TopTop
Begin typing your search above and press return to search.

കാവ്യയുടേയും നാദിര്‍ഷയുടേയും മുന്‍കൂര്‍ ജാമ്യം ഹൈക്കോടതിയില്‍ ഇന്ന്

കാവ്യയുടേയും നാദിര്‍ഷയുടേയും മുന്‍കൂര്‍ ജാമ്യം ഹൈക്കോടതിയില്‍ ഇന്ന്

നടിയെ ആക്രമിച്ച നടി കാവ്യ മാധവനും നാദിര്‍ഷയും സമര്‍പ്പിച്ച മുന്‍കൂര്‍ ജാമ്യാപേക്ഷ ഹൈക്കോടതി ഇന്ന് പരിഗണിക്കും. കേസിന്‍റെ അന്വേഷണ പുരോഗതി റിപ്പോര്‍ട്ട്, അന്വേഷണ സംഘം മുദ്ര വച്ച കവറില്‍ കോടതിയില്‍ സമര്‍പ്പിക്കും. ദിലീപിനെതിരെ മൊഴി നല്‍കാന്‍ അന്വേഷണ സംഘത്തിന്‍റെ ഭാഗത്ത് നിന്ന് സമ്മര്‍ദ്ദമുണ്ടെന്നും തന്നെ പ്രതിയാക്കാന്‍ ശ്രമിക്കുന്നെന്നുമുളള വാദവുമായി നാദിര്‍ഷായാണ് ആദ്യം മുന്‍കൂര്‍ ജാമ്യഹര്‍ജി നല്‍കിയത്. അന്വേഷണ ഉദ്യോഗസ്ഥര്‍ ഭീഷണിപ്പെടുത്തുന്നെന്ന പരാതിയുമായാണ് കാവ്യ മാധവനും മുന്‍കൂര്‍ ജാമ്യാപേക്ഷയുമായി കോടതിയെ സമീപിച്ചത്.

നിലവില്‍ ഇരുവരെയും പ്രതി ചേര്‍ക്കേണ്ട സാഹചര്യമില്ലെന്ന് അന്വേഷണ സംഘം കോടതിയെ അറിയിച്ചിരുന്നു. ദിലീപിന്‍റെ അഞ്ചാമത്തെ ജാമ്യഹര്‍ജി നാളെ ഹൈക്കോടതിയുടെ പരിഗണനയ്‌ക്കെത്തും. കേസിലെ മുഖ്യപ്രതി പള്‍സര്‍ സുനിയുടെ ജാമ്യാപേക്ഷയും ഇന്ന് ഹൈക്കോടതിക്ക് മുന്നിലെത്തും. സുനിയുടെ ക്രിമിനല്‍ പശ്ചാത്തലം മുഴുവന്‍ വിശദമാക്കുന്ന റിപ്പോര്‍ട്ടും അന്വേഷണസംഘം കോടതിയില്‍ ഹാജരാക്കും.


Next Story

Related Stories