TopTop
Begin typing your search above and press return to search.

ഇതര സംസ്ഥാനങ്ങളില്‍ നിന്ന് ഇന്ന് മടങ്ങിയെത്തിയത് 515 പേര്‍, മലയാളികള്‍ക്ക് നോര്‍ക്ക രജിസ്ട്രേഷന് ഇനിയും അവസരമെന്ന് മുഖ്യമന്ത്രി

ഇതര സംസ്ഥാനങ്ങളില്‍ നിന്ന് ഇന്ന് മടങ്ങിയെത്തിയത് 515 പേര്‍, മലയാളികള്‍ക്ക് നോര്‍ക്ക രജിസ്ട്രേഷന് ഇനിയും അവസരമെന്ന് മുഖ്യമന്ത്രി

ലോക്ക്ഡൗണിനെ തുടര്‍ന്ന് വിവിധ സംസ്ഥാനങ്ങളില്‍ കുടുങ്ങിക്കിടന്നിരുന്ന 515 മലയാളികള്‍ ഇന്ന് കേരളത്തിലേക്ക് തിരിച്ചെത്തി. നാട്ടിലേക്ക് മടങ്ങാനായി ഇതുവരെ 166,263 പേര്‍ നോര്‍ക്കയില്‍ രജിസ്റ്റര്‍ ചെയ്തിട്ടുണ്ടെന്നും മുഖ്യമന്ത്രി അറിയിച്ചു. കോവിഡ് അവലോകന യോഗത്തിന് ശേഷം പതിവ് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

കേരളത്തിലേക്ക് മടങ്ങിവരാന്‍ ഏറ്റവും കൂടുതല്‍ പേര്‍ താല്‍പര്യം പ്രകടിപ്പിച്ചത് കര്‍ണാടക, തമിഴ്നാട്, മഹാരാഷ്ട്ര തുടങ്ങിയ സംസ്ഥാനങ്ങളില്‍ നിന്നുള്ളവരാണ്. ഇത്തരത്തില്‍ മടങ്ങിയെത്താന്‍ താല്‍പര്യമുള്ളവര്‍ക്ക് ഇനിയും നോര്‍ക്ക വഴി രജിസ്റ്റര്‍ ചെയ്യാത്തവര്‍ക്ക് ഇനിയും അവസരമുണ്ടെന്നും മുഖ്യമന്ത്രി വ്യക്തമാക്കി. മലയാളികളുടെ മടങ്ങിവരവ് ഘട്ടംഘട്ടമായി പൂര്‍ത്തിയാക്കുമെന്ന് മുഖ്യമന്ത്രി അറിയിച്ചു.

നോര്‍ക്ക വഴി മുന്‍ഗണനാ അടിസ്ഥാനത്തിലാണ് പാസുകള്‍ നല്‍കുന്നത്. ചെക്ക് പോസ്റ്റില്‍ എത്തുന്ന തീയതി സഹിതം അപേക്ഷിക്കണം. യാത്രതിരിക്കും മുമ്ബ് അനുമതി എടുക്കണം. അതിര്‍ത്തികളില്‍ സ്വന്തംനിലയ്ക്ക് വാഹനം ഏര്‍പ്പാടാക്കണം. വാഹനത്തിന്റെ ഡ്രൈവര്‍മാര്‍ നിരീക്ഷണത്തില്‍ പോകണമെന്നും മുഖ്യമന്ത്രി അറിയിച്ചു.

അതേസമം, കേരളത്തിലെ മുഴുവന്‍ അതിഥി തൊഴിലാളികളെയും തിരിച്ചയക്കുക എന്നത് സര്‍ക്കാറിന്റെ നയമല്ലെന്ന് വ്യക്തമാക്കിയ മുഖ്യമന്ത്രി മൂന്ന് ദിവസത്തിനിടെ 18,618 അതിഥി തൊഴിലാളികള്‍ നാട്ടിലേയ്ക്ക് തിരിച്ചുപോയതായും മുഖ്യമന്ത്രി അറിയിച്ചു.


Next Story

Related Stories