ട്രെന്‍ഡിങ്ങ്

എന്താണ് മണി ബില്‍? എന്തുകൊണ്ട് ആധാര്‍ മണി ബില്‍ ആയി കേന്ദ്ര സര്‍ക്കാര്‍ കൊണ്ടുവന്നു?

109 (1) അനുച്ഛേദപ്രകാരം മണി ബില്‍ രാജ്യസഭയില്‍അവതരിപ്പിക്കേണ്ടതില്ല.

2016 മാര്‍ച്ച് 12-നാണ് എന്‍ഡിഎ സര്‍ക്കാര്‍ മണി ബില്‍ അഥവാ പണ ബില്‍ ആയി, ആധാര്‍ ആക്ട് ലോക് സഭയില്‍ കൊണ്ടുവരുകയും പാസാക്കുകയും ചെയ്തത്. മണി ബില്ലുകള്‍ക്ക് രാജ്യസഭയുടെ അംഗീകാരം ആവശ്യമില്ല. രാജ്യസഭയില്‍ ഭൂരിപക്ഷമില്ലാത്തതിനാല്‍ (2016 മാര്‍ച്ച്) സര്‍ക്കാര്‍ വളഞ്ഞ വഴി സ്വീകരിക്കുകയായിരുന്നു എന്നുള്ള ആരോപണവുമായി പ്രതിപക്ഷം രംഗത്തെത്തി. കോണ്‍ഗ്രസ് നേതാവ് ജയറാം രമേഷ് ആണ് ആധാര്‍ ബില്‍ മണി ബില്‍ ആയി ലോക് സഭയില്‍ അവതരിപ്പിച്ചതിനെതിരെ സുപ്രീം കോടതിയെ സമീപിച്ചത്. ആധാറുമായി ബന്ധപ്പെട്ട സുപ്രധാന വാദം നടന്നുകൊണ്ടരിക്കെ ആധാറിനെ മണി ബില്ലില്‍ ഉള്‍പ്പെടുത്തി ലോക സഭയില്‍ പാസാക്കിയത്, ജസ്റ്റിസ് ഡി വൈ ചന്ദ്രചൂഡിന്റെ വിയോജിപ്പോട് കൂടി അംഗീകരിച്ചു.

എന്താണ് മണി ബില്‍?

നികുതി ചുമത്തല്‍, പിന്‍വലിക്കല്‍, നിയന്ത്രക്കല്‍ തുടങ്ങി ആറോളം കാര്യങ്ങളുമായി ബന്ധപ്പെട്ട വ്യവസ്ഥകള്‍ അടങ്ങിയതാണ് ഇന്ത്യന്‍ ഭരണഘടന 1949, 110 (1) അനുച്ഛേദമനുസരിച്ചുള്ള മണി ബില്‍. മണി ബില്‍ കൈകാര്യം ചെയ്യുന്നതിനുള്ള വ്യവസ്ഥകള്‍:

(a) ഏത് നികുതികളുടെയും ചുമത്തല്‍, റദ്ദാക്കല്‍, പുനര്‍നിര്‍മാണം, മാറ്റം വരുത്തല്‍

(b) സര്‍ക്കാരിന് വായ്പ വാങ്ങുന്നതിനുള്ള നിയന്ത്രണം

(c) കണ്‍സോളിഡേറ്റഡ് ഫണ്ടിന്റെ അല്ലെങ്കില്‍ കണ്ടീഷന്‍സ് ഫണ്ടിന്റെ സൂക്ഷിപ്പും ഈ ഫണ്ടുകളില്‍ നിന്ന് പണം കൊടുക്കലുകളോ പിന്‍വലിക്കലുകളോ..

(d) കണ്‍സോളിഡേറ്റഡ് ഫണ്ടിലെ പണത്തിന്റെ വിനിയോഗം

(e) ഇന്ത്യയുടെ കണ്‍സോളിഡേറ്റഡ് ഫണ്ടിന്റെ ധന വിനിയോഗങ്ങള്‍ അല്ലെങ്കില്‍ ഏതെങ്കിലും തരത്തിലുളള ധന വിനിയോഗത്തിന്റെ ചെലവുകള്‍ വര്‍ദ്ധിപ്പിക്കുന്നതിനുള്ള പ്രഖ്യാപനങ്ങള്‍

(f) ഇന്ത്യയുടെ കണ്‍സോളിഡേറ്റഡ് ഫണ്ട് അല്ലെങ്കില്‍ ഇന്ത്യയുടെ പൊതു അക്കൗണ്ട് അല്ലെങ്കില്‍ അത്തരം സൂക്ഷിപ്പ് അല്ലെങ്കില്‍ അത്തരം പണത്തിന്റെ വിതരണം അല്ലെങ്കില്‍ ഭരണകൂടത്തിന്റെ അക്കൗണ്ടുകളുടെ ഓഡിറ്റ് എന്നിവ സംബന്ധിച്ച പണം സ്വരൂപിക്കുക;

(g) ഉപഘടകം a മുതല്‍ f വരെവിശദീകരിച്ചിട്ടുള്ള കാര്യങ്ങളുമായി ആകസ്മികമായി വരുന്ന സംഗതികള്‍

109 (1) അനുച്ഛേദപ്രകാരം മണി ബില്‍ രാജ്യസഭയില്‍ അവതരിപ്പിക്കേണ്ടതില്ല. ഒരിക്കല്‍ ലോക്‌സഭ ഇതുമായി ബന്ധപ്പെട്ട ബില്‍ പാസാക്കിയാല്‍ ഇത് മണി ബില്‍ ആണെന്ന സ്പീക്കറുടെ സാക്ഷ്യപത്രത്തോടെര ാജ്യസഭയിലേക്കയയ്ക്കും. രാജ്യസഭയ്ക്ക് ബില്‍ തള്ളാനോ അതില്‍ ഭേദഗതി വരുത്താനോ അനുവാദമില്ല. 14 ദിവസത്തിനകം ലോക്‌സഭയ്ക്ക് ഇത് തിരിച്ചയയ്ക്കുകയും വേണം. അതിനുശേഷം ലോക്‌സഭയ്ക്ക് വേണമെങ്കില്‍ ബില്ലിലെ നിര്‍ദേശങ്ങള്‍ സ്വീകരിക്കുകയോ തിരസ്‌കരിക്കുകയോ ചെയ്യാം. അനുച്ഛേദം 109 (5) പ്രകാരം, ബില്‍ 14 ദിവസത്തിനകം ലോക്‌സഭയിലേക്ക് തിരിച്ചെത്തിയില്ലെങ്കിലും അത് പാസാക്കാം.

ആധാര്‍ സ്വകാര്യതക്ക് എതിരോ?; നിര്‍ണായക സുപ്രീം കോടതി വിധി ഇന്ന്

മോസ്റ്റ് റെഡ്


എഡിറ്റേഴ്സ് പിക്ക്


Related news


Share on

മറ്റുവാര്‍ത്തകള്‍