TopTop
Begin typing your search above and press return to search.

ക്രിമിനൽ കേസ് പ്രതി രാധാകൃഷ്ണനെ സെക്രട്ടറി സ്ഥാനത്തുനിന്ന് നീക്കിയതിൽ പ്രതിഷേധിച്ച് തിരുവനന്തപുരം പ്രസ്‌ക്ലബില്‍ കൂട്ടരാജി

ക്രിമിനൽ കേസ് പ്രതി രാധാകൃഷ്ണനെ സെക്രട്ടറി സ്ഥാനത്തുനിന്ന് നീക്കിയതിൽ പ്രതിഷേധിച്ച് തിരുവനന്തപുരം പ്രസ്‌ക്ലബില്‍ കൂട്ടരാജി

സഹപ്രവർത്തകയായ മാധ്യമ പ്രവർത്തകയാക്കെതിരെ സദാചാര ആക്രമണം നടത്തിയ കേസിൽ അറസ്റ്റിലായ പ്രസ്‌ക്ലബ്ബിൽ സെക്രട്ടറി എം രാധാകൃഷ്ണനെതിരായ നടപടിയുടെ പേരിൽ തിരുവനന്തപുരം പ്രസ്‌ക്ലബ്ബിൽ പൊട്ടിത്തെറി. പ്രസ്ക്ലബ് സെക്രട്ടറിയുടെ താത്കാലിക ജോ. സെക്രട്ടറി പ്രസ് ക്ലബിനെ എല്ലാക്കാലവും തകർക്കാൻ ശ്രമിക്കുന്നവരോടൊപ്പം ചേർന്ന് പ്രവർത്തിക്കുന്നെന്ന് ആരോപിച്ച ഒരുവിഭഗം ഭരണ സമിതിയംഗങ്ങൾ രാജിവച്ചു.

പ്രസ്‌ക്ലബ്ബ് സെക്രട്ടറിയുടെ താത്കാലിക ചുമതല വഹിക്കുന്ന ജോയിന്റ് സെക്രട്ടറി സാബ്ലു തോമസ് സ്വീകരിക്കുന്നത് ഭരണഘടനാ വിരുദ്ധവും ഏകപക്ഷീയവുമായ നടപടിയുമാണ് ചൂണ്ടിക്കാട്ടിയാണ് നടപടി. ഭരണ സമിതിയംഗങ്ങളായ സോണിച്ചൻ പി ജോസഫ്, എം രാധാകൃഷ്ണൻ, എസ് ശ്രീകേഷ്, ഹാരിസ് കുറ്റിപ്പുറം, പി.എം ബിജുകുമാർ, രാജേഷ് ഉള്ളൂർ, ലക്ഷ്മി മോഹൻ, എച്ച്. ഹണി, അജി ബുധന്നൂർ ഉൾപ്പെടെ വലിയൊരു വിഭാഗമാണ് പുറത്തേക്ക് പോവുന്നത്.

പ്രസ് ക്ലബ് സെക്രട്ടറി രാധാകൃഷ്ണനെതിരെ ഉയർന്ന ആരോപണം മാനേജിംഗ് കമ്മിറ്റി ചർച്ച ചെയ്യുകയും സെക്രട്ടറി സ്ഥാനത്ത് നിന്നും രാധാകൃഷ്ണനെ താത്കാലികമായി മാറ്റി നിർത്താൻ തീരുമാനിക്കുകയും ചെയ്തിരുന്നു ഇതിന് പിന്നാലെയാണ് കൂട്ടരാജി.

