Top

ചാരക്കേസിൽ താന്‍ കുറ്റക്കാരനാണെങ്കില്‍ ഒന്നാം പ്രതി നായനാര്‍ സര്‍ക്കാര്‍: ടി പി സെൻകുമാർ

ചാരക്കേസിൽ താന്‍ കുറ്റക്കാരനാണെങ്കില്‍ ഒന്നാം പ്രതി നായനാര്‍ സര്‍ക്കാര്‍: ടി പി സെൻകുമാർ
ചാരക്കേസിൽ നമ്പി നാരായണനെ കുടുക്കാൻ ശ്രമിച്ചെന്ന സർക്കാർ ഹൈക്കോടതിയിൽ സമർപ്പിച്ച  സത്യവാങ്ങ് മൂലത്തിനെതിരേ നിയമ നടപടിയ്ക്കൊരുങ്ങി മുൻ പോലീസ് മേധാവി ടിപി സെൻകുമാർ. തനിക്കെതിരായി ചുമത്തിയ കള്ളക്കേസുകളെല്ലാം തള്ളിപ്പോയപ്പോള്‍ സര്‍ക്കാര്‍ കാട്ടിക്കൂട്ടുന്ന വില കുറഞ്ഞ നീക്കമാണ് ചാരക്കേസുമായി ബന്ധപ്പെടുത്തിയ ഉയർത്തിയതെന്ന് ആരോപിച്ച സെൻകുമാർ കേസിൽ താൻ പ്രതിയായാൽ ഒന്നാം പ്രതി ഇ കെ നായനാർ സർക്കാരായിരിക്കുമെന്നും വ്യക്തമാക്കുന്നു.

അന്നത്തെ സർക്കാർ ആവശ്യപ്രകാരം ഐഎസ്ആർഒ ചാരക്കേസ് ഏറ്റെടുത്തെങ്കിലും കാര്യമായ അന്വേഷണം നടത്താനായിരുന്നില്ല. നടപടികൾ തുടങ്ങും മുൻപ്  തന്നെ ഹൈക്കോടതി നിര്‍ദേശപ്രകാരം ഫയലുകള്‍ മടക്കി നല്‍കിയിരുന്നു. കേസിൽ മറ്റ് ഇടപെടലുകൾ ഒന്നും നടത്തിയിട്ടില്ല. താന്‍ കുറ്റക്കാരനെങ്കില്‍ ഇ.കെ. നായനാര്‍ സര്‍ക്കാര്‍ ഒന്നാംപ്രതിയാകുമെന്ന ചൂണ്ടിക്കാട്ടിയ അദ്ദേഹം, കേസിൽ നമ്പി നാരായണൻ ഏറ്റുവാങ്ങിയ പീഡനങ്ങൾ വിവരിക്കുന്ന  ‘ഓർമകളുടെ ഭ്രമണപഥം’ എന്ന ആത്മകഥയിൽ പോലും തന്റെ പേരില്ലെന്നും പറയുന്നു.

മനോരമ ന്യൂസിനോടായിരുന്നു അദ്ദേഹത്തിന്റെ പ്രതികരണം.  ചാരക്കേസില്‍ നമ്പി നാരായണനെ ഉപദ്രവിച്ചതില്‍ സെന്‍കുമാറിനും പങ്കുണ്ടെന്നും, കോടതിയെ തെറ്റിദ്ധരിപ്പിച്ചാണ് കേസിൽ അന്ന് അന്വേഷണ ഉദ്യോഗസ്ഥനായ ടിപി സെന്‍കുമാർ പുനരന്വേഷണ ഉത്തരവ് നേടിയതെന്നുമായിരുന്നു സർക്കാർ സമർപ്പിച്ച  സത്യവാങ്ങ്മൂലം.

അഡ്മിനിസ്ട്രേറ്റീവ് ട്രൈബ്യൂണലിലെ നിയമനം വൈകുന്നത് ചോദ്യം ചെയ്തുകൊണ്ടുള്ള  സെന്‍കുമാറിന്റെ ഹർജിയിലായിരുന്നു സർക്കാർ  നിലപാട് അറിയിച്ചത്. നമ്പി നാരായണൻ സമർപ്പിച്ച ഹർജിയിൽ സെൻകുമാർ പ്രതിയാണെന്ന് ചൂണ്ടിക്കാട്ടിയായിരുന്നു നടപടി. എന്നാൽ ഈ നിലപാടി കോടതിയെ തെറ്റിദ്ധരിപ്പിക്കലാണെന്ന് ആരോപിച്ചാണ് സെൻകുമാർ‌ വീണ്ടും കോടതിയെ സമീപിക്കാൻ ഒരുങ്ങുന്നത്.

സുപ്രീംകോടതി വിധിയോടെ നമ്പി നാരായണൻ കുറ്റവിമുക്തനായ ശേഷം ഉദ്യോഗസ്ഥ വീഴ്ച അന്വേഷിക്കുന്ന സമിതിയുടെ മുന്നില്‍ തന്നെയും കുടുക്കാനുള്ള ശ്രമങ്ങളാണ് സർക്കാർ നടത്തുന്നതെന്നും സെൻകുമാർ പറയുന്നു.

https://www.azhimukham.com/kerala-how-karunakaran-defended-raman-srivastava-on-isro-espionage-case-in-assembly/

https://www.azhimukham.com/literature-isro-espionage-case-accused-fauzia-hassan-reveals-mariam-rasheedas-statements-as-fake/

https://www.azhimukham.com/trending-s-k-sharma-who-passed-today-is-a-victim-of-isro-espionage-case/

https://www.azhimukham.com/offbeat-nambi-narayanan-talks-on-isro-spy-case-and-supreme-court-verdict-by-arathi/

https://www.azhimukham.com/offbeat-isro-spy-case-scientist-nambi-narayanan-and-other-victims-sensationalism-in-malayalam-journalism/






Next Story

Related Stories