UPDATES

അറബിക്കടലിൽ ‘വായു’ രൂപംകൊണ്ടു, വടക്കൻ കേരളത്തിൽ കനത്ത മഴയ്ക്ക് സാധ്യത

ഒഡീഷ തീരത്ത് കനത്ത നാശം വിതച്ച് കടന്നു പോയ ഫോനി ചുഴലിക്കാട്ടിന് പിന്നാലെയാണ് വായു രൂപം കൊള്ളുന്നത്.

കേരളത്തിനും ലക്ഷദ്വീപിനും ഇടയില്‍ രൂപം കൊണ്ട ന്യൂനമര്‍ദ്ദം ‘വായു’ ചുഴലിക്കാറ്റായി പരിണമിച്ചു. ഗുജറാത്ത് തീരത്തേക്ക് സഞ്ചരിക്കുന്ന വായുവിന്റെ ഫലമായി വടക്കൻ കേരളത്തില്‍ ഇന്ന് മഴ കനക്കാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിക്കുന്നു. കേന്ദ്ര കാലാവസ്ഥ നിരീക്ഷണ വിഭാഗത്തിന്റെ റിപ്പോർട്ട് പ്രകാരം ലക്ഷദ്വീപിനോട് ചേര്‍ന്ന തെക്ക് കിഴക്കന്‍ പ്രദേശത്തും മധ്യ കിഴക്കന്‍ അറബിക്കടലും കേന്ദ്രീകരിച്ചാണ് അതിശക്തമായ ന്യൂനമര്‍ദ്ദം (depression ) രുപപ്പെട്ടത്. ഇതി പിന്നീട് വായു ചുഴലിക്കാറ്റായി മാറുകയായിരുന്നു.

ഒഡീഷ തീരത്ത് കനത്ത നാശം വിതച്ച് കടന്നു പോയ ഫോനി ചുഴലിക്കാട്ടിന് പിന്നാലെയാണ് വായു രൂപം കൊള്ളുന്നത്. ഫോനിയുടെ വിപരീത പാതയിൽ അടുത്ത 72 മണിക്കൂറില്‍ ഇത് വടക്ക് വടക്കു പടിഞ്ഞാറു ദിശയില്‍ സഞ്ചരിക്കുന്ന വായു ഗുജറാത്ത് മഹാരാഷ്ട്ര തീരത്തേക്ക് നീങ്ങുമെന്നാണ് റിപ്പോർട്ട്.  ചുഴലിക്കാറ്റ് സംസ്ഥാനത്തെ  നേരിട്ടു ബാധിക്കില്ലെങ്കിലും അഞ്ചുദിവസം കേരളത്തിൽ കനത്ത മഴയ്ക്കും കാറ്റിനും സാധ്യതയുണ്ട്.

പത്തനംതിട്ട, കോട്ടയം, ഇടുക്കി, പാലക്കാട്, വയനാട് എന്നീ മലയോര ജില്ലകള്‍ ഒഴികെ സംസ്ഥാനത്ത് ഒമ്പത് ജില്ലകളില്‍ വായു ചുഴലിക്കാറ്റിന്റെ പശ്ചാത്തലത്തിൽ യെല്ലോ അലർട്ട് പ്രഖ്യാപിച്ചിട്ടുണ്ട്. നാളെ മലപ്പുറം, കോഴിക്കോട്, കണ്ണൂര്‍ ജില്ലകളില്‍ ഓറഞ്ച് അലർട്ടായിരിക്കും. കാറ്റ് ശക്തമാവാൻ സാധ്യതയുള്ളതിനാൽ മത്സ്യത്തൊഴിലാളികള്‍ കടലില്‍ പോകരുതെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി.

കനത്ത മഴയെത്തുടര്‍ന്ന് ജലനിരപ്പ് ക്രമാതീതമായി ഉയരുന്നതിനാല്‍ തിരുവനന്തപുരത്തെ അരുവിക്കര അണക്കെട്ടിന്‍റെ ഷട്ടര്‍ തുറക്കാന്‍ സാധ്യതയുണ്ട്. ഇതോടെ കരമനയാറ്റില്‍ നീരൊഴുക്ക് വര്‍ധിക്കാന്‍ സാധ്യതയുള്ളതിനാല്‍ പൊതുജനങ്ങള്‍ മുന്‍കരുതല്‍ സ്വീകരിക്കണമെന്നും ഇരുവശങ്ങളിലും താമസിക്കുന്നവര്‍ ജാഗ്രത പാലിക്കണമെന്നും വാട്ടര്‍ അതോറിറ്റി അരുവിക്കര അസിസ്റ്റന്‍റ് എക്സിക്യൂട്ടീവ് എന്‍ജിനീയര്‍ അറിയിച്ചു.

വടക്കേക്കര പഞ്ചായത്ത് ഒരുമിച്ചുനിന്നു; ആദ്യം പ്രളയത്തെ തോല്‍പ്പിച്ചു, ഇപ്പോള്‍ നിപയേയും

 

മോസ്റ്റ് റെഡ്


എഡിറ്റേഴ്സ് പിക്ക്


Related news


Share on

മറ്റുവാര്‍ത്തകള്‍