂട്ടല്‍. ഇതിനായി പിന്നീട് ആര്‍എസ്‌എസ് നേരിട്ട് തിരഞ്ഞെടുപ്പ് നിയന്ത്രിക്കുകയും ശബരിമല കാമ്ബയിന്‍ ശക്തമാക്കുകയും ചെയ്തു.

എന്നാല്‍ പ്രതീക്ഷിച്ച രാഷ്ട്രീയ നേട്ടം കേരളത്തില്‍ ഉണ്ടായില്ല. ശബരിമല വിഷയം കത്തിച്ച്‌ രാഷ്ട്രീയ മുതലെടുപ്പിന് ഒരുങ്ങിയ സംഘപരിവാര്‍ സംഘടനകള്‍ക്ക് അതിനുള്ള സാധ്യതകള്‍ ചുരുങ്ങി. സുപ്രീം കോടതി വന്ന് ഒരു വര്‍ഷം തികയുന്ന സാഹചര്യത്തില്‍ ശബരിമല യുവതീ പ്രവേശന വിധിയേയും തുടര്‍ന്നുണ്ടായ സംഭവങ്ങളെയും കുറിച്ച്‌ വിശദമാക്കുകയാണ് ആര്‍എസ്‌എസ് പ്രാന്ത കാര്യവാഹക് ഗോപാലന്‍ കുട്ടി മാസ്റ്റര്‍. ഹിന്ദു സമുദായത്തെ ഏകീകരിക്കാന്‍ ശബരിമല സമരത്തിന് കഴിഞ്ഞുവെന്നാണ് അദ്ദേഹം അവകാശപ്പെടുന്നത്.

Next Story

Related Stories