അംഗങ്ങള്‍ നേരിട്ട് സെക്രട്ടറിയായി തിരഞ്ഞെടുത്ത എം.രാധാകൃഷ്ണനെ നടപടി ക്രമങ്ങൾ പാലിക്കാതെ അംഗത്വത്തില്‍ നിന്ന് സസ്‌പെന്റ് ചെയ്തതായുള്ള സാബ്ലു തോമസിന്റെ പ്രഖ്യാപനം സമൂഹ മാധ്യമങ്ങളിലൂടെയുള്ള പ്രചരണവും തികച്ചും നിയമവിരുദ്ധമാണെന്നും രാജി സമർപ്പിച്ചവർ പത്രക്കുറിപ്പിൽ ആരോപിച്ചു. പ്രസ്‌ക്ലബ്ബിനെ തകര്‍ക്കാനായി കച്ചകെട്ടിയിറങ്ങിയിരിക്കുന്ന ഒരു സംഘം ആളുകളുടെ കൂട്ടാളിയായി നിലവിലെ താൽക്കാലിക സെക്രട്ടറി സാബ്ലൂ തോമസ് മാറിയിരിക്കുകയാണെന്നും അവർ പറയുന്നു.

താത്കാലിക ചുമതല ലഭിച്ച സാബ്ലു തോമസ് പ്രസ് ക്ലബിനെ തകർക്കാൻ ശ്രമിക്കുന്നവരോടൊപ്പം ചേർന്ന്, പ്രസിഡന്റിനെ പോലും അറിയിക്കാതെ മനേജിംഗ് കമ്മിറ്റി തീരുമാനത്തിനു വിരുദ്ധമായി മാനേജിങ് കമ്മിറ്റി യോഗവും ജനറല്‍ ബോഡിയോഗവും വിളിച്ചു ചേര്‍ക്കുകയും. മാനേജിംഗ് കമ്മിറ്റി എടുത്ത തീരുമാനം പുന:പരിശോധിക്കാനോ റദ്ദാക്കാനാ ആ കമ്മിറ്റിക് മാത്രമേ അവകാശമുള്ളു. ഈ സാഹചര്യത്തിൽ സെക്രട്ടറി സ്ഥാനത്ത് നിന്നും രാധാകൃഷ്ണനെ താത്കാലികമായി മാറ്റി നിർത്താനും വനിതാ അംഗങ്ങൾ ഉൾപ്പെട്ട സമിതിയെ അന്വേഷിക്കാനുമുള്ള തീരുമാനം നിലനിൽക്കെ സെക്രട്ടറി സാബ്ലു തോമസിന്റെ നടപടി തെറ്റാണെന്നും ഒരു വിഭാഗം ചൂണ്ടിക്കാട്ടുന്നു.

ദിവസങ്ങൾക്ക് മുൻപാണ് മാധ്യമപ്രവര്‍ത്തകയുടെ വീട്ടില്‍ കയറി എം രധാകൃഷ്ണന്‍ സദാചാരാക്രമണം നടത്തിയത്. എന്തിനാണ് മാധ്യമപ്രവര്‍ത്തകയുടെ ആണ്‍സുഹൃത്ത് വീട്ടില്‍ വരുന്നത് എന്ന് ചോദിച്ച് ഇയാള്‍ മോശമായി സംസാരിക്കുകയായിരുന്നെന്നാണ് പേട്ട പോലീസിൽ നൽകിയ പരാതിയിലെ ആരോപണം. എന്നാൽ സംഭവത്തില്‍ മാധ്യമപ്രവര്‍ത്തകയും ഭര്‍ത്താവും പൊലീസില്‍ പരാതി നല്‍കിയതിന് ശേഷവും രാധാകൃഷ്ണന്‍ പരാതിക്കാരിയെ അവഹേളിച്ച് പ്രസ് ക്ലബ്ബ് അംഗങ്ങള്‍ക്ക് മെയില്‍ അയച്ചതായും ആരോപണമുണ്ട്. ഈ വിവാദങ്ങളേത്തുടര്‍ന്ന് പത്രപ്രവര്‍ത്തക യൂണിയന്‍ ജില്ലാ കമ്മിറ്റി രാധാകൃഷ്ണനെ അന്വേഷണവിധേയമായി സസ്‌പെന്‍ഡ് ചെയ്തിരുന്നു. സെക്രട്ടറി സ്ഥാനത്തുനിന്ന് രാജിവെക്കണമെന്ന് ആവശ്യപ്പെട്ട് വനിത മാധ്യമ പ്രവര്‍ത്തകര്‍ പ്രതിഷേധം നടത്തിയിരുന്നു.

