TopTop
Begin typing your search above and press return to search.

മാമുക്കോയയെ അല്ല അദ്ദേഹത്തിന്റെ പശുവിനെയാണ് ഞാൻ സ്നേഹിക്കേണ്ടത്; സംഘപരിവാര്‍ ആക്രമണങ്ങളെ വിമർശിച്ച് നടൻ ഹരീഷ് പേരടി

മാമുക്കോയയെ അല്ല അദ്ദേഹത്തിന്റെ പശുവിനെയാണ് ഞാൻ സ്നേഹിക്കേണ്ടത്; സംഘപരിവാര്‍ ആക്രമണങ്ങളെ വിമർശിച്ച് നടൻ ഹരീഷ് പേരടി
സോഷ്യല്‍മീഡിയയിലൂടെ സജീവമായി തന്റെ നിലപാടുകൾ തുറന്നു പറയാറുള്ള താരമാണ് ഹരീഷ് പേരടി. ഇപ്പോഴിതാ ഗോ സംരക്ഷണത്തിന്റെ പേരിൽ രാജ്യത്ത് വർദ്ധിച്ചു വരുന്ന ആക്രമണങ്ങളെ വിമർശിച്ച് രംഗത്തെത്തിയിരിക്കുകയാണ് താരം. നടൻ മാമൂക്കോയയുടെ ഒപ്പം നില്‍ക്കുന്ന ചിത്രത്തോടൊപ്പം ‘ഞാനിത്രയും കാലം ഈ മന്യഷ്യനെ ഇക്കാ… എട്ടാ… എന്നൊക്കെ വിളിക്കുമ്പോള്‍ ഇദ്ദേഹത്തിന്റെ വീട്ടിലെ പശു എന്നെ നോക്കി ചിരിക്കുമായിരുന്നു, ഹിന്ദുവായ ഞാൻ അദേഹത്തിന്റെ പശുവിനു ആണ് സ്നേഹിക്കേണ്ടത്...'. ഹരീഷ് പേരാടി പറയുന്നു. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം പങ്കുവെച്ചത്.

ഹരീഷ് പേരടിയുടെ ഫേസ്ബുക് പോസ്റ്റിന്റെ പൂർണ്ണരൂപം;

ഞാനിത്രയും കാലം ഈ മന്യഷ്യനെ ഇക്കാ... എട്ടാ... എന്നൊക്കെ വിളിക്കുമ്പോൾ ഇദ്ദേഹത്തിന്റെ വീട്ടിലെ പശു എന്നെ നോക്കി ചിരിക്കുമായിരുന്നു ... ഹിന്ദുവായ എന്റെ യഥാർത്ഥ സഹോദരിയാണ് മാമുക്കോയയുടെ ആലയിലിരുന്ന് ചിരിക്കുന്നത് എന്ന് ഇന്നാണ് എനിക്ക് മനസ്സിലായത് ... മാമുക്കോയയെ അല്ല മാമുക്കോയയുടെ പശുവിനെയാണ് ഞാൻ സ്നേഹിക്കേണ്ടത് എന്ന പുതിയ അറിവ് എന്നിലേക്ക് പകർന്ന് തന്ന സഹോദരങ്ങളോടുള്ള എന്റെ നന്ദി എങ്ങിനെയാണ് പ്രകടിപ്പിക്കേണ്ടത് എന്ന് എനിക്കറിയില്ലാ... ഹിന്ദുക്കളായ ദാസനെയും വിജയനെയും ദുബായിയാണെന്ന് പറഞ്ഞ് പറ്റിച്ച് മദ്രാസിൽ ഇറക്കിവിട്ടതിനുള്ള ശിക്ഷ ഞാനി മനുഷ്യന്റെ പശുവിനെ അടിച്ച് മാറ്റി പകരം വീട്ടും... ജയ് പശു ... ജയ് ചാണകം ...ജയ് പിണ്ണാക്ക് ...

Next Story

Related Stories