Top

മാനസികാരോഗ്യം സ്വയം പരിശോധിക്കാം; മൊബൈല്‍ ആപ്ലിക്കേഷന്‍ തയാറാക്കി വിദ്യാര്‍ഥി സംഘം

മാനസികാരോഗ്യം സ്വയം പരിശോധിക്കാം; മൊബൈല്‍ ആപ്ലിക്കേഷന്‍ തയാറാക്കി വിദ്യാര്‍ഥി സംഘം

മാനസികാരോഗ്യം പരിശോധിക്കാന്‍ പുതിയ മൊബൈല്‍ ആപ്ലിക്കേഷന്‍ തയാറാക്കി അമേരിക്കന്‍ യൂണിവേഴ്‌സിറ്റി ഓഫ് ഷാര്‍ജയിലെ വിദ്യാര്‍ഥി സംഘം. ദുബൈ ഹെല്‍ത്ത് അതോറിറ്റിക്ക് വേണ്ടിയാണ് 'മെന്‍ഡിപ്‌സെയര്‍ മെന്റല്‍ ഹെല്‍ത്ത് ആപ്പ്' എന്ന പേരില്‍ ആപ്ലിക്കേഷന്‍ തയാറാക്കിയത്. ആപ്പിലൂടെ സ്വയം എത്രമാത്രം മാനസികാരോഗ്യ പ്രശ്‌നങ്ങളുണ്ടെന്ന് പരിശോധിക്കുന്നതിന് പുറമെ ചികില്‍സ തേടാനും കഴിയും. വ്യക്തിയുടെ സ്വകാര്യത സംരക്ഷിച്ചുകൊണ്ടാണ് ആപ്പ് പ്രവര്‍ത്തിക്കുകയെന്നും അധികൃതര്‍ പറയുന്നു.

മൂന്ന് മലയാളി വിദ്യാര്‍ഥികള്‍ ഉള്‍പ്പെടുന്ന സംഘം തയാറാക്കിയ ആപ്പ് ദുബൈ ഹെല്‍ത്ത് അതോറിറ്റിയാണ് ജിറ്റെക്‌സ് സാങ്കേതിക വാരത്തില്‍ അവതരിപ്പിച്ചത്. ദുബൈ ഹെല്‍ത്ത് ഹാക്കത്തനില്‍ സമ്മാനം നേടിയ വിദ്യാര്‍ഥി സംഘം ദുബൈ ഹെല്‍ത്ത് അതോറിറ്റിയുടെ തന്നെ പിന്തുണയോടെയാണ് ആപ്പ് വികസിപ്പിച്ചത്. അഞ്ചംഗ സംഘത്തിലെ മൂന്ന് പേരും മലയാളികളാണ്. രണ്ടുമാസത്തിനകം മെന്‍ഡിപ്‌സെയര്‍ ആപ് പൊതുജനങ്ങള്‍ക്ക് ലഭ്യമാക്കി തുടങ്ങും.


Next Story

Related Stories