TopTop
Begin typing your search above and press return to search.

തിരുവിതാംകൂറിന്റെ കഥ പറഞ്ഞ 'സംവത്സരങ്ങളു'ടെ രചയിതാവ് എസ് ഇ ജയിംസ് അന്തരിച്ചു

തിരുവിതാംകൂറിന്റെ കഥ പറഞ്ഞ സംവത്സരങ്ങളുടെ രചയിതാവ് എസ് ഇ ജയിംസ് അന്തരിച്ചു

എഴുത്തുകാരനും കോഴിക്കോട് മലബാര്‍ ക്രിസ്ത്യന്‍ കോളേജില്‍ മലയാളം അധ്യാപകനുമായിരുന്ന എസ് ഇ.ജയിംസ് (70) നിര്യാതനായി. വെള്ളിമാട്‌കുന്നിലെ വീട്ടില്‍ ശനിയാഴ്‌ച ഉച്ചയോടെ ജയിംസിനെ മരിച്ച നിലയില്‍ കണ്ടെത്തുകയായിരുന്നു.

പൊലീസ്‌ വാതില്‍ പൊളിച്ച്‌ അകത്തുകടന്നപ്പോള്‍ സ്‌റ്റെപ്പില്‍ ജയിംസിനെ മരിച്ച നിലയില്‍ കണ്ടെത്തിയത്‌. ഒറ്റയ്ക്കായിരുന്നു താമസം.

തിരുവിതാംകൂറിന്റെയും അവിടുത്തെ മനുഷ്യരുടെയും കഥപറയുന്ന സംവത്സരങ്ങള്‍ എന്ന നോവലാണ് പ്രധാന കൃതി. ദളിത്‌ പ്രശ്‌നങ്ങള്‍ കൈകാര്യം ചെയ്യുന്ന ഈ നോവലില്‍ അയ്യങ്കാളിയും അദ്ദേഹത്തിന്റെ സമരങ്ങളും പരാമര്‍ശിക്കുന്നുണ്ട്‌. കൂടാതെ മൂവന്തിപ്പൂക്കള്‍ എന്നീ നോവലുകളും വൈദ്യന്‍ കുന്ന്‌ എന്ന കഥാസമാഹാരവും രചിച്ചിട്ടുണ്ട്‌.

തിരുവനന്തപുരം വെങ്ങാനൂര്‍ സ്വദേശിയായ ഇദ്ദേഹം 1980 മുതല്‍ കോഴിക്കോട്‌ കൃസ്‌ത്യന്‍ കോളജില്‍ മലയാളം അധ്യാപകനായിരുന്നു. തിരുവനന്തപുരം യൂണിവേഴ്‌സിറ്റി കോളജില്‍ എസ്‌എഫ്‌ഐ നേതാവായിരുന്ന ജയിംസ്‌ 1978 മുതല്‍ 79 വരെ യൂണിയന്‍ ചെയര്‍മാനായിരുന്നു.


Next Story

Related Stories