Top

എംജി സർവകലാശാല മാർക്ക് ദാനം; മന്ത്രി കെടി ജലീല്‍ ഇടപെട്ടതായി അറിയില്ലെന്ന് ഗവർണർ, മന്ത്രിയെ പുറത്താക്കണമെന്ന് ചെന്നിത്തല

എംജി സർവകലാശാല മാർക്ക് ദാനം; മന്ത്രി കെടി ജലീല്‍ ഇടപെട്ടതായി അറിയില്ലെന്ന് ഗവർണർ, മന്ത്രിയെ പുറത്താക്കണമെന്ന് ചെന്നിത്തല

എംജി സർവകലാശാല മാർക്ക് ദാനത്തിൽ ഉന്നത വിദ്യാഭ്യാസ മന്ത്രി കെടി ജലീലിന് പങ്കില്ലെന്ന സൂചനയുമായി ഗവർണർ ആരിഫ് മുഹമ്മദ് ഖാൻ. മാർക്ക് ദാനം ആവശ്യപ്പെട്ട് മന്ത്രിയോ സെക്രട്ടറിയോ കത്ത് നൽകിയെന്നുള്ള ആരോപണത്തെ കുറിച്ച് തനിക്ക് അറിയില്ലെന്നും അദ്ദേഹം വ്യക്തമാക്കുന്നു. സംസ്ഥാനത്തെ സർവകലാശാലകളുമായി ബന്ധപ്പെട്ട് ഉയർന്ന ആരോപണങ്ങളിൽ താക്കീത് നൽകിയതായി വ്യക്തമാക്കി മാധ്യമങ്ങളെ കാണവെയാണ് കെടി ജലീലുമായി ബന്ധപ്പെട്ട ഗവർണറുടെ പ്രതികരണം. മാര്‍ക്ക് ദാനം സംബന്ധിച്ച തീരുമാനം എടുക്കേണ്ടത് സിൻഡിക്കേറ്റ് ആണെന്നും അദ്ദേഹം വ്യക്തമാക്കുന്നു,

അതേസമയം, സർവകലാശാലകളുമായി ബന്ധപ്പെട്ട ഗവര്‍ണരുടെ പ്രതികരണത്തിന്റെ പശ്ചാത്തലത്തിൽ ഉന്നത വിദ്യാഭ്യാസ മന്ത്രി കെ ടി ജലീൽ രാജിവയ്ക്കണമെന്ന് പ്രതിപക്ഷ നേതാവ് ആവശ്യപ്പെട്ടു. ഉന്നത വിദ്യാഭ്യാസ മന്ത്രി രാജിവയ്ക്കാൻ തയ്യാറായില്ലെങ്കിൽ മുഖ്യമന്ത്രി ഇടപെട്ട് രാജി വാങ്ങണമെന്നും പ്രതിപക്ഷ നേതാവ് ആവശ്യപ്പെട്ടു.

എം ജി സർവകലാശാലയിലെ ഉത്തര കടലാസ് സിൻഡിക്കേറ്റ് അംഗം കൈക്കലാക്കിയ സംഭവത്തിൽ തെറ്റ് സമ്മതിച്ച് ഗവർണർക്ക് വൈസ് ചാൻസിലറുടെ വിശദീകരണം നൽകിയതിന് പിന്നാലെയാണ് സർവകാലാശാലകൾക്ക് താക്കീതുമായി ഗവർണർ രംഗത്ത് എത്തിയത്. അധികാര പരിധിക്ക് പുറത്തുള്ള കാര്യമാണ് സർവകലാശാല ചെയ്തതത്. തെറ്റ് തിരിച്ചറിഞ്ഞ് സർവകലാശാല അത് തിരുത്തിയെന്നും ഗവർണർ വ്യക്തമാക്കുന്നു. എന്നാൽ സംസ്ഥാനത്തിന്റെ വിദ്യാഭ്യാസ പാരമ്പര്യത്തെ തകർക്കുന്ന നടപടി ഉണ്ടാകരുത് എന്നും അദ്ദേഹം ആവശ്യപ്പെട്ടു.

വിദ്യാഭ്യാസ പാരമ്പര്യത്തെ തകർക്കുന്ന നടപടികൾ ഉണ്ടാവരുതെന്നും അദ്ദേഹം ആവശ്യപ്പെട്ടു. കേരളത്തിന്റെ പാരമ്പര്യത്തിൽ‌ വെള്ളം ചേർക്കരുതെന്നും ആവശ്യപ്പെട്ട ഗവർണർ. തീരുമാനങ്ങൾ വ്യക്തമാക്കാൻ ഈ മാസം 16 ന് വൈസ് ചാൻസലർമാരുടെ യോഗം വിളിക്കും. പ്രശ്നങ്ങൾ എല്ലാം ഈ യോഗത്തിൽ ചർച്ചചെയ്യുമെന്നും ഗവർണർ വ്യക്തമാക്കി.

കഴിഞ്ഞ ദിവസമാണ് സിന്‍ഡിക്കേറ്റംഗം എംജി സര്‍വകലാശാലയില്‍ ഉത്തരക്കടലാസുകള്‍ കൈക്കലാക്കിയ സംഭവത്തില്‍ കുറ്റം സമ്മതവുമായി വൈസ്‍ ചാന്‍സലര്‍ രംഗത്തെത്തിയത്. യുണിവേഴ്സിറ്റി ചാൻസലർ കൂടിയായ സംസ്ഥാന ഗവർണർക്ക് നൽകിയ വിശദീകരണത്തിലാണ് ഇക്കാര്യം വ്യക്തമാക്കുന്നത്. ഇനിമേല്‍ ഇത്തരം സംഭവങ്ങളുണ്ടാകാതിരിക്കാൻ ശ്രദ്ധിക്കുമെന്നാണ് വിശദീകരണത്തിൽ പറയുന്നത്. എന്നാൽ സംഭവം പരീക്ഷയുടെ രഹസ്യ സ്വഭാവത്തെ ബാധിച്ചില്ലെന്നാണ് വൈസ്‍ ചാന്‍സിലർ അവകാശപ്പെട്ടിരുന്നു. വിഷയം ശ്രദ്ധയില്‍പ്പെട്ടപ്പോള്‍ സിൻഡിക്കേറ്റംഗം പ്രഗാഷിനോട് വിവരങ്ങൾ തേടിയിരുന്നു. പരീക്ഷയുടെ രഹസ്യ സ്വഭാവത്തെ ബാധിച്ചിട്ടില്ലെന്നാണായിരുന്നു മറുപടി നല്‍കിയതെന്നും വൈസ് ചാൻസലര്‍ വിശദീകരണത്തില്‍ വ്യക്തമാക്കുന്നു. ഇതിന് പിന്നാലെയാണ് ഗവർണറുടെ പ്രതികരണം.

വിദ്യാർത്ഥികളുടെ ഫാൾസ് നമ്പറടങ്ങിയ ഉത്തരക്കടലാസുകള്‍ നിയമങ്ങളെല്ലാം അവഗണിച്ചാണ് പരീക്ഷാ ചുമതലയുള്ള സിൻഡിക്കേറ്റ് അംഗം ഡോ ആർ പ്രഗാഷിന് നൽകാൻ വൈസ് ചാൻസിലർ ഒപ്പിട്ട് കത്ത് നൽകിയത്. അതീവ രഹസ്യസ്വഭാവത്തേടെ സൂക്ഷിക്കേണ്ട ഉത്തരകടലാസുകളാണ് അനുവദിക്കുന്നതിനായി ഒക്ടോബര്‍ നാലിനാണ് കത്ത് നൽകുന്നത്.

രേഖകളില്ലാതെ എംകോമിന്റെ 12 ഉത്തരക്കടലാസുകളായിരുന്നു സിൻഡിക്കേറ്റ് അംഗം ഡോ ആര്‍ പ്രഗാഷ് ആദ്യം സംഘടിപ്പിച്ചത്. പിന്നീട് വിസിയുടെ കത്തോടെ 31 എണ്ണം കൂടി ആവശ്യപ്പെട്ടു. 54 ഉത്തരക്കടലാസുകളാണ് ഇത്തരത്തിൽ കൈക്കലാക്കിയത്. എന്നാൽ ഡോ. പ്രഗാഷിനെതിരെ ഒരന്വേഷണം പോലും നടത്തിയിരുന്നില്ല. ഇതിനിടെയാണ് സിന്‍ഡിക്കേറ്റ് അംഗം ഡോ പ്രഗാഷിനെ ന്യായീകരിച്ചും പരോക്ഷമായ കുറ്റസമ്മതം നടത്തിയും ഗവര്‍ണര്‍ക്ക് റിപ്പോര്‍ട്ട് സമര്‍പ്പിച്ചത്.


Next Story

Related Stories