TopTop
Begin typing your search above and press return to search.

യുഎഇയില്‍ പ്രവാസികളെ കാത്തിരിക്കുന്നത് മികച്ച അവസരങ്ങളെന്ന് സര്‍വേ റിപോര്‍ട്ട്

യുഎഇയില്‍ പ്രവാസികളെ കാത്തിരിക്കുന്നത് മികച്ച അവസരങ്ങളെന്ന് സര്‍വേ റിപോര്‍ട്ട്

ഈ വര്‍ഷം യുഎഇയില്‍ തൊഴില്‍ രംഗത്ത് ഒന്‍പത് ശതമാനം വളര്‍ച്ചയുണ്ടാകുമെന്ന് സര്‍വേ റിപോര്‍ട്ട്. റിപോര്‍ട്ട് അനുസരിച്ച് പ്രവാസികള്‍ക്ക് വന്‍ തൊഴിലവസരങ്ങള്‍ റിപോര്‍ട്ട് ചെയ്‌തേക്കാം. സര്‍വേയില്‍ പങ്കെടുത്ത കമ്പനികളില്‍ 37 ശതമാനവും ജീവനക്കാരുടെ എണ്ണം വര്‍ദ്ധിപ്പിക്കുമെന്നാണ് അറിയിച്ചിരിക്കുന്നത്. ജീവനക്കാരുടെ എണ്ണം കുറയ്ക്കുമെന്ന് 27 ശതമാനം സ്ഥാപനങ്ങള്‍ അഭിപ്രായപ്പെട്ടപ്പോള്‍ 36 ശതമാനം കമ്പനികള്‍ ഇപ്പോഴത്തെ നില തന്നെ തുടരുമെന്നാണ് അറിയിച്ചത്. ഓണ്‍ലൈന്‍ റിക്രൂട്ട്‌മെന്റ് സ്ഥാപനമായ ഗള്‍ഫ് ടാലന്റ് നടത്തിയ സര്‍വേയിലാണ് കണ്ടെത്തല്‍.

കണക്ക് പ്രകാരം ജോലി ലഭിക്കുന്നവരില്‍ ഏഷ്യന്‍ രാജ്യങ്ങളില്‍ നിന്നുള്ളവരുടെ എണ്ണത്തില്‍ കഴിഞ്ഞ വര്‍ഷങ്ങളില്‍ 12 ശതമാനം വര്‍ദ്ധനവുണ്ടായി. അതേസമയം അറബ് രാജ്യങ്ങളില്‍ നിന്നുള്ളവരുടെയും പടിഞ്ഞാറന്‍ രാജ്യങ്ങളില്‍ നിന്നുള്ളവരുടെയും എണ്ണത്തില്‍ യഥാക്രമം എട്ടും പത്തും ശതമാനം കുറവുണ്ടായി. മറ്റുള്ളവരെ അപേക്ഷിച്ച് കുറഞ്ഞ ശമ്പളം നല്‍കിയാല്‍ മതിയെന്നതാണെത്രെ കൂടുതല്‍ ഏഷ്യക്കാരായ പ്രവാസികളെ ജോലിക്കെടുക്കാന്‍ യുഎഇയിലെ സ്വദേശി തൊഴിലുടമകളെ പ്രേരിപ്പിക്കുന്നത്.

ഒരേ തസ്തികയില്‍ ജോലി ചെയ്യുന്ന വിവിധ രാജ്യക്കാരായ പ്രവാസികളുടെ ശമ്പളം താരതമ്യം ചെയ്യുമ്പോള്‍ അറബികളേക്കാള്‍ 20 ശതമാനവും പടിഞ്ഞാറന്‍ രാജ്യങ്ങളില്‍ നിന്നുള്ളവരേക്കാള്‍ 40 ശതമാനവും കുറവ് ശമ്പളം മാത്രമാണ് ഏഷ്യക്കാര്‍ക്ക് ലഭിക്കുന്നതെന്ന് സര്‍വേ പറയുന്നു.


Next Story

Related Stories