ഞങ്ങള്‍ രാജി വെക്കുന്നു

തിരുവനന്തപുരം പ്രസ്‌ക്ലബ്ബ് സെക്രട്ടറിയുടെ താത്കാലിക ചുമതല വഹിക്കുന്ന ജോയിന്റ് സെക്രട്ടറി സാബ്ലു തോമസിന്റെ ഭരണഘടനാ വിരുദ്ധവും ഏകപക്ഷീയവുമായ നടപടികളില്‍ പ്രതിഷേധിച്ച് ഭരണ സമിതിയംഗങ്ങളായ സോണിച്ചൻ P ജോസഫ്, എം.രാധാകൃഷ്ണൻ, എസ്. ശ്രീകേഷ്, ഹാരിസ് കുറ്റിപ്പുറം, പി.എം ബിജുകുമാർ, രാജേഷ് ഉള്ളൂർ, ലക്ഷ്മി മോഹൻ, എച്ച്. ഹണി, അജി ബുധന്നൂർ ഉൾപ്പെടെ ഞങ്ങള്‍ ഒന്നടങ്കം രാജി വെക്കുന്നു.

പ്രസ് ക്ലബ് സെക്രട്ടറി രാധാകൃഷ്ണനെതിരെ ഉയർന്ന ആരോപണം കഴിഞ്ഞ വ്യാഴാഴ്ച ചേർന്ന മാനേജിംഗ് കമ്മിറ്റി ചർച്ച ചെയ്യുകയും സെക്രട്ടറി സ്ഥാനത്ത് നിന്നും രാധാകൃഷ്ണനെ താത്കാലികമായി മാറ്റി നിർത്താൻ തീരുമാനിക്കുകയും ചെയ്തു.. ഇതോടൊപ്പം അംഗങ്ങൾ തന്ന പരാതി വനിതാ അംഗങ്ങൾ ഉൾപ്പെട്ട സമിതിയെ അന്വേഷിക്കാനും തീരുമാനിച്ചു. സമിതി 10 ദിവസത്തിനുള്ളിൽ അന്വേഷിച്ച് റിപ്പോർട്ട് നൽകാനായിരുന്നു തിരുമാനം. ഇതോടൊപ്പം 22 ന് പൊതുയോഗം കൂടാനും തീരുമാനിച്ചിരുന്നു. സെക്രട്ടറിയുടെ താത്കാലിക ചുമതല ജോയിൻറ് സെക്രട്ടറിയായ സാബ്ലു തോമസിന് നൽകാനും യോഗം തീരുമാനിച്ചു. സാബ്ലുവും കൂടി പങ്കെടുത്ത യോഗത്തിലായിരുന്നു ഈ തീരുമാനങ്ങളെടുത്തത്.

താത്കാലിക ചുമതല ലഭിച്ച സാബ്ലു തോമസ് പ്രസ് ക്ലബിനെ എല്ലാക്കാലവും തകർക്കാൻ ശ്രമിക്കുന്നവരോടൊപ്പം ചേർന്ന്, പ്രസിഡന്റ് സോണിച്ചന്‍ പി.ജോസഫിനെ പോലും അറിയിക്കാതെ മനേജിംഗ് കമ്മിറ്റി തീരുമാനത്തിനു വിരുദ്ധമായി മാനേജിങ് കമ്മിറ്റി യോഗവും ജനറല്‍ ബോഡിയോഗവും വിളിച്ചു ചേര്‍ക്കുന്നതായി അറിയിപ്പ് നൽകി. ഒരു മാനേജിംഗ് കമ്മിറ്റി എടുത്ത തീരുമാനം പുന:പരിശോധിക്കാനോ റദ്ദാക്കാനാ ആ കമ്മിറ്റിക് മാത്രമേ അവകാശമുള്ളു. സാബ്ലൂ തോമസിന്റെ നടപടി പ്രസ്‌ക്ലബ്ബ് ഭരണഘടനയ്ക്ക് വിരുദ്ധമാണ്.

