സോഷ്യൽ വയർ

രക്തം ഒഴുകുന്ന കാലുമായി ബാറ്റിങ്; വാട്സനെ പുകഴ്ത്തി ക്രിക്കറ്റ് ലോകം

അവസാന ഓവര്‍ വരെ ക്രീസില്‍ നിന്ന് വാട്‌സണ്‍ 59 പന്തില്‍ 80 റണ്‍സ് നേടുകയും ചെയ്തിരുന്നു

ചെന്നൈ സൂപ്പര്‍ കിങ്‌സ് താരം ഷെയ്ന്‍ വാട്‌സണ്‍ ആണ് ഇപ്പോള്‍ സോഷ്യല്‍മീഡിയയിലെ ഹീറോ. ഫൈനലില്‍ രക്തം ഒഴുകുന്ന കാലുമായി നിന്ന് ബാറ്റ് ചെയ്തത്. ഹര്‍ഭജന്‍ സിങ്ങാണ് വാട്‌സണ്‍ രക്തം ഒലിക്കുന്ന കാലുകളുമായി നിന്നു ബാറ്റ് ചെയ്യുന്ന ചിത്രം പുറത്തു വിട്ടത്. ‘അദ്ദേഹത്തിന്റെ കാല്‍മുട്ടിലെ ചോര നിങ്ങള്‍ക്ക് കാണാമോ? കളിക്ക് ശേഷം ആറ് സ്റ്റിച്ചാണ് ഇട്ടത്. ഡൈവ് ചെയ്യുന്നതിനിടയിലാണ് പരുക്ക് പറ്റിയത്. എന്നിട്ടും ആരോടും പറയാതെ അദ്ദേഹം ബാറ്റിംഗ് തുടര്‍ന്നു’ എന്നായിരുന്നു ഹര്‍ഭജന്റെ ട്വീറ്റ്.

വാട്‌സണെ അഭിനന്ദിച്ച് നിരവധി ക്രിക്കറ്റ് താരങ്ങള്‍ എത്തിയതോടെ സോഷ്യല്‍ മീഡിയയിലും അദ്ദേഹം സ്റ്റാറായി. അവസാന ഓവര്‍ വരെ ക്രീസില്‍ നിന്ന് വാട്‌സണ്‍ 59 പന്തില്‍ 80 റണ്‍സ് നേടുകയും ചെയ്തിരുന്നു. ഇതോടെ ഐ.പി.എല്‍ ഫൈനലില്‍ മുംബൈ ഇന്ത്യന്‍സിനോട് പരാജയപ്പെട്ട നിരാശ താരങ്ങളും ആരാധകരും മറക്കുകയും ചെയ്തു.

Read More : ലേഖയുടെയും വൈഷ്ണവിയുടെയും മൃതദേഹങ്ങള്‍ വീട്ടിലെത്തിച്ചു; സംസ്‌കാരം നിര്‍വഹിക്കുന്നത് ലേഖയുടെ സഹോദരിയുടെ മകന്‍ 

മോസ്റ്റ് റെഡ്


എഡിറ്റേഴ്സ് പിക്ക്


Share on

മറ്റുവാര്‍ത്തകള്‍