TopTop
Begin typing your search above and press return to search.

മഹാരാഷ്ട്രയില്‍ ബിജെപി നേതാവും കുടുംബാംഗങ്ങളും വെടിയേറ്റു മരിച്ചു

മഹാരാഷ്ട്രയില്‍ ബിജെപി നേതാവും കുടുംബാംഗങ്ങളും വെടിയേറ്റു മരിച്ചു

മഹാരാഷ്ട്രയില്‍ ബിജെപി നേതാവും കുടുംബവും വെടിയേറ്റു മരിച്ചു. ജല്‍ഗാവ് ജില്ലയിലാണ് സംഭവം. കോര്‍പ്പറേഷന്‍ വാര്‍ഡ് മെമ്ബര്‍ കൂടിയായ രവീന്ദ്ര ഖരാതും അദ്ദേഹത്തിന്റെ സഹോദരനും രണ്ട് മക്കളുമാണ് കൊല്ലപ്പെട്ടത്.

ഞായറാഴ്ചയായിരുന്നു സംഭവം. രാത്രിയില്‍ വീട്ടിലേക്കെത്തിയ അക്രമികള്‍ തുരുതുരാ വെടിയുതിര്‍ക്കുകയായിരുന്നു. ഇതിനു ശേഷം സ്ഥലത്തു നിന്നും ഓടിപ്പോയ അക്രമികള്‍ പിന്നീട് പൊലീസ് സ്റ്റേഷനിലെത്തി കീഴടങ്ങി. കൃത്യം ചെയ്യാനുപയോഗിച്ച നാടന്‍ തോക്ക് കണ്ടെടുത്തിട്ടുണ്ട്.

രവീന്ദ്ര ഖരാതിന് 55 വയസ്സായിരുന്നു. ഇദ്ദേഹത്തിന്റെ സഹോദരന്‍ സുനില്‍ (56), മക്കള്‍ പ്രേംസാഗര്‍ (26), രോഹിത് (25) എന്നിവരാണ് കൊല്ലപ്പെട്ട മറ്റുള്ളവര്‍.

കൊലപാതകത്തിന്റെ കാരണം വ്യക്തമല്ല. ബാജര്‍പേട്ട് പൊലീസ് കേസെടുത്തിട്ടുണ്ട്.

Next Story

Related Stories