അംഗങ്ങള്‍ നേരിട്ട് സെക്രട്ടറിയായി തിരഞ്ഞെടുത്ത എം.രാധാകൃഷ്ണനെ നടപടി ക്രമങ്ങൾ പാലിക്കാതെ അംഗത്വത്തില്‍ നിന്ന് സസ്‌പെന്റ് ചെയ്തതായുള്ള സാബ്ലു തോമസിന്റെ പ്രഖ്യാപനവും സമൂഹ മാധ്യമങ്ങളിലൂടെയുള്ള പ്രചരണവും തികച്ചും നിയമവിരുദ്ധമാണ്. പ്രസ്‌ക്ലബ്ബിനെ തകര്‍ക്കാനായി കച്ചകെട്ടിയിറങ്ങിയിരിക്കുന്ന ഒരു സംഘം ആളുകളുടെ കൂട്ടാളിയായി സാബ്ലൂ തോമസ് മാറിയിരിക്കുകയാണ്. താത്കാലിക സെക്രട്ടറി സ്ഥാനത്ത് ഇരുന്ന് കൊണ്ട് സാബ്ലു ഇനിയും പല തരത്തിലുള്ള നിയമവിരുദ്ധ പ്രവർത്തനങ്ങളും നടത്തുമെന്ന് ഞങ്ങൾ ഭയപ്പെടുന്നു. സാബ്ലു ചെയ്യുന്ന എല്ലാ തെറ്റുകളും ഭരണ സമിതി എന്ന നിലയിൽ കൂട്ട് ഉത്തരവാദിത്തമാണ്. ക്ലബിൻ്റെ ലെറ്റർ ഹെഡും സീലും ഉപയോഗിച്ച് പല കാര്യങ്ങളും ചെയ്യുമെന്ന് ഞങ്ങൾ സംശയിക്കുന്നു. ഈ സാഹചര്യത്തിലാണ് ഞങ്ങൾ രാജി വയ്ക്കുന്നത്. സാബ്ലുവിൻ്റെ നടപടികള്‍ പ്രസ്‌ക്ലബ്ബിന്റെ മുഴുവന്‍ അംഗങ്ങളും വിലയിരുത്തണമെന്ന് അഭ്യര്‍ത്ഥിക്കുന്നു. കഴിഞ്ഞ ചെറിയ കാലയളവില്‍ ഞങ്ങള്‍ ചെയ്ത സേവനങ്ങള്‍ക്ക്, ബഹുമാനപ്പെട്ട അംഗങ്ങള്‍ നല്‍കിയ അകമഴിഞ്ഞ സഹായ സഹകരണങ്ങള്‍ക്ക് നന്ദി രേഖപ്പെടുത്തുന്നു.

1. സോണിച്ചന്‍ പി. ജോസഫ് (പ്രസിഡന്റ്)

2. എം.രാധാകൃഷ്ണൻ (സെക്രട്ടറി)

3. ഹാരിസ് കുറ്റിപ്പുറം (വൈസ് പ്രസിഡന്റ്)

4. എസ്.ശ്രീകേഷ് (ഖജാന്‍ജി)

5. പി.എം.ബിജുകുമാര്‍ (മാനേജിങ് കമ്മിറ്റിയംഗം)

6.രാജേഷ് ഉള്ളൂര്‍ (മാനേജിങ് കമ്മിറ്റിയംഗം)

7എച്ച്.ഹണി (മാനേജിങ് കമ്മിറ്റിയംഗം)

8 .ലക്ഷ്മീ മോഹന്‍ (മാനേജിങ് കമ്മിറ്റിയംഗം)

9.അജി ബുധനൂര്‍ (വെല്‍ഫെയര്‍ കമ്മിറ്റി കണ്‍വീനര്‍)


Next Story

Related Stories