UPDATES

ന്യൂസ് അപ്ഡേറ്റ്സ്

ലഷ്‌കര്‍ തലവന്‍ ഹാഫിസ് സയിദിന്റേത് എന്ന് പറയുന്ന ഗുരുഗ്രാമിലെ വില്ല എന്‍ഫോഴ്‌സ്‌മെന്റ് ജപ്തി ചെയ്തു

വില്ല വാങ്ങാന്‍ പണം നല്‍കിയത് പാകിസ്താനില്‍ ഹാഫിസ് സയിദിന്റെ കീഴിലുള്ള ഫലാ ഇ ഇന്‍സാനിയാത് ഫൗണ്ടേഷന്‍ (എഫ് ഐ എഫ്) ട്രസ്റ്റ് ആണ് എന്ന് എന്‍ഫോഴ്‌സ്‌മെന്റ് പറയുന്നു.

ലഷ്‌കര്‍ ഇ തയിബ തലവനും മുംബയ് ഭീകരാക്രമണത്തിന്റെ സൂത്രധാരനെന്ന് ആരോപണവിധേയനുമായ ഹാഫിസ് സയിദിന്റേത് എന്ന് പറയുന്ന ഗുരുഗ്രാമിലെ വില്ല, എന്‍ഫോഴ്‌സ്‌മെന്റ് ഡയറക്ടറേറ്റ് ജപ്തി ചെയ്തു. ദ പ്രിന്റ് ആണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. ഹാഫിസ് സയിദിന്റെ ഫിനാന്‍ഷ്യറെന്ന് ആരോപണവിധേയനായ കാശ്മീരി ബിസിനസുകാരന്‍ സഹൂര്‍ അഹമ്മദ് ഷാ വതാലിയാണ് ഈ വില്ല വാങ്ങിയിരുന്നത്. കഴിഞ്ഞ വര്‍ഷം ആഗസ്റ്റില്‍ എന്‍ഐഎ ഒരു ടെറര്‍ ഫണ്ടിംഗ് കേസില്‍ വതാലിയെ അറസ്റ്റ് ചെയ്തിരുന്നു. ഡല്‍ഹിക്ക് സമീപം ഹരിയാനയിലാണ് ഗുരുഗ്രാം (ഗുഡ് ഗാവ്).

വില്ല വാങ്ങാന്‍ പണം നല്‍കിയത് പാകിസ്താനില്‍ ഹാഫിസ് സയിദിന്റെ കീഴിലുള്ള ഫലാ ഇ ഇന്‍സാനിയാത് ഫൗണ്ടേഷന്‍ (എഫ് ഐ എഫ്) ട്രസ്റ്റ് ആണ് എന്ന് എന്‍ഫോഴ്‌സ്‌മെന്റ് പറയുന്നു. യുഎഇയില്‍ നിന്ന് ഹവാല വഴിയാണ് ഹാഫിസിന്റെ ട്രസ്റ്റ് പണം നേടിയത്. ഇന്ത്യയില്‍ ഭീകരപ്രവര്‍ത്തനം നടത്തുന്നതിനും ഭീകരാക്രമണം സംഘടിപ്പിക്കുന്നതിനുമാണ് ഇത്. എഫ് ഐ എഫിനെതിരെ എന്‍ഐഎ രജിസ്റ്റര്‍ ചെയ്ത കേസുമായി ബന്ധപ്പെട്ടതാണ് ജപ്തി നടപടി. വില്ലകളും ആഡംബര അപ്പാര്‍ട്ട്‌മെന്റുകളും ബംഗ്ലാവുകളുമടക്കം ഹാഫിസ് സയിദിന്റേത് എന്ന് പറയപ്പെടുന്ന 24 പ്രോപ്പര്‍ട്ടികള്‍ കണ്ടെത്തിയതായി എന്‍ഫോഴ്‌സ്‌മെന്റ് പറയുന്നു.

അഴിമുഖം ഡെസ്ക്

അഴിമുഖം ഡെസ്ക്

More Posts

മോസ്റ്റ് റെഡ്


എഡിറ്റേഴ്സ് പിക്ക്


Related news


Share on

മറ്റുവാര്‍ത്തകള്‍