TopTop
Begin typing your search above and press return to search.

പോസ്റ്റല്‍ വോട്ട് ആരോപണത്തില്‍ മാനനഷ്ടക്കേസ്, മുല്ലപ്പള്ളിക്കെതിരെ നിയമനടപടിക്ക് ഡിജിപിക്ക് സര്‍ക്കാര്‍ അനുമതി

പോസ്റ്റല്‍ വോട്ട് ആരോപണത്തില്‍ മാനനഷ്ടക്കേസ്, മുല്ലപ്പള്ളിക്കെതിരെ നിയമനടപടിക്ക് ഡിജിപിക്ക് സര്‍ക്കാര്‍ അനുമതി

തെരഞ്ഞെടുപ്പ് സമയത്ത് തന്നെ ഡിജിപി ഇക്കാര്യം ആവശ്യപ്പെട്ടിരുന്നു

ലോക്സഭ തെരഞ്ഞെടുപ്പ് വേളയില്‍ ഉയര്‍ന്ന പോസ്റ്റല്‍ വോട്ട് വിവാദവുമായി ബന്ധപ്പെട്ട് ഡിജിപിക്ക് എതിരെ നടത്തിയ വിവാദ പരാമര്‍ശത്തില്‍ കെപിസിസി പ്രസിഡന്‍റ് മുല്ലപ്പള്ളി രാമചന്ദ്രനെതിരെ നിയമനടപടികള്‍ തുടരും. മുല്ലപ്പള്ളിയുടെ പരാമര്‍ശത്തില്‍ നിയമ നടപടിക്ക് അനുമതി തേടിക്കൊണ്ടുള്ള ലോക്നാഥ് ബെഹ്റയുടെ അപേക്ഷ സര്‍ക്കാര്‍ അംഗീകരിച്ചു.

ഇടതുനിയന്ത്രണത്തിലുള്ള പൊലീസ് അസോസിയേഷന് പോസ്റ്റല്‍ വോട്ടുകള്‍ തട്ടിയെടുക്കാന്‍ ഡിജിപി സഹായം നല്‍കുന്നവെന്നായിരുന്നു മുല്ലപ്പള്ളിയുടെ ആരോപണം. ഈ പരാമര്‍ശനത്തിന് എതിരെ മാനനഷ്ട കേസ് നല്‍കാന്‍ അനുമതി ആവശ്യപ്പെട്ടായിരുന്നു ബെഹ്റ സര്‍ക്കാറിനെ സമീപിച്ചത്. തെരഞ്ഞെടുപ്പ് സമയത്ത് തന്നെ ഡിജിപി ഇക്കാര്യം ആവശ്യപ്പെട്ടിരുന്നു. എന്നാല്‍ ഇപ്പോഴാണ് കത്തില്‍ തീരുമുണ്ടായത്.

മുല്ലപ്പള്ളി രാമചന്ദ്രനില്‍ നിന്നുമുണ്ടായ പ്രസ്താവന ഒരു ഉന്നതപദവിലിരിക്കുന്ന ഉദ്യോഗസ്ഥന് മാനഹാനി ഉണ്ടാക്കുന്നതാണ്, അതിനാല്‍ കേസുമായി മുന്നോട്ടുപോകാന്‍ ഡിജിപിക്ക് അനുമതി നല്‍കുന്നതായും ആഭ്യന്തര സെക്രട്ടറിയുടെ ഉത്തരവില്‍ പറയുന്നു. പ്രതിപക്ഷത്തെ പ്രമുഖപാര്‍ട്ടിയുടെ അധ്യക്ഷനെതിരെ പൊലീസ് മേധാവി മാനനഷ്ടകേസിന് പോകുന്നതും അതിന് സര്‍ക്കാര്‍ അനുമതി നല്‍കുന്നതും ഇതാദ്യമായാണെന്നാണ് റിപ്പോര്‍ട്ട്. നേരത്തെ മുഖ്യമന്ത്രിയായിരുന്ന ഉമ്മന്‍ചാണ്ടിക്കെതിരെ നിയമനടപടി ആവശ്യപ്പെട്ട് ജേക്കബ് തോമസ് നല്‍കിയ കത്ത് അന്നത്തെ യുഡിഎഫ് സര്‍ക്കാര്‍ തള്ളിയിരുന്നു.

ഭൂമിയിലെ സംഘര്‍ഷങ്ങള്‍ ബഹിരാകാശത്തേയ്ക്ക് കയറ്റി അയക്കരുത്, സ്വകാര്യമേഖലയുടെ വരവ് സംഘര്‍ഷമുണ്ടാക്കും: രാകേഷ് ശര്‍മ / അഭിമുഖം


Next Story

Related